«Men bәrinen aiyryldym – bostandyqtan, otbasymnan, balalarymnan» — alayaqtyq ýshin sottalghan әielding hikayasy...

Manghystau oblysynda 23 jastaghy әiel 17 epizod alayaqtyq jasaghany ýshin kinәli dep tanylyp, sot ýkimimen 3 jyl 6 aigha bas bostandyghynan aiyryldy.

Is materialdaryna sәikes, ol tanystaryna «tauarlyq nesiyeni qolma-qol aqshagha ainaldyryp beremin, keyin ýsteme payyzymen qaytaramyn» dep sendirgen. Anghal azamattar óz attaryna nesie resimdegen, al alynghan qarajat sottalghan әiel men onyng tuystarynyng esepshotyna audarylyp otyrghan.

Sotta ol kinәsin tolyq moyyndap, kóz jasyn tyya almady. Ýkim jariyalanghan son, ol sot zalynda qamaugha alynyp, týzetu mekemesine jiberildi.

«Men bәrinen aiyryldym – bostandyqtan, otbasymnan, balalarymnan. Kýieuim ketip qaldy. Eki kishkentay balamdy kórmegeli bir jyldan asty. Olar meni osynday jerde kórgenin qalamaymyn. Ashkózdik pen aqshagha degen qúmarlyq ómirimdi kýiretti. Endi tek ókinuden basqa amalym joq», – dedi ol kóz jasyna erik berip.

Qazir oghan tek anasy ghana keledi. Eki kishkentay bala ana meyiriminsiz ósip jatyr. Sottalghan әiel balalardyng kózine qaraugha úyalatyndyghyn, «kinәdan órtenip jýrgenin» jasyrmaydy.

Derekkózi: QR IIM

Abai.kz