Italiyada ótip jatqan 2026 jylghy Qysqy Olimpiada oiyndarynda qazaqstandyq mәnerlep syrghanaushy Mihail Shaydorov kýtpegen, biraq tarihy jeniske qol jetkizip, el sportynyng jana dәuirin ashty.

21 jastaghy sportshy erlerding erkin baghdarlamasynda minsiz óner kórsetip, basty favoritterding qatelikterin tiyimdi paydalandy. Biz osy janalyq turaly sheteldik BAQ-qa sholu jasadyq.

«France 24» sayty bylay dep aqparat jariyalapty.

«Júma kýni erler arasyndaghy altyn medalidyng basty favoriyti sanalghan Iliya Malinin erkin baghdarlamada qatelikke jol berdi. Negizgi ýmitkerlerding kópshiligi sýringen sәtte, Mihail Shaydorov sabyr saqtap, óz mýmkindigin tolyq paydalandy.

«Dúrystap úiyqtay almadym. Birinshi kýni bar bolghany eki saghat qana úiyqtadym, oyanghanda qatty tanghaldym», – dedi Shaydorov AFP agenttigine jeksenbi kýni. «Búl – býkil Qazaqstan ýshin mereke. Elime osynday quanysh syilau – mening ómirlik basty armanym әri maqsatym shyghar».

21 jastaghy sportshynyng altyny Qazaqstannyng Qysqy Olimpiadadaghy nebәri ekinshi chempiony atanuy boldy. Búghan deyin 1994 jyly Lillehammerde shanghyshy Vladimir Smirnov chempion atanghan edi.

«Endi Olimpiada chempiony atanghanymdy týsindim. Búl men armandaghannan da artyq shyghar», – dedi ol.

Shaydorovtyng aituynsha, bala kezinde ol koniky tebuge asa qúlyqty bolmaghan. Degenmen onyng әkesi Stanislav Shaydorov – Qazaqstannyng búrynghy chempiony. Onyng bәsekelik jigerin segiz jyl búryn japon júldyzy Yudzuru Hanu ónerin kóru oyatqan. Hanu 2014 jәne 2018 jyldary qatarynan Olimpiada chempiony atanghan. «Men Yudzuru Hanudi kórdim, ol men ýshin keremet motivasiya kózi boldy jәne meni osy dengeyge alyp keldi», – dedi ol. Ótken jylghy әlem chempionatynda kýmis alghanyna qaramastan, Almatydan shyqqan sportshy ýshin Olimpiada medali alystaghy arman bolyp kóringen. «Men medali turaly kóp oilaghan joqpyn – tek jaqsy syrghanap, barymdy salghym keldi. Eger bәri jaqsy bolsa, qola aluym mýmkin dep oiladym. Biraq altyn alamyn dep elestete de almadym».

Seysenbi kýngi qysqa baghdarlamada besinshi oryn alghannan keyin ol nәtiyjesine riza bolghan. «Ózim jasay alatynnyng bәrin oryndaghandyqtan, ózimdi tamasha sezindim. Besinshi oryn men ýshin jaqsy nәtiyje boldy, óitkeni eng myqty topta qalyp, sol topta ekinshi bolyp syrghanaghan edim. Tek óz júmysymdy istegim keldi. Nәtiyje qanday bolsa da – soghan dayyn boldym. Jaqsy nәtiyje bolsa, túghyrgha kóteriluim mýmkin ekenin bildim, biraq men ýshin eng jogharysy qola edi. Altyn turaly oilaghan joqpyn».

Al «Collegefootball» sayty bylay dep jazady:

«Qazaqstandyq әnshi Dimash Qúdaybergen Italiyada ótip jatqan Qysqy Olimpiadada altyn medali jenip alghan otandasy Mihail Shaydorovty qúttyqtady. Shaydorov erkin baghdarlamagha besinshi orynmen shyghyp, sensasiyalyq jeniske jetti. Seysenbi kýngi qysqa baghdarlamada ol 92,94 úpay jinaghan. Finalda ol AQSh sportshysy Iliya Malinin men japoniyalyq Yuma Kagiyama siyaqty elitalyq qarsylastardy artta qaldyrdy. 21 jastaghy sportshy erkin baghdarlamasyn Dimashtyng «Confessa & Diva Dance» әnimen oryndady. Ol ónerin quatty triple Axel jәne quadruple Salchow kombinasiyasymen bastady.

Tarihy jenisti qúrmetteu jәne óz әnimen oryndalghan әserli sәtke rizashylyq belgisi retinde Qúdaybergen Olimpiada chempionyna avtokólik syilaytynyn jariyalady. Ol jýrekjardy qúttyqtauynda búl jenis marqúm qazaqstandyq mәnerlep syrghanaushy Denis Ten múrasyn qúrmetteu ekenin atap ótti. Denis Ten 2014 jylghy Sochy Olimpiadasynda qola jýlde alghan jәne 2018 jyly Almatyda qaskóilerding shabuylynan qaza tapqan. Shaydorovtyng jenisi Qazaqstannyng mәnerlep syrghanaudan alghashqy Olimpiada altyny boldy. Sonymen qatar, búl elding Qysqy Olimpiadadaghy songhy altynynan bergi 32 jyl ishindegi alghashqy altyn medali».

Tarihy jenis ýshin BBC-de aqparat arnapty.

«2026 jylghy Milan – Kortina Olimpiadasynda erler arasyndaghy altyngha basty ýmitker Iliya Malinin eki ret qúlap, jýldesiz qaldy. Erkin baghdarlama erekshe dramalyq sipat aldy: songhy alty sportshynyng beseui qatelik jiberdi. Tek Qazaqstandyq Mihail Shaydorov qateliksiz syrghanap, elin 32 jyldan keyingi alghashqy qysqy Olimpiada altynymen quantty. Yuma Kagiyama tórt ainalymdyq sekiru kezinde qúlap, kýmispen shekteldi, al qola medali onyng otandasy Shun Satogha búiyrdy. Malinin segizinshi orynmen ayaqtady.

Alghashqy Olimpiadasyna qatysqan Malinin «Quad God» laqap atymen tanymal – ol tórt jarym ainalymdyq sekirudi (quadruple axel) sәtti oryndaghan jalghyz sportshy. Búl element sportshynyng auada tórt jarym ret ainalyp, artqa qaray taza qonuyn talap etedi. Alayda ol búl Olimpiadada búl sekirudi oryndamady. Finalda ol tek single axel jasap, kórermenderding qynjylysyn tughyzdy. Quad lutz oryndau kezinde múzgha qúlaghan sәt arenany ýnsiz qaldyrdy. Kóp úzamay ol taghy da qúlady. Jattyghu sonynda Malinin shashynan ústap, tizesine sýienip túryp qaldy. Múz aidynynan ketip bara jatyp, kóz jasyna әreng ie boldy. «Quad God» ta adam ekeni dәleldendi».

Dayyndaghan Dýisenәli Álimaqyn

Abai.kz