Astrahani oblysyndaghy Olya porty manynda Irannan jýk tiyep kele jatqan Reseyding «Olya-4» atty qúrghaq jýk kemesining sugha ketuinen emes, soghys geografiyasynyng taghy bir eli keneye týskenin bayqadyq.

Resey tarabynyng mәlimdemesine qaraghanda, kemege 14 dron shabuyl jasaghan, onyng 10-yn atyp týsirgenimen, qalghan tórteui nysanagha dóp tiygen. Drondardyng Ázirbayjan baghytynan úshyp kelgeni aityluda, biraq búl «úshyp kelgen joly» ghana, negizgi úshyru nýktesi, әriyne, Ukraina boluy yqtimal. Óitkeni Kaspiyge jetu ýshin Ázirbayjannyng әue kenistigine kiru – jalghyz qisyndy marshrut.

Irannan keletin jýk – Resey ýshin sanksiyalardan ainalyp ótu joldarynyng biri. Kaspiy arqyly jýkter Astrahanigha, odan әri temirjolmen Reseyding ishki ónirlerine jetedi. Demek, «Olya-4» sekildi kemelerding kózin jong – tek әskery soqqy ghana emes, ekonomikalyq oqshaulaudy terendetuding tәsili.

Ekinshiden, búl drondyq soqqy Kaspiy aimaghynyng әskery qauipsizdik arhiytekturasyn shayqaltyp otyr. Kaspiy – bes elding (Qazaqstan, Resey, Ázirbayjan, Iran, Týrikmenstan) arasyndaghy sayasy tengerimmen basqarylady. Osy kýnge deyin Kaspiyde әskery operasiyalar meylinshe shektelip kelgen, әsirese ýshinshi elderding qaruly kýshi búl aimaqqa kirmeydi degen jazylmaghan qaghida bar edi. Al endi drondardyng әue marshruty sol dәstýrli «qyzyl syzyqtardy» ainalyp ótip jatyr. Búl jaghday, әsirese, Ázirbayjan men Resey arasyndaghy senimge syna qaghuy mýmkin.

Ýshinshiden, dron soqqylarynyng auqymy men dәldigi – qazirgi soghys tehnologiyalarynyng ózgerip ketkenin taghy da dәleldeydi. 14 dronnyng bir uaqytta attanuy – búl jay ghana partizandyq aksiya emes, naqty josparlanghan, kóp vektorly operasiya. 10 drondy atyp týsirgenning ózi Reseyding PVO jýiesining Kaspiydegi shekteuli mýmkindigin kórsetedi. Al qalghan tórteuining nysanagha jetui – su joldaryndaghy qorghanys sharalarynyng әlsiz tústaryn әshkereledi.

Tórtinshiden, múnyng bәri Qazaqstan ýshin de janama tәuekelderdi arttyrady. Kaspiy bizding teniz shekaramyz, al ondaghy túraqsyzdyq – tikeley bizding porttarymyzdyn, múnay tasymalymyzdyn, jýk logistikamyzdyng qauipsizdigine әser etui mýmkin. Eger Kaspiy akvatoriyasy drondar ýshin ashyq nysanagha ainalsa, Aqtau men Qúryq porttarynyng da qauipsizdigi ózekti mәselege ainalady.

Drondar tenizdi de, qúrlyqty da, shekarany da elemeydi. Al soghys geografiyasy keneygen sayyn, oghan tartylatyn elder men aimaqtardyng sany arta beredi. Kaspiyde bolghan soqqy – soghystyng bizge qanshalyq jaqyndap kele jatqanyn jәne onyng ekonomikalyq, sayasi, әskery saldarlary tek qaqtyghys aimaghymen shektelmeytinin aiqyn eskertu.

Núrlan Júmaqanov

Abai.kz