Qazaqstan Respublikasy

Parlamenti Mәjilisinin

deputattary E.T. Janbyrshin men S.B. Musabaev myrzagha!

Qúrmetti Edil Terekbayúly!

Qúrmetti Samat Bazarbayúly!

Sizder qasiyetti Manghystau oblysynyng tumasysyzdar. Býkil Alash júrtynyng aibyny bolghan keshegi Mahambet pen Isataydyng úrpaghysyzdar. Qazir Mәjilisting eng bilikti, eng belsendi jәne eng yqpaldy deputatysyzdar. Mәjiliske kelip týsken әrbir Zang jobasyna yjdaghatpen qarap, oghan óz jandarynyzdan ózgertuler men tolyqtyru engizuge bar kýshterinizdi salyp kele jatqandarynyzdy da jәne ózderiniz kóterip shyqqan sol ózgerister men tolyqtyrulardy Zang jobasyna engizuge kelgende, aldylarynyzgha jan salmaytyndarynyzdy da men jaqsy bilemin. Jaqsy bilip qana qoymay, óz rizashylyghymdy ýnemi aityp ta, jazyp kelemin. Tipti, Sizderdi Mәjilisting býgingi Mahambeti men Isatayy dep baghalaghanymdy da jaqsy bilesizder.

Qazaqta «Qanyna tartpaghannyng qary synsyn!» degen QARGhYS bar.

Qúday TIL men KÓZDEN saqtasyn, QANYNA TARTQAN JIGIT bolsa, Sizderdey-aq bolsyn!

Býgin sol Mәjilisting Mahambeti men Isatayy bolghan Sizderge arnayy hat jazyp, bir mәselening bayybyn súrap, jauabyn Óz qoldarynyzdan alghym keldi.

Ózderiniz de habardar bolarsyzdar, ótken jyldan beri men Qazaqstannyng UZURPASIYaLANGhAN memleket ekenin, Qasym-Jomart Toqaevtyng preziydenttik taghdyry sol Timur Qúlybaev pen Kәrim Mәsimov UZURPASIYaLAP alghan jýiege dóp kelip qalghan preziydent ekenin aityp, sol UZURPASIYaGhA aparyp soqtyrghan «Qazaqstan Respublikasynyng Últtyq kәsipkerler palatasy turaly» Zanynyng kýshin jong turaly tynbay mәsele kóterip kelemin.

Osy mәselege qatysty Zandardy aqtaryp otyryp, bir normagha kózim týsti.

Ol – «Jer qoynauy jәne jer qoynauyn paydalanu turaly» Kodeksting 28-baby.

Atalghan baptyng birinshi tarmaghynda «Kómirsutekter, uran óndiru jәne paydaly qatty qazbalar salasyndaghy uәkiletti organdar Qazaqstan Respublikasynyng Últtyq kәsipkerler palatasymen jәne jer qoynauyn paydalanushylarmen erikti negizde jasasatyn jәne jergilikti óndirushilerdi qoldaugha baghyttalghan kelisimder kәsipkerlikti yntalandyru turaly kelisim dep týsiniledi»,-dep jazylypty.

Kómirsutekter, uran óndiru jәne paydaly qatty qazbalar salasyndaghy uәkiletti organdar dep otyrghany – qazirgi QR Energetika ministrligi, QR Energetika ministrligining Atomdyq jәne energetikalyq qadaghalau men baqylau komiyteti jәne Industriya jәne qúrylys ministrligining Geologiya komiyteti bolsa kerek.

Demek, búl – Elimizding Últtyq baylyghy bolyp sanalatyn Kómirsutekter, uran óndiru jәne paydaly qatty qazbalargha qatysty kelisimdi osy saladaghy uәkiletti organdar tek Últtyq kәsipkerler palatasymen ghana jasaydy degen sóz!

Bylaysha aitqanda, osy norma arqyly Elimizding Últtyq baylyghy Timur Qúlybaev basynda túrghan az ghana toptyng basqaruyna, enshisine ótip ketkken.

Bir qyzyghy búl norma 2021 jyly 15 qarashada qabyldanyp, 2022 jyldyng 1 qantarynan bastap qoldanysqa enipti.

Sóitip, Elimizding Kómirsutekter, uran óndiru jәne paydaly qatty qazbalargha qatysty barlyq sharua qazirgi tanda osy normanyng ayasynda jýzege asuda...

Qúrmetti Edil Terekbayúly!

Qúrmetti Samat Bazarbayúly!

Búl hatty arnayy Sizderding attarynyzgha jazyp otyrghan sebebim, osy normany Mәjilisting VII shaqyrylymy maqúldapty.

Dәl sol kezde Sizder sol VII shaqyrylymnyng da deputaty bolatynsyzdar.

Áriyne, búl normany tek Siz ekeuiniz ghana maqúldaghan joqsyzdar. Aldymen arnayy Júmys tobynda talqylanyp, sonynda Mәjilisting jalpy otyrysynda bekitilgeni belgili.

Demek, kómirsutekter, uran óndiru jәne paydaly qatty qazbalar syndy Elimizding Últtyq, Strategiyalyq baylyghy týgelimen «Últtyq kәsipkerler palatasy» dep atalatyn kommersiyalyq emes úiymnyn, naqtylap aitsam, Timur Qúlybaev basynda túrghan azghantay toptyng qolyna ótip, osy salagha jauapty uәkiletti organdar «Quyrshaqqa» ainalyp jatqanda, Mәjilisting Mahambeti men Isatayy tektes mening Edil Janbyrshin men Samat Musabaev agham qanday kýide boldy eken?!

Atalary jaudan qaytpaghan jigitter edi ghoy, eki agham búl normagha qarsylyq tanytty ma eken, әlde kóppen birge knovka basyp, qolday saldy ma eken?! Búl – bir!

Ekinshi, Osy normany qabyldap jatqan sәtte Timur Qúlybaevtyng kesirinen 2011 jyly oqqa úshqan, qan josa bolyp sabalghan janaózendik jerlesteri turaly eki agham bir sәt oilandy ma eken?!

Ýshinshi, Eski jýie qúlady. Endi eki agham ózderi qabyldaghan osy normagha «Yqpaldy Parlamenttin» Mәjilisining shynynda túryp, «Qantar» qyrghynynan keyin qúrylyp jatqan «Jana, Ádiletti, Taza Qazaqstannyn» kózimen qayta bir búrylyp qarap kórdi me eken?!!

Kórse, ne oilady eken?!!

Tórtinshi, Búl normadan qútyludyng bir-aq joly bar, ol — «Qazaqstan Respublikasynyng Últtyq kәsipkerler palatasy turaly» zanynyng kýshin jong!

Eger, men úsynys jasasam, eki aghamnyng «Qazaqstan Respublikasynyng Últtyq kәsipkerler palatasy turaly» zannyng kýshin jong turaly Mәjilis tórinen mәsele kóteruge DÁRMENDERI bar ma eken?!!

Qúrmetti Edil Terekbayúly!

Qúrmetti Samat Bazarbayúly!

Attarynyzgha arnayy hat jazyp, mening Sizderden bileyin degenim – osy edi.

Hat eOtinish arqyly joldandy.

Ózderinizden NAQTY, TÚShYMDY jәne NÁTIYJELI jauap kýtemin!

Eskertu: qosymsha eki maqala tirkeldi.

Zor qúrmetpen,

Auyt Múqiybek

Abai.kz