Qarjy monitoring agenttigi taratqan aqparatqa qaraghanda, tergeu barysynda uәkiletti ekonomikalyq operator mәrtebesine ie «Group of the Companies TDA» jauapkershiligi shekteuli seriktestigi Qytaydan Qazaqstangha tútynu tauarlary tiyelgen 100-den astam konteynerdi kontrabandalyq jolmen zansyz әkelgeni anyqtalghan.

Búdan bólek, kompaniya qaramaghyndaghy 10 jauapkershiligi shekteuli seriktestik arqyly jalghan shot-fakturalar jasaghan. Osylaysha memleketke 10 milliard tenge zalal keltirgen.

Tergep-tekseru kezinde memleket budjetine 643 million tenge qaytarylghan. Sot sheshimimen 1,3 milliard tenge bolatyn tauar, kýdiktilerge tiyesili 300 million tenge somasyndaghy mýlikke shekteu qoyylghan.

Búghan qosa, atalghan kompaniyamen baylanysta bolghan 47 seriktes kәsiporyn óz erkimen ózara esep aiyrysudy toqtatyp, budjetke 240 mln tenge salyq tólegen.

Almaty qalasynyng Almaly audandyq sotynyng ýkimimen kinәli túlghalar mýlkin tәrkiley otyryp, 1 jyl 4 aidan 4 jyl 6 aigha deyin bas bostandyghynan aiyrylghan. Sonymen qatar, iske qatysy bar bir adamgha halyqaralyq izdeu jariyalandy.

2022 jyly mausymda Qazaqstannyng bas prokuraturasy «Group of the Companies TDA» kompaniyasynyng tauarlardy rәsimdeu kezinde zanbqzushylyqtar jasaghany anyqtalghanyn habarlaghan. Ashyq derekkózderde búl kompaniyanyng qúryltayshylarynyng biri eks-preziydent Núrsúltan Nazarbaevtyng qaryndasy Ánipa Nazarbaeva ekeni aitylghan. Elektrondy ýkimet bazasyndaghy qújatta Group Of The Companies Tda seriktestigining taghy bir qúryltayshysy Ály Janbolatúly Qylyshpaev әri osy kompaniyanyng diyrektory dep jazylghandy.