1931 jyly jazda Bayanauyl elinde úrpaghy Shormannyng Músasyna ýlken as berip, soghan Shynghystaudan Shәkәrim qajy kelipti.

Shәkәrim qúrdasy Mәshhýr Jýsipten: «Myna jana zaman qalay bolady?», – dep súraydy.

Mәshhýr Jýsip: «Búl – alasapyran zaman. Búl – sosializm degen zaman, maghynasy qúdaysyzdar qoghamy degen. Dýniyekezek degen bar emes pe, bir kezde – Qúday degen qústay úshady, dedik, endi Qúday degen, múrttay úshatyn zaman bolady, kóreshek alda. Tiri qalghanyng kóresin. Shәkәrim, jaghday osylay», – degen eken.

Músa asynan keyin tórt kýn elde qonaq bolyp, endi qaytam degen dosy Shәkәrim qajygha Mәshhýr Jýsip aitqan eken:

«Az ghana uaqyt, tórt-aq kýn birge boldyq. Búl ekeumizding aqyrghy kezdesuimiz bolar, jas ta keldi, taghdyr da jaqyn.

Dýnie kóshken keruen ghoy, dýniyege birge keldik, birge jýrdik. Endi sol keruenimizben birge ketuimiz kerek qoy. Birimizding ajalymyz Alladan bolar, birimizding ajalymyz adamnan bolar. Jas ta keldi, taghdyr da jaqyn. Aqyrghy kezdesuimiz osy bolar. Qosh sau bol!», – dep qosh aitysyp attanady.

Ekeui qúshaqtasyp, keshu alysyp, qoshtasady.

Ekeuining tughan jyly da, ótken jyly da bir eken: 1858–1931 jyldar aralyghynda ómir sýrgen.

Mәshhýr әuliyening aitqany kelip, ózi sol jyly 27 qarashada óz ajalynan óledi, al Shәkәrim qajyny kýz ortasynda Shynghystauda NKVD jendetteri atyp, sol mandaghy qúdyqqa tastap ketken.

Mәshhýr Jýsip Kópeyúlynyng kitabyndaghy Tólepbergen Aldabergenovtyng qaltyrghan jazbasynan

Abai.kz