25 qazan – Respublika kýni merekesine oray Qonaev qalasynyng Ortalyq alanynda ýlken merekelik shara úiymdastyrylady. Keshki baghdarlama saghat 17:00-de bastalyp, tanymal estrada júldyzdarynyng qatysuymen konsert ótedi. Merekelik keshting hedlaynerleri – Esko, Ray jәne Núrsúltan Núrberdiyev.

Keshting basty sәni – Almaty oblysynda alghash ret ótkiziletin dron-shou bolmaq. Keshki aspanda jýzdegen dron kóterilip, jaryq arqyly týrli beyneler men kompozisiyalar jasaydy.

Oblys әkimdigining mәlimetinshe, biyl elimiz Memlekettik egemendik turaly deklarasiyanyng qabyldanghanyna 35 jyl toluyn atap ótude. Búl tarihy qújat – qazirgi Qazaqstannyng tәuelsiz memleket retinde qalyptasu jolynyng bastauy.

«Respublika kýnine oray ónirde jýzdegen merekelik is-sharalar úiymdastyryluda. Olardyng qatarynda biznes qauymdastyghynyng ókilderimen kezdesuler, jastargha arnalghan ekskursiyalar, forumdar men konferensiyalar bar. Al 25 qazanda Qonaev qalasynyng Ortalyq alanynda kýndizgi jәne keshki konsertter ótip, merekening sharyqtau shegi retinde erekshe dron-shou úsynylady. Búl is-shara demeushilerding qoldauymen ótkizilip, túrghyndar men qonaqtargha tamasha syy bolmaq», – delingen әkimdik habarlamasynda.

Úiymdastyrushylar qala túrghyndary men qonaqtaryn otbasymen birge kelip, biylghy jyldyng eng әserli sәtterining birine ainalatyn erekshe jaryq shouyn tamashalaugha shaqyrady.

Abai.kz