Reseyding Ukrainagha qarsy basqynshylyq soghysyndaghy adamzat tarihy esh úmytpaytyn eng bir qasiretti, qayghyly, qanqasap qyrghyndardyng biri Kiyev týbindegi Bucha deytin qalada boldy.

2022 jyldyng 24 aqpanynda Resey soghys ashyp, 25-27 aqpanda Resey әskeri Buchagha shabuylday bastady. Qala ýshin qiyan-keski shayqastar boldy. Resey Buchany ayaghan joq. Kóptegen túrghyn ýiler ýiindi-qirandygha ainaldy. Al nauryzdyng basynda Bucha tolyqtay okkupasiyalandy.

Bucha jau qolyna ótkenge deyin qalada 40 myng jan sany bolghan. Al okkupasiya kezinde qalada 5 mynnan asa adam qalghan. Basqynshy Resey әskeri osy qalghan 5 myng adamdy tipti ayaghan joq. Oilarnyna kelgenin jasady. Jas-kәri, kempir-sampyr, әiel-bala-shagha degen joq. Úrlyq-qarlyq, tonaudy aitpaghanda, zorlaytynyn zorlady, qorlaytynyn qorlady. Resey jendetterining oilaryna qanday zúlymdyq keldi, sony jasady.

Bucha úzyn-yrghasy 29 kýn jau qolynda boldy. 31 nauryzda Ukraina Buchany tolyq qaytaryp aldy. Osy 29 kýnning ishinde Resey jendetteri 500-den asa adamdy ayausyz qyryp tastaghan. Jýzdegen adam iz-týssiz joghalghandar tiziminde. Qynaday qyrylghan adamdardyng mәiitteri aulalarda ýiilip jatty. Jendetter óz degenderine kónbey, qarsylasqandardyng bastaryn kesip, sharbaqtargha ilip qoyghan. Bir Buchada birneshe ýlken shúnqyr qazylyp, ólgenderdi ýiip-tógip kóme salghan (jalpy qorymdar).

Osynyng bәri keyin әshkere boldy. Sharbaqtargha ilingen bastardyng suretteri de jariyalandy. Eng soraqysy Buchada tabylghan kóptegen mәiitting qoldary artqa baylanyp, atylghandar ekeni, olardyng deni әiel-bala-shagha ekeni anyqtaldy. Tabylghan mәiitterding 90 payyzy snaryad synyqtarynan emes, oq tiyip ólgender bolyp shyqty.

«NBC News» jazyp taratqan bir epizod: «Irina Abramova deytin әiel Bucha qyrghyny turaly: «Kóshede snayper boldy. Resey sarbazdary bizding ýiding terezesinen granata tastady. Olar barlyq ýige sóitti. Ýiimiz órtengen song kýieuim kóshege jýgirip shyqty. Biz aulada túrdyq. Basqynshylar kýieuimdi sheshindirip, tizerletip otyrghyzdy da atyp tastady. Al kóshedegi snayper kóshege shyqqannyng bәrin birden atyp tastap otyrdy. Sondyqtan, kýieuimning mәiiti bir ay boyy kóshede jatty. Aulagha alyp kire almadym», - dep eske alady», - dep jazady.

Buchanyng әrbir kóshesi, әrbir aulasy beybit halyqtyng mәiitine tolghan. Buchadaghy әrbir ýy turaly jeke-jeke filim týsirse, basqynshy Resey әskerining qanqúmarlyghyn kýlli әlemning qúlaghy estiytin әrbir adamy bilgen bolar edi.

Juyrda «The Sunday Times» basylymy osy Bucha qyrghynyna qatysqan Reseyding 13 ofiyserining attanyn atap, týsterin týstep, tizbelep shyghypty.

Buchada qarusyz halyqty qyrghan 13 komandiyr: General-polkovnikter – Aleksandr Chayko, Valeriy Solodchuk, Aleksandr Sanchiyk; general-mayorlar – Sergey Chubarykiyn, Vladimir Seliyverstov, Vadim Pankov; polkovnikter – Azatbek Omurbekov, Yuriy Medvedev. Olardyng basshylyghymen әreket etken taghy 80 adamnyng aty-jónderi belgili bolghan. Búl qanqúmarlardyng jetpis jeti úrpaghyna qarghys!

Abai.kz