Keshe Mәjilis otyrysynda deputat Ardaq Nazarov resmy sózin bastamay túryp, anasynyng tughan kýni ekenin aityp, minberden qúttyqtau joldady. Búl әreket qoghamda qyzu talqygha týsip, týrli pikirler aityluda.

Mәjilis – elimizding eng basty zang shygharushy organy. Múnda aitylatyn әrbir sóz, kóteriletin әr mәsele halyqtyng mýddesine say boluy tiyis. Endi onyng salmaghy tipti artpaq. Al qazirgi Mәjiliste kәsibi, bilimi men biligi jetkilikti deputattardyng qatarynda әrtýrli adamdar jýr. Solardyng qatarynda, Ardaq Nazarovtyng songhy әreketteri qoghamnyng synyna jii iligude.

Abai.kz oqyrmandarynyng talqysyna belgili jurnalist Kәmshat Tasbolattyng pikirin úsynghandy jón kórdik...

Suret: anatili.kazgazeta.kz saytynan alyndy.

Kәmshat Tasbolat:

– Negizi kýletin emes, jylaytyn jaghday. Europada ne Amerikada belgili bir audanda atys-shabys, qyz zorlap, adam ólimimen ayaqtalghan jaghday bolsa, qylmyskerdi izin suytpay, tútqyndaytyn polisiya men «breaking news» beretin jurnalisteri bylay túrsyn, әkimdik ókilderi men saylanghan deputattary el aldyna shyghyp, qoghamdyq qauipsizdikti saqtaugha kepil bolatyndaryn aityp shyghady. Ókinishke qaray, Talghar dese shoshityn kýige týstik. Kegen, Rayymbek, Enbekshiqazaq, Úighyr jәne Talghar audandarynan saylanghan deputat Ardaq Nazarov Parlamentte dabyl qaghyp, «Talgharda qyz zorlandy, kýdikti jazasyn almay bostandyqta qalghan song qyzdyng 30 jastaghy aghasyn óltirdi, 2 jasar sәbiydi úrlap ketti, al sәby tabylghanda onyng auzyna shúghyl operasiya qajet boldy» dedi me? Talghardan saylanghan deputat retinde búl iske aralasty ma? Bolmasa súmdyq jaghday! Qoghamdyq rezonans ta boldy ghoy. Sәbiyding densaulyq jayy, psihologiyalyq jaghdayy men otbasynyng kýii qanday?

Ókinishke qaray deputat halyqtan alystaghan fransuz patshayymy Mariya Antuanetta siyaqty «halyq ash bolsa, tәtti bәlish jesin» degendey, ózining anasyn Parlament tórinde 70 jasymen qúttyqtady.

Al Talgharda qyzy zorlanyp, úly óltirilgen ana kóz jasyn tógip, kýni keshe balasyn jer qoynyna tabystady. Al halyqtan múnshalyqty alystaghan deputat bizge kerek pe?

Almaty oblysyna qoghamnyng tamyryn basyp, elmen naqty júmys isteytin deputat auaday kerek. Óz basym myqty-myqty deputattardy bilem, biri – bilim salasynda jaqsy júmys istep jatyr, biri – myqty zanger, jaqsy zang jazady, biri – jer dauyn kýshti sheshedi… Al sportshy deputat she? Osyghan deyin onyng aty tek kýlkili mәlimdemelermen baylanysty bolmady ma? Búl qazirgi biylikting de qadirin ketirip, halyq seniminen aiyratyn jәit emes pe? Talgharda qandy oqigha bolyp jatyr, al sening basqa emes, dәl osynday sәtte, bir otbasy ghana emes, býkil Almaty oblysy qara jamylyp, qazaqstandyqtar shok bop otyrghanda Parlamentti «sazdy sәlem» baghdarlamasyna ainaldyrghanyng oryndy ma? Parlamentting reglamenti, deputat etikasy qayda qaldy?

Bәrimizding anamyz bar, biraq anandy qúttyqtaudyng óz jóni bar. Dәl qazirgidey Talgharda Sherzat isinen keyin býkil qoghamdy dýr silkindirgen «qyz zorlau, adam óltiru, sәby úrlau, oghan qastandyq jasau» qylmysy bop jatqanda, sony aitudyng ornyna «ólmeytin taqyryptar» shenberinde deputattyq saual joldau, qúttyqtau aitu tek orynsyz ghana emes, qoghamnan alystaudyn, basqa planetada ómir sýruding belgisi emes pe? Búl barshagha sabaq boluy kerek. Búl dәl qazirgidey qandy jaghdaydan keyin aitylatyn qúttyqtau emes. Kónil aitatyn kez búl…

Abai.kz