Qaraghandy oblysyndaghy «Saryshaghan» poligonynda birlesken «Jauyngerlik dostastyq – 2025» taktikalyq oqu-jattyghuy sәtti ayaqtaldy. Oqu-jattyghudyng jauyngerlik atystardy qamtyghan sheshushi kezenin elimizding Qorghanys ministri, Qaruly kýshter týrlerining bas qolbasshysylary, әsker tekterining qolbasshylary tikeley baqylady.

Birlesken manevrlerge 1500-den astam әskery qyzmetshi, 200-ge juyq әskery jәne arnayy tehnika, sonday-aq 30-dan asa úshu apparattary júmyldyryldy. Áue tehnikasy qúramynda kóp maqsatty Su-30SM joyghysh úshaqtary, Su-25 shabuyldaushy úshaqtary men әrtýrli tiptegi tikúshaqtar boldy.

Aviasiya men әue shabuylyna qarsy qorghanys әskerlerining ýilesimdi is-qimyly barysynda úshqyshtar shartty qarsylastyng әue shabuylyna qarsy qorghanys jýiesin búzyp ótu, jaqyn qashyqtyqtaghy manevrlik әue shayqasy, jerýsti nysandaryn joy jәne jappay әue soqqysyn toytaru sekildi taktikalyq epizodtardy pysyqtady.

Shartty qarsylastyng radiotehnikalyq bólimshelerine barlau-soqqy jasaushy drondarmen soqqy berildi. Áue barlauy men shabuyl maqsatynda SkyLark-1LEX jәne Anka úshqyshsyz úshu apparattary qoldanyldy. Al әue shabuylyna qarsy túru ýshin S-300PS, S-125, Buk-M2E jәne TOR-M2K zenittik-zymyran keshenderi paydalanyldy.

Oqu-jattyghu ayasynda alghash ret «әue-әue» sanatyndaghy basqarylatyn R-60M zymyrandary sәtti synaqtan ótti. Sonymen qatar, әue shabuylyna qarsy operasiya barysynda әskery oqu oryndarynyng kursanttary qúrastyrghan drondardyng mýmkindikteri kórsetildi. Synaqtar zymyrandardyng dәldigi men tiyimdiligin, sonday-aq qazirgi zamanghy úrysqa aviasiyalyq bólimshelerding dayyn ekendigin dәleldedi.

Qarsylastyng úshqyshsyz úshu apparattaryn basu ýshin «Almaz» radio jәne radiotehnikalyq baqylau әri nysana kórsetu kesheni, drondargha qarsy radioelektrondyq kýres jýiesi – «Yantari», úshqyshsyz apparattardyng sputniktik navigasiyasyn túnshyqtyratyn «Marjan» jýiesi, sonday-aq «Groza-R2» jәne «Meruert» antidrondyq qarulary qoldanyldy.
Tómen jyldamdyqpen úshatyn jәne kózge týsui qiyn nysandardy joida PZRK «Igla», «Strela-1M», «Strela-10» jәne «Shilka» zenittik keshenderining eseptoptary óz sheberligin kórsetti.

Oqu-jattyghudyng jabylu saltanatynda Qorghanys ministri jauyngerlik dayyndyqtyng joghary dengeyin, eseptoptardyng ýilesimdi әreketin atap ótti.

Oqu-jattyghudan keyin aviasiya general-leytenanty Dәuren Qosanov Saryshaghan jәne Priozersk garnizondaryndaghy әskery bólimderge baryp, komandirlerding esepterin tyndap, әskery nysandardy aralady. Qorghanys ministri oqu-jattyghu mindetterin sapaly oryndau, әskery infraqúrylym nysandaryn júmys kýiinde ústau, qaru-jaraq pen oq-dәrilerdi saqtau tәrtibin qatang saqtau jóninde naqty tapsyrmalar berdi.

Abai.kz