Arqalyq qalasynda Mirjaqyp Dulatúlynyng tughanyna 140 jyl toluyna oray ótkizilgen «Úly dala joryghy» halyqaralyq at marafony óz mәresine jetti. Jarysty «JORYQ» at sporty federasiyasy úiymdastyrdy. Oghan «AMANAT» partiyasy, Qostanay oblysy әkimdigi, sonday-aq Turizm jәne sport ministrligi qoldau kórsetti.

Suretti týsirgen: Abay Uahiyt, Maqsat Shagharbay.

Jenimpazdardy marapattau saltanatyna «AMANAT» partiyasynyng Atqarushy hatshysy Dәulet Kәribek, Qostanay oblysynyng әkimi Qúmar Aqsaqalov, Premier-Ministrding kenesshisi, «JORYQ» at sporty federasiyasy Qamqorshylyq kenesining Tóraghasy Eraly Toghjanov, «JORYQ» at sporty federasiyasynyng preziydenti Baqytjan Túrlybekov jәne ózge de azamattar qatysty.

«AMANAT» partiyasynyng Atqarushy hatshysy Dәulet Kәribek Torghay ólkesi qazaq ziyalylarynyng altyn besigi әri elimizding qasterli ruhany ortalyqtarynyng biri ekenin atap ótti.

«Úly dala joryghy» osydan ýsh jyl búryn tikeley Memleket basshysy Qasym-Jomart Toqaevtyng qoldauymen bastalghan bolatyn. Ýsh jyldyng ainalasynda búl bәige altynshy mәrte ótkizilip jatyr. Osy uaqyt ishinde marafon-bәige әlemge tanymal halyqaralyq jarys dengeyine kóterilip keledi. Osynyng bәri Preziydentimizding últtyq sportty damytugha jasap otyrghan qamqorlyghynyn, qoldauynyng arqasy ekenin basa aitugha tiyispiz. Býginde Últtyq sport halqymyzdyng últtyq tólqújatyna, maqtanyshyna, tipti ómir saltyna ainaldy dese bolady», – dedi ol.

«AMANAT»-tyng Atqarushy hatshysy partiya aldaghy uaqytta da últtyq sport týrlerine, sonyng ishinde at sportyna jan-jaqty qoldau kórsetu júmysyn jalghastyratynyn aitty. Mәselen, byltyr el Preziydenti Mәjilistegi «AMANAT» partiyasynyng fraksiyasy әzirlegen jylqylardyng otandyq túqymdaryn saqtau jәne ósimin molaytu mәseleleri jónindegi arnayy zangha qol qoydy. Sonymen qatar Memleket basshysynyng tapsyrmasy boyynsha elimizde jana últtyq sport ortalyqtary, klubtar, mektepter ashyluda. Onda 600 mynnan astam adam qazaqtyng dәstýrli sport týrlerimen shúghyldanady.

Suretti týsirgen: Abay Uahiyt, Maqsat Shagharbay.

Qostanay oblysynyng әkimi Qúmar Aqsaqalov «Úly dala joryghy» tek sporttyq is-shara ghana emes, sonymen qatar Qazaqstan halqy Assambleyasynyng 30 jyldyghy túsynda el birligin, tatulyq pen dostyqty nyghaytudyng erekshe belgisine ainalghanyn atap ótti.

«Búl marafon – tek qana sporttyq doda emes. Ol – halqymyzdyng tarihyn dәripteytin, últtyq ruhymyzdy janghyrtatyn, eldigimizdi aiqyndaytyn taghylymdy is-shara. Arqalyq tórinde mәresine jetken búl doda úly túlghanyng ruhyna jasalghan taghzym, onyng úrpaqqa qaldyrghan amanatyn úlyqtaudyng aiqyn kórinisi dep bilemin. Ayta keteyin, kelesi jyly Arqalyq qalasynyng 70 jyldyq mereytoyy atalyp ótedi. Osyghan oray, «Úly dala joryghyn» dәstýrli týrde jalghastyryp, osy tarihy datagha arnap ótkizudi josparlap otyrmyz», – dedi aimaq basshysy.

Suretti týsirgen: Abay Uahiyt, Maqsat Shagharbay.

Bes kýnge sozylghan marafon qorytyndysy boyynsha, birinshi oryndy Qyrghyzstannyng birinshi qúramasy iyelenip, asqan tózimdiligi men shynayy sheberligin kórsetti. Olardyng jalpy uaqyty – 26 saghat, 41 minut, 47 sekund. Ekinshi bolyp mәre syzyghyn Aqtóbe oblysynyng komandasy kesip ótti (27 saghat, 21 minut). Al ýshinshi oryndy Qostanay oblysynyng birinshi komandasy qanjyghalady (27 saghat, 32 minut, 14 sekund).

Biyl jarysqa 19 komanda, sonyng ishinde Qyrghyzstan jәne Resey memleketterining ókilderi, sonday-aq Qazaqstan halqy Assambleyasynyng komandasy qatysty.

Suretti týsirgen: Abay Uahiyt, Maqsat Shagharbay.

Eske sala keteyik, ónirde Mirjaqyp Dulatúlynyng 140 jyldyghyna oray ózge de auqymdy merekelik is-sharalar ótti. Qostanayda úly aqyn әri «Alash» qozghalysynyng qayratkerine arnalghan eskertkish ashyldy, al Torghayda respublikalyq aitys jәne ghylymiy-praktikalyq konferensiya ótti. Sonymen qatar deputattar men qogham belsendileri aqynnyng tughan ólkesi Bidayyq auylynda ornalasqan múrajaygha bardy.

Abai.kz