Mәnerlep syrghanaudan Almatyda ótken halyqaralyq Denis Ten memorialy óz mәresine jetti. Turnir týrli elding myqty sportshylaryn biriktirip, olimpiadalyq mausymdaghy alghashqy manyzdy sayystardyng birine ainaldy. Tolyghyraq Olympic.kz materialynda.

Erler arasynda ótken jekeley syrghanauda bәsekelestik dengeyi joghary boldy. Keybir sportshylar ýshin búl jarys mausymdaghy alghashqy bastamasy edi. Sondyqtan da Olimpiada qarsanynda jәne sol kezende bizding Mihail Shaydorovpen kim qay baghdarlamamen jәne qanday dayyndyqpen syngha týsetini qyzyq boldy.

Mihaildyng ózi de alghash ret jana baghdarlamasyn jәne kostumin tanystyrdy. Álem chempionatynyng kýmis jýldegeri qysqa baghdarlamada Sons of Legion, Phil Collins - In the Air Tonight jәne Kaleo, Jokull Juliusson - No Good kompozisiyalarymen óner kórsetedi. Al erkin baghdarlama ýshin sportshy tanymal «Besinshi element» filimining The Diva Dance saundtregin tandaghan. Baghdarlamada Erik Serra jazghan týpnúsqa әuenmen qatar, Dimashtyng oryndauyndaghy ariya da (Confessa núsqasy) qamtylghan.

"Qysqa baghdarlamagha arnalghan әuenderdi biz komandamen birlesip tandadyq. Rok stiylinde syrghanaudy ózim úsyndym, al naqty әnderdi birge izdedik. Aqyrynda týrli dәuirding rok әuenderin biriktiretin núsqany tandadyq.

Al erkin baghdarlamadaghy әuendi men shamamen bes jyl búryn tandaghan edim. Biraq qashan syrghanaytynymdy bilmedim. Sebebi ol ýshin layyqty dengeyge jetuim kerek edi. Álem chempionatynan keyin sol sәtting kelgenin týsindim", - degen edi Shaydorov Olympic.kz-ke bergen súhbatynda.

Almatydaghy jarysta Mihaildyng basty qarsylasy 2023 jylghy әlem chempionatynyng kýmis jýldegeri, Aziya oiyndarynyng jenimpazy ontýstikkoreyalyq Cha Djunhvan bolady degen boljam bar edi. Alayda ol qysqa baghdarlamada sәtsiz óner kórsetkennen keyin, erkin baghdarlamany oryndaudan bas tartyp, turnirden shyghyp qaldy.

Soghan qaramastan, Shaydorovtyng qarsylastary óte myqty boldy. Mәselen, Olimpiadanyng qola jýldegeri (komandalyq sayys) Djeyson Braun (AQSh) jәne әigili Etery Tutberidzening shәkirti gruziyalyq Nika Egadze (2025 jylghy әlem chempionatynda toghyzynshy oryn).

Bastapqy kezennen-aq Shaydorov kóshbasshylyqty óz qolyna aldy. Qysqa baghdarlamada ol 95,01 úpay jinap, qalghan sportshylardy basyp ozdy. Erkin baghdarlamada artyqshylyghyn saqtap, 187,21 úpay enshiledi. Jalpy esepte 282,22 úpay jinap, birinshi oryngha ie boldy. Ekinshi orynda - Nika Egadze (266,90), al Djeyson Braun (257,81) ýshinshi satygha jayghasty.

Shaydorov erkin baghdarlamada bes tórt ainalymdy sekiru oryndady. Barlyq element minsiz shyqpaghanymen, búl onyng mausymdaghy alghashqy jarysy edi. Aldaghy uaqytta ol baghdarlamasyn jetildirip, tehnikasy men oryndau sapasyn arttyra týspek.

Dias Jiyrenbaev ta ózin jaqsy qyrynan kórsetti. Ol qysqa baghdarlamada (77.14) jәne jalpy esepte (208.68) jeke rekordtaryn janartyp, 11-oryngha ie boldy.

Áyelder arasyndaghy jekeley syrghanauda Sofiya Samodelkina óner kórsetui tiyis edi. Alayda turnir aldynda alghan jaraqatyna baylanysty jarystan bas tartty. Osylaysha múzgha jaqynda ghana oralghan ontýstikkoreyalyq Ly He In jarystyng basty favoriytine ainaldy.

Sportshy úzaq ýzilisten keyin babyna qayta ene bastady. Eske sala ketsek, ol 2023 jyly әlem chempionatynda qola jýlde iyelengen bolatyn. Al Almatydaghy jarysta jeniske jetti. Sportshy jalpy esepte 196.84 úpay jinady. Ontýstik Koreya ókili Yun Asun (174.37) ekinshi oryngha ie boldy. Kanada sportshysy Madelin Shijas (164.39) turnirdi qola jýldemen ayaqtady. Qazaqstan qúramasynyng sapynda eng ýzdik nәtiyje kórsetken Amira Irmatova altynshy oryngha túraqtady (137.15).

Múzdaghy by baghdarlamasynda Diana Devis pen Gleb Smolkin (Gruziya) júby 193.14 úpaymen jeniske jetti. Ekinshi orynda - amerikalyq Una Braun men Geydj Braun (178.86), al shved júby Milla Reytan men Nikolay Mayorov (177.25) ýzdik ýshtikti týiindedi. Qazaqstandyq Boysangur Datiyev pen Gauhar Nauryzova toghyzynshy orynmen (131.59) jarysty ayaqtady.

Sonday-aq Denis Ten memorialynda jastar arasynda da jýldeler sarapqa salyndy. Er balalar arasyndaghy bәseke tek qazaqstandyq mәnerlep syrghanaushylardyng arasynda ótti. Eng ýzdik nәtiyje kórsetken - Artur Smaghúlov (159.59). Kýmis medalidi Nikita Kozlov (134.97) iyelense, ýshinshi oryndy Kenan Berdibaev (126.42) enshiledi. Al qyzdar arasynda bizding sportshylar jýldesiz qaldy.

Kim Gonhy (Ontýstik Koreya, 179.24) jeniske jetti. Kim Min Son (Ontýstik Koreya, 171.33) kýmisten alqa taqsa, Arina Kalugina (Ázirbayjan, 167.24) qola medaligha qol jetkizdi.

Qazaqstan qúramasynyng sapynda ýzdik nәtiyje kórsetken - Anna Sannikova. Ol 136.85 úpay jinap, 6-oryngha ie boldy. Karina Sheina - 11-oryn (127.34), Sabina Botina - 13-oryn (116.92), Valeriya Zorkina - 14-oryn (115.63), Zere Sarbalina - 15-oryn (114.98), Milana Voronsova - 19-oryn (95.34), Amina Shalymbekova - 20-oryn (93.62).

Jaqyn uaqytta eresekter arasynda ótetin Gran-pry kezenderi bastalady. Búl syndarda әlemning ýzdik mәnerlep syrghanaushylary bas qosady. Sol jarystardyng keybirine Mihail Shaydorov ta qatysady. Búl tek basy ghana, basty bәseke әli alda.

Suret: Saly Sabirov, Qazaqstan ÚOK baspasóz qyzmeti

Abai.kz