Bokstan Úlybritaniyanyng Liyverpuli qalasynda ótken әlem birinshiliginde Qazaqstan tarihy jeniske qol jetkizdi. Al әielder arasynda 65 kelige deyingi salmaqta syngha týsken Aida Ábikeeva 2025 jyly ekinshi mәrte әlem chempiony atandy. Olympic.kz saytyna bergen súqbatynda búrymdy boksshymyz jarystyng este qalghan sәtterimen jәne aldaghy josparlarymen bólisti.

- Bir jylda eki mәrte әlem chempiony atanu qanday sezim?

- Bir jylda eki dýrkin әlem chempiony atanu - men ýshin ýlken maqtanysh. Jeniske jetkenime óte quanyshtymyn. Qaraghandy oblysynan qyzdar arasynda eki dýrkin әlem chempiony bolmaghan. Sondyqtan eki birdey әlem chempionatyn jenip alghan birinshi sportshy bolyp túrmyn.

- Qyrkýiek aiynda ótken әlem birinshiligining nauryz aiynda ótken jarysqa qaraghanda aiyrmashylyghy bar ma?

- Serbiyada qatysushy elder sany az boldy dep aitugha bolady. Al osy World Boxing úiymdastyrghan әlem chempionaty joghary dengeyde ótti desem bolady. Týrli elden myqty sportshylar jinaldy.

- Qazaqstandyq jankýierlerding qoldauy qalay boldy?

- Jankýierlerding qoldauy rasymen tamasha boldy. Ásirese әleumettik jelilerde jankýierlerding qoldauy sezildi. Kýn sayyn bizge habarlama jazyp otyrdy. Ayta ketsek, Liyverpulide 150-den astam jankýier bizdi qoldau ýshin arnayy kelgen. Olar jarystyng alghashqy kýninen bastap, sonyna deyin qoldau kórsetti. Áriyne, jankýierlerding qoldauy bizdi jigerlendiredi.

- Shiyrek finalda Olimpiada chempionyn jendiniz. Sol jekpe-jek jayly aityp ótseniz.

- IYә, ýshinshi jekpe-jegimde týrkiyalyq Busenaz Surmeneliymen kezdestim. Ol - Olimpiada jәne ýsh dýrkin әlem chempiony, tәjiriybeli әri óte myqty qarsylas. Taktikalyq jaghynan da, fizikalyq túrghydan da joghary dengeyde dayyndalghan sportshy. Búghan deyin, ýsh ay búryn Álem kubogynda kezdesip, ese jibergen edim. Sol kezde ózime: «Kelesi joly mindetti týrde esendi qaytarasyn», - dep uәde bergenmin. Maqsat qoyyp, bapkerlerimizben birge fizikalyq әri taktikalyq túrghydan tynghylyqty dayyndaldyq. Sonyng nәtiyjesinde kózdegen maqsatymyzgha jettik.

- Ótken әlem birinshiliginen este qalghan sәt boldy ma?

- Áriyne, finaldyq kezeng erekshe este qaldy. Sol kezde jankýierlerding qoldauy erekshe boldy. Búl - úmytylmas sәt. Finalda qolymdy joghary kótergende, kók tuymyzdyng kókte jelbiregeni, әnúranymyzdyng shyrqalghan sәti este qaldy.

- Aldaghy jospar, maqsattarynyz jayly aita ótseniz.

- Kelesi jyly Aziya oiyndary bar. Sol dodada joghary nәtiyje kórsetu qajet. Odan bólek, 2027 jyly bizde әlem chempionaty bar. Sol jerde Olimpiada joldamasyn jenip alu ýshin bar kýshimizdi salamyz. Alda әli talay oqu-jattyghu jiyndary kýtip túr. Ýsh jyl ishinde fizikalyq jәne taktikalyq túrghydan barynsha dayyndalamyz. Basty maqsat - Olimpiadada top jaryp, qazaq elining kók tuyn kókte jelbiretu.

Abai.kz