Auyl sharuashylyghy ministrligi iri qara mal etin shygharugha qatysty jana shekteulerdi qoldanu tәrtibin týsindirdi.

2025 jylghy 31 jeltoqsannan bastap IQM etin Qazaqstan aumaghynan ýshinshi elderge jәne EAEO memleketterine әketuge arnalghan kvotalardy bólu qaghidalary qoldanysqa engizildi. Búl norma 2026 jylghy 30 mausymgha deyin qoldanylady. Iri qara mal etin eksporttaugha arnalghan kvotanyng jalpy kólemi 20 000 tonna dengeyinde belgilendi.

Kvota menshikti bordaqylau alanyndaghy mal basyn paydalanatyn et óndeushi kәsiporyndardyng iri qara mal etine bólinedi.

Bir túlghagha beriletin kvota mólsheri bordaqylau alanynyng quatyna baylanysty. Atap aitqanda:

bordaqylau alanynyng quaty 5 000 bastan joghary bolghanda — 1 000 tonna;

10 000 bastan joghary — 2 000 tonna;

15 000 bastan joghary — 3 000 tonna;

20 000 bastan joghary — 4 000 tonna;

50 000 bastan joghary — 10 000 tonnagha deyin et eksporttaugha rúqsat etiledi.

Búl tolyq sikldi óndirushilerdi qoldaugha jәne syrtqy sauda operasiyalarynyng ashyqtyghyn arttyrugha baghyttalghan.

Atalghan sharalar, eng aldymen, ishki naryq mýddeleri men mal sharuashylyghyn damytudyng strategiyalyq mindetterinen tuyndap otyr. Uaqytsha shekteulerding negizgi maqsaty — azyq-týlik qauipsizdigin qamtamasyz etu, ónimdi tereng óndeudi yntalandyru, statistikanyng aiqyndyghyn qalyptastyru jәne etting shyghu tegin qadaghalau.

Shekteulerdi engizuge jekelegen kompaniyalar men shaghyn soi sehtarynyng maldy bordaqylausyz qayta satyp, menshikti óndiristik bazany damytpastan júmys jýrgizu tәjiriybesi sebep boldy. Múnday shema alypsatarlyq deldaldyqqa jol ashyp, súranys pen úsynystyng naqty tengerimin búrmalap, ishki baghalardyng ósu faktorlarynyng birine ainaldy.

Sondyqtan kvotalau tetigi mal ósirumen jәne ony bordaqylaumen ainalyspaytyn eksporttyq deldaldardy joygha әri óndiristik infraqúrylymgha investisiya salatyn, tehnologiya engizip, júmys oryndaryn qúratyn naqty óndirushilerdi qoldaugha baghdarlanghan.

Syrtqy sauda qyzmetine qatysushylar arasynda sandyq shekteulerdi bólu, kvotanyng kólemi men qoldanylu merzimderin aiqyndau ortalyq memlekettik organdarmen óz qúzyreti sheginde, uәkiletti organmen kelisu arqyly jýzege asyrylady. Búl ishki naryqtaghy ahualgha iykemdi jauap beruge jәne ishki tútynudyng basymdyghyn qamtamasyz etuge mýmkindik beredi.

Jalpy alghanda, búiryq qazaqstandyq mal sharuashylyghyn úzaq merzimdi damytugha jәne túraqty ishki naryqty qalyptastyrugha baghyttalghan. Búl otandyq fermerler men et óndeushilerding pozisiyasyn nyghaytyp, tútynushylar ýshin sapaly siyr etining qoljetimdiligin arttyruy tiyis.

Abai.kz