Kesheli-beri orys aqparaty úlarday shulap, “tiri qalghan” Shoygudy sóz etude. Jasy jetpisti alqymdaghan Sergey Kýjýgetoghly býgin bir ólimnen aman qapty…

Ras-ótirigi Qúdaygha ayan, әiteuir orys aqparaty býideydi:

Reseyding kýshtik qúrylymdary Sergey Shoyguding kózin joymaq bolghan diyversiyalyq topty qúryqtaghan. Olar Mәskeuding Troekur beyitine, tuystarynyng basyna barmaq bolghan Shoygudy múqiyat andyghan. Beyit basyndaghy gýl salghyshqa baqylau kamerasyn ornatqan. Keyin Shoygu kelgende sol jerde, beyitte jaryp jibermek bolghan.

Ústalghan 3 adam. Ekeui - erli-zayypty nashaqorlar. Ýshinshisi - Ortalyq Aziyalyq migrant. Qysqasy osy.

Búl Shoygu Resey preziydenti Putinning eng senimdi adamdarynyng biri edi. Reseyde qaysybir jyldary tyvalyq jigitting tasy órge domalady.

Qazir jasy 70-te. Ózi tyva. Naghashylary Ukraina jerinen shyqqan. Ózi Ukrainanyng Luganskisinde shoqyndyrylghan.

Búl Reseyde biraz qyzmetti, biraz kreslony tozdyrghan. Basqasyn aitpaghanda Reseyding “soghys ministrligin” 2012 jyldan 2024 jylgha deyin auyspay basqardy. Esebi kýshti bolghasyn, Putin de betin qaqpady. Tekseris kezinde jyljymaly, qúrastyrmaly әskeriy-zauyttardy kórsetip, “óndiris órlep túr”, “әsker әldi”, “bizge teni joq” degenge júrtty jaqsylap sendirdi. Onysy Ukrainagha qarsy soghysta әshkere bop, Shoygudyng atyna kir júqty. Senim setinedi. Bastyghynyng kózi búzylyp, kónili qaldy. Onyng belsheden batqan bylyq-shylyghyn әshkerelep bergenning biri - әidik Prigojin edi. Al soghysta atargha oghy tausylghan, úshyrargha drony bolmaghan Resey aqyry ayanyshty hәlde Soltýstik Korey men Irangha alaqan jaydy.

Dumanyng ózi: “Shoygudyng kezinde 11 trillion rubli qoldy bolghan”, - dep dabyl qaqty. Sodan Shoygu 2024 jyly qyzmetten alyndy. Biraq, qamalmady. RF Qauipsizdik kenesine hatshy bop qonjidy.

Al onyng orynbasarlary “jemqorlyq” babymen sottalyp jatty hәm jatyr.

Shoygudyng sottalghan orynbasarlary men generaldary:

1) General Timur Ivanov (orynbasar);

2) General-leytenant Yuriy Kuznesov (kadr bólimining bastyghy);

3) Polkovnik Vladimir Vertelesikiy (tenderge jauapty bastyq);

4) Polkovnik Sergey Trigiylev (Mәskeuding әskery komissary);

5) Andrey Belkov (әskery qúrylysqa jauapty bastyq);

6) Armiya generaly Pavel Popov (orynbasary);

7) General-mayor Valeriy Muminjanov (Leningrad әsker okrugining tender isine jauapty bastyq);

8)General-leytenant Vadim Shamarin (Genshtab orynbasary);

9) General-mayor Ivan Popov (58-shi armiya qolbasshysy);

10) Vyacheslav Ahmedov (“Patriot” әskeriy-sayabaghynyng diyrektory);

11) General-mayor Vladimir Shesterov;

Búlar tútqyndalghandar men sottalghandar. Al qyzmetterinen quylghandar:

1) General-polkovnik Yuriy Sadovenko;

2) RF Qorghanys miniistrligining baspasóz hatshysy Rossiyana Markovskaya;

3) General-leytenant Suhrab Ahmedov;

4) “Zamministr” Rulan Salikov;

5) “Zamministr” Tatiyana Shevsova;

6) “Zamministr” Nikolay Pankov;

7) General-leytenant Aleksandr Burachenok;

8)Shoygudyng kenesshisi Andrey Iliniskiy.

Búlardyng barlyghy Shoydyng kezinde Resey armiyasyn basqarghan adamdar. Bәri isti bolghan, bylyghy ashylghan, qoly kisendelgen, qyzmetten quylghan adamdar.

Biraq, osynshama bylyq-shylyqtan Shoygu “tiri” shyqty. Óitkeni, Shoygudyng Putinning “dosy” degen taghy bir sheni bar-dy. Ym-jymy bir. Birge tau aralap, su jaghalap jýrip óteuin bergen bolsa kerek. Onyng topan-selden qúrghaq shyghuynyng taghy bir sebebi - soghys jaghdayynda Putin óz әskerbasyn qamay almaytyn edi. Ol Reseyding eng iri jenilisi bolmaq. Sondyqtan Kremli Shoygudy “tiri” qaldyrdy. Biraq, әzirge ghana…

Sondyqtan, erte me, kesh pe, týbi búl soghys ayaqtalsa, ol kezde Shoygu tiri bolsa, kóreri týrme bop qaluy bek mýmkin…

Abai.kz