Jetisu oblysynyng ekologiyalyq turizmin damytuda basymdyq beriletin baghyttyng biri – «Altynemel» jәne «Jonghar Alatauy» últtyq tabighy parkteri men Jonghar Alatauy jotalary. Búl rette infraqúrylymdy damytugha qatysty qolgha alynghan sharalardyng nәtiyjesinde atalghan eki parkke kelushiler sany 2024 jyly 27 myng bolsa, ótken jyly búl kórsetkish 39,5 myngha jetken, - dep habarlaydy Jetisu oblysy әkimining baspasóz qyzmeti.

Oblystyq turizm basqarmasynyng mәlimetine qaraghanda, turisterdi tartu maqsatynda 2023 jyly «Altynemel» últtyq parkinde jeke investisiyalar esebinen viziyt-ortalyq salyndy. Sol siyaqty byltyr atalghan parkte turistik baghyttardaghy aqparattyq belgiler janartyldy. «Besshatyr» saq qorghandarynyng shatyryna jóndeu júmystary jýrgizildi. «Janatoghay» jәne «Tanbalytas» kordondarynda alau jaghugha arnalghan arnayy oryndar jabdyqtaldy.

Sol siyaqty Sarqan audanynyng Topolevka auylynda viziyt-ortalyq ashyldy. «Jonghar Alatauy» últtyq parki aumaghynda 4 demalys aimaghy, 2 avtotúraq ornatylyp, 22 aqparattyq stend, 113 aqparattyq taqtaysha, 2 kireberis arka, sonday-aq qoqys jinaugha arnalghan konteynerler men sanitarlyq toraptar qoyyldy.

Býgingi tanda Jasylkól kóline kólikpen qatynaudy qamtamasyz etu ýshin «Topolevka – Jalanash kordony» avtomobili jolynyng 20 shaqyrymyna ortasha jóndeu júmystary jýrgizildi. Jasylkólge aparatyn jol qúrylysy biyl ayaqtalady.

Elimizdegi eng biyik Búrqanbúlaq sarqyramasyna (Jonghar Alatauynyng tau jýiesi) deyingi 31 km avtomobili jolyn qayta janartu júmystary jýrgizilude.

- Ishki turizmdi nasihattau jәne Jetisu oblysyna keletin turister sanyn arttyru maqsatynda oblys әkimining tapsyrmasyna sәikes  ónirde jyl sayyn imidjdik búqaralyq is-sharalar ótkizip kelemiz. Bizding oblysta úiymdastyrylatyn «Siyvers alma aghashynyng gýldenui», «Alakól tolqyny», «Altynemel – qúlandar mekeni» festivalidary Turizm jәne sport ministrligining 2026 jylgha arnalghan mәdeniy-turistik oqighalar kýntizbesine engizildi. Jalpy, qabyldanghan sharalardyng arqasynda 2025 jylghy monitoring boyynsha ónirge kelgen turister sany 11%-gha, sonyng ishinde sheteldik turister sany 60%-gha artty, - dedi oblystyq turizm basqarmasynyng basshysy Sәken Týkibaev.

Atap ótsek, oblys aumaghynda eki últtyq parkpen qatar Alakól memlekettik tabighy qoryghy ornalasqan.

Abai.kz