Qazaqstan men Ózbekstan jana aviamarshruttar men Jibek joly boyynsha birlesken turlar ashady. Premier-ministri Oljas Bektenovting tapsyrmasyn oryndau ayasynda Qazaqstan men Ózbekstan arasyndaghy turizm jәne kólik baylanystaryn damytu jónindegi júmystar kýsheytildi. Búl turaly Ýkimetting baspasóz qyzmeti habarlady.

Kólik ministrligi tarapynan ýsh jana әue baghyty iske qosylady. Osy jyldyng 1 jeltoqsanynan bastap SCAT әuekompaniyasy Týrkistan – Búhara, Týrkistan – Ýrgenish (Hiua) jәne Týrkistan – Samarqand baghyttary boyynsha túraqty úshady. Reyster әr baghyt boyynsha aptasyna ýsh ret oryndalady.

Biyletter satugha shygharyldy, úshu qúny – bir baghytqa 40 myng tenge. Bastapqy kezende әue qatynastary túraqty jolaushylar aghynyn qalyptastyru ýshin subsidiyalanatyn bolady.

Marshruttardyng ashyluy turizmdi damytugha jәne Úly Jibek joly qalalaryn ilgeriletuge, sonday-aq ónirlerding kólik baylanysyn kýsheytuge jәne sheteldik turister aghynyn yntalandyrugha baghyttalghan.

Sonymen qatar Turizm jәne sport ministrligi Ortalyq Aziyanyng Jibek joly boyynsha ortaq marshruttyng jana tújyrymdamasyn әzirledi. Oghan aimaqtaghy negizgi qalalar: Almaty, Shymkent, Týrkistan, Tashkent, Samarqand, Búhara jәne Hiua kirdi, sonday-aq ortaq tarihy múra men tabighy resurstar engizildi.

Samarqandqa alghashqy tur kompastour operatorymen birlesip iske qosyldy. Qazir basqa turistik kompaniyalarmen jana turlardy úiymdastyru boyynsha kelissózder jýrgizilip jatyr. 2026 jyly eki elding turistik resurstaryn biriktiru maqsatynda Qazaqstan men Ózbekstannyng turistik әleuetin birlesip ilgeriletu josparlanyp otyr.

Ayta keteyik, Qazaqstan men Ózbekstan arasynda jol qysqartatyn jana әue baghyty ashyldy.

Abai.kz