Reseyde 32 ýlken jәne 40-tan astam kishi MÓZ-der (NPZ) bar. Resey jyl sayyn 250-270 mln tonnadan astam múnaydy óndeydi. Búl óte kóp. Atalghan kórsetkish Reseyding ishki naryghyn qamtugha jәne syrtqa janarmay satugha jetkilikti sanalady. Múnaydy shiyki kýiinde satqangha qaraghanda, ony óndep, dayyn ónim retinde satu әldeqayda tiyimdi. Sonda baghasy birden birneshe ese qymbattaydy ghoy.

Ukraina dәl osy salagha soqqyny arttyryp jatyr. Tamyzdan beri MÓZ-derge soqqyny arttyrdy. Hronologiyagha qarayyq: Novokuybyshev múnay óndeu zauytyna 2-tamyz, 20-qyrkýiekte soqqy jasalghan. Ryazani múnay óndeu zauytyna 2-tamyz, 5-qyrkýiekte soqqy jasalghan. Afip múnay óndeu zauytyna 7-tamyz, 28-tamyzda soqqy jasalghan. Saratov múnay óndeu zauytyna 10-tamyz, 16-qyrkýiek, 20-qyrkýiekte soqqy jasalghan. Volgograd múnay óndeu zauytyna 14-tamyz, 19-tamyzda soqqy jasalghan. Syzrani múnay óndeu zauytyna 15-tamyz, 24-tamyz, 30-tamyzda soqqy jasalghan. Novoshahtinsk múnay óndeu zauytyna 21-tamyzda soqqy jasalsa, Kuybyshev múnay óndeu zauytyna 28-tamyzda soqqy jasalghan. Krasnodar múnay óndeu zauyty 30-tamyzda soqqy jasaldy. Ili múnay óndeu zauytyna 7-qyrkýiekte soqqy jasaldy, al Jana-Ufa múnay óndeu zauytyna 13-qyrkýiekte drondar soqqy jasady. Kirish múnay óndeu zauyty 14-qyrkýiekte soqqygha úshyrasa, Gazprom neftihim Salavat múnay óndeu zauytyna 18-qyrkýiekte drondar qonaqqa bardy. Odan beri de birneshe MÓZ soqqygha úshyrady. Kórip túrghanymyzday, әr zauytqa kemi eki mәrteden shabuyl jasalghan.

Kýni keshe ghana Orynbordaghy Orsk múnay óndeu zauytyna shabuyl jasaldy. Al býgin Reuters Kirish múnay óndeu zauyty júmysyn toqtatqanyn aitty. Songhy mәrte búl zauytqa 4-qyrkýiekte ukrain drondary soqqy jasaghan bolatyn.

Drondar MÓZ-degi AVT jýielerin atqylaydy. Búl MÓZ-degi eng manyzdy qúrylghy sanalady. Atmosferalyq-vakuumdyq qondyrghy. Ol eki týrli qyzmetti atqarady eken. Birinshisi, múnaydy atmosferalyq qysymda qyzdyryp, benziyn, kerosiyn, diyzeli siyaqty jenil ónimderdi shygharady. Ekinshisi, qalghan auyr qaldyqtardy tómen qysymda aidap, mazut, gudron siyaqty ónimder alynady. Mine, búl MÓZ-ding jýregi. Ukraina osy qondyrghylardy nysanagha alady. Sebebi quatty zymyran joq. Quatty zymyran sany kóp bolsa, tútastay MÓZ-di úrugha bolatyn edi. Biraq Ukrainada ol joq. Sondyqtan drondar arqyly AVT jýielerin atqylaydy.

Jalpy AVT qondyrghysy velosiypedting shynjyry ispettes. Eger shynjyrdy ýzip tastasan, onda velosiyped jýrmey qalady. Qúr temirge ainalady. AVT qondyrghylary da dәl solay deydi mamandar. Ne ony jóndeu kerek, ne almastyru qajet. Búl aralyqta zauyt júmysy toqtap túrady nemese az quatpen júmys isteydi. Osylaysha naryqta janarmay tapshylyghy payda bolady.

Qazir Reseyde janarmay tapshylyghy payda boldy. Mәskeu janarmaydy Qiyr Shyghystan tasugha jәne syrttan kirgizuge niyetti. Sonyng bir baghyty Iran boluy mýmkin. Sebebi Iranda 9 ýlken MÓZ bar. Ekinshi el retinde Belarusi ataluda. Belarusiqa múnay kirgizip, qayta óndep, Resey ishine janarmay jetkizui mýmkin. Belarusita eki ghana MÓZ bar, artyqshylyghy Ukraina olardy atqylamaydy. Sarapshylar Reseyding Ortalyq Aziyadan janarmay aluy ekitalay deydi. Óitkeni Ortalyq Aziya kerisinshe Reseyden alady.

Osylaysha Reseyde janarmay tapshylyghy boluda. Ukraina shabuyldy ýdetui mýmkin. MÓZ-dermen qatar qúbyrlar, stansiyalar, terminaldar men porttar nysanagha iligude. Al okkupasiyalyq aumaqta janarmay qúy beketterin atqylauda.

Ashat Qasenghaliy

Abai.kz