Qazaq ruhaniyatynyng tamyry terenge tartyp, ghasyrlardan jetken asyl múralary býgingi kýnge amanat bolyp keldi.

Sol amanatty arqalap, últtyq ónerding jalynyn sóndirmey, keler úrpaqqa taza kýiinde jetkizip jýrgen túlghalar bar. Olar – sahna mәdeniyetin qalyptastyryp, dәstýrli ónerding túghyryn biyiktetken jandar. Býgingi maqalanyng ózegi – óner әleminde ózindik qoltanbasyn qaldyrghan ýsh birdey maytalman: teatr sahnasynda talay róldi shynayy somdaghan akter Ondasyn Besikbasov, últtyq әn ónerining qonyr ýnin jana biyikke kótergen Alma Amanjolova, jәne Jetisu mektebining әnin saf kýiinde dәriptep jýrgen daryndy әnshi Qayratbek Bektúrsyn.

Búl ýsh túlghanyng óner joly әr týrli bolghanymen, barlyghynyng týpki maqsaty – qazaq dәstýrli ónerin saqtau, jalghau jәne janghyrtu. Ýsheui de – bir shanyraq, bir orda – Alatau dәstýrli óner teatrynyn shygharmashylyq újymy. Sondyqtan olardyng ómir joldary da, óner joldary da osy óner ordasynyng tarihymen bite qaynasyp jatyr.

Suret: «Alatau» dәstýrli óner teatrynyng Ádebiyet bóliminen alyndy.

Ondasyn Besikbasov - sahnanyng salmaghyn kótergen tarlan túlgha!

Uaqyttyng tezine, ónerding syn tarazysyna tótep bergen ónerpazdyng biri – Ondasyn Imanghaliyúly Besikbasov. Shyghystyng sayyn dalasynda týlep, Semeyding «Jastyq» halyq teatrynda qanat qaqqan jas akter keyin ýlken sahnalardyng abyroyly óner iyesine ainaldy. Abay atyndaghy opera jәne balet teatrynda 27 jylgha juyq ter tógip, Qúnanbay men Beybarys, Shynghys han men Sarybay sekildi obrazdardy somdauy – onyng akterlik quatyn tanytqan biyik belester.

Filimderge týsui, halyqaralyq marapattary – onyng óner jolyn aishyqtaytyn izder. 2013 jyly Ukrainada ótken «Brigantina» festivalinde «Eng ýzdik ekinshi er adam róli» nominasiyasyn jenip aluy – qazaq akterining sheteldik kórermendi de tәnti etkenin dәleldeydi.

2016 jyly qúrylghan «Alatau» dәstýrli óner teatrynyng alghashqy kýninen bastap osy shanyraqtyng ruhany tiregine ainalghan Ondasyn Besikbasov – atalmysh teatr ýshin de, últtyq sahna óneri ýshin de orny bólek túlgha.

Suret: «Alatau» dәstýrli óner teatrynyng Ádebiyet bóliminen alyndy.

Alma Amanjolova - dәstýrding ýnin jýreginde jetkizgen әnshi!

Almanyng ónerge kelui – taghdyrdyng óz tandauy. Balalyq shaghynan әnning kiyesin sezingen ol J. Elebekov atyndaghy óner kolledjinde Qayrat Baybosynovtan tәlim alyp, Arqa men Jetisudyng әn mektebin boyyna sinirdi. Keyin Qúrmanghazy atyndaghy últtyq konservatoriyada bilimin shyndap, dәstýrli әnning ghylymy negizderin mengerdi.

Onyng oryndauyndaghy Jambyldyng «Ugәi-ayy», Núrghisa Tilendiyevting «Alatauy», Altynbek Qorazbaevtyng «Elge sәlemi» – halyqtyng jýregine jetken erekshe tuyndylar.

Almanyng sahnalyq beyneleri de san aluan. «Abay – Toghjan», «Ghúryp», «Altybaqan», «Mәmlýk. Súltan Beybarys» sekildi spektakliderdegi rólderi – onyng ishki daralyghyn kórsetetin kórkem obrazdar.

Onyng «Tәuelsizdikke qosqan ýlesi ýshin» medali, «Qazaq ónerining qayratkeri» ataghy, «Eren enbegi ýshin» marapaty – ónerge singen adal enbekting dәleli.

Alma Amanjolova – Alatau teatrynyng ashylghan kýninen bergi altyn kómey, sahnalyq kenistikting ruhany ózegin bayytqan qonyr ýn.

Suret: «Alatau» dәstýrli óner teatrynyng Ádebiyet bóliminen alyndy.

Qayratbek Bektúrsyn - Jetisu әnin janghyrtqan jas daryn!

1987 jyly Ile ónirinde dýniyege kelgen Qayratbek – últtyq әn ónerining jas, biraq salmaqty ókili. Qúrmanghazy atyndaghy últtyq konservatoriyada alghan bilimi, Tileules Qúrmanghaliyevtan kórgen tәlim – onyng ónerge degen kózqarasyn terendetti.

2017 jyldan beri «Alatau» dәstýrli óner teatrynyng beldi әnshisi bolyp, Jetisu әn mektebining ozyq dәstýrlerin jana tynyspen jetkizip keledi. Áset Naymanbaev, Dәnesh Raqyshev, Kenen Ázirbaev әnderin shabytpen oryndauy – onyng ereksheligin aiqyndaytyn dara sipat.

Respublikalyq jәne halyqaralyq konkurstardyng laureaty atanghan Qayratbek – últtyq әn ónerin jana buyngha tanystyryp jýrgen jarqyn dauysty ónerpaz.

Ýsheuin biriktirgen orda – Alatau teatry. Ondasynnyng akterlik quaty, Almanyng syrshyl ýni, Qayratbekting naqyshty dәstýrli әni – barlyghy da Alatau teatrynyng sahnasynda toghysady. Búl teatr – әrqaysysynyng shygharmashylyq biyikke shyghuyna jol ashqan ruhany meken.

Olardyng óneri – ýsh týrli sala, ýsh týrli qalyp. Alayda ýsheuin biriktiretin basty qúndylyq – últtyq ónerge degen sheksiz qúrmet pen adaldyq.

Olar – ótken men býgindi jalghap túrghan óner kópiri, dәstýrding shyraqshylary, qazaq ruhaniyatynyng ýsh taghany. Ýsheuining de ómir joly – enbek pen izdenistin, óner men últqa qyzmet etuding jarqyn ýlgisi.

Ondasyn Besikbasov, Alma Amanjolova, Qayratbek Bektúrsyn – qazaqtyng dәstýrli mәdeniyetin saqtap, ony halyqqa jetkizip jýrgen úly ónerding ókilderi. Árqaysysynyng shygharmashylyghy – bir-bir mektep, bir-bir ómir órnegi. Al ýsheuining bir sahnada toghysuy – Alatau teatrynyng ghana emes, tútas qazaq ruhaniyatynyng bagha jetpes baylyghy. Ónerding osynday maytalmandary barda últtyq ónerding tamyry ýzilmeydi, ýni óshpeydi, kiyesi joghalmaydy.

«Alatau» dәstýrli óner teatrynyng Ádebiyet bólimi

Abai.kz