Qazaqstanda investorlar, kәsipkerler jәne súranysqa iye mamandar ýshin elge kiruding jenildetilgen erejeleri qoldanylady. Búl turaly QR Enbek jәne halyqty әleumettik qorghau ministri Asqarbek Ertaev mәlimdedi.

Ministrdin aytuynsha, Qazaqstannyn kóshi-qon sayasaty shetel azamattarynyn kelu maqsattaryna qaray saralanyp qúrylady, yaghniy enbek kóshi-qony men túraqty túrugha kóshu naqty ajyratylady.

Onyn sózinshe, múnday tәsil bilikti mamandar ýshin ekonomikanyn ashyqtyghyn qamtamasyz etuge mýmkindik beredi. Osylaysha, elge qúndy kadrlardy tartu ýshin jenildetilgen kiru tәrtibi engizilgen.

«Investorlar, súranysqa iye mamandyq iyeleri – barlyghy júmysqa ornalasu ýshin jenildetilgen tәrtippen keledi. Bizde Enbek ministrliginin búiryghy bar, onda 51 súranysqa iye mamandyq anyqtalghan. Olardyn qatarynda, mysaly, jasandy intellekt injeneri, neyrohirurg dәrigerler jәne t.b. bar», – dedi Asqarbek Ertaev.

Investorlar men kәsipkerler ýshin jekelegen sharalar, arnayy vizalyq rejimder jәne ótinimderdi jedel qarau rәsimderi qarastyrylghan. Sonymen qatar, EAEO ayasynda ortaq naryqta enbek resurstarynyn erkin qozghalysyn qamtamasyz etetin erkin júmysqa ornalasu rejiymi әreket etedi.

Asqarbek Ertaevtyn aytuynsha, últtyq enbek naryghyn qorghau ýshin jenildikti tizimderge kirmeytin sheteldik júmysshylargha kvotalau tetigi qoldanylady.

Sonymen qatar, Qazaqstan azamattyghyn alugha ýmitker shetel azamattaryna belgili bir talaptar qoyylady. Jana tәrtip kezen-kezenimen baghalaudy qamtidy: memlekettik tildi bazalyq dengeyde biluin tekseru, saualnama derekterin taldau, sifrlyq skoring, vedomstvo aralyq tekseruler jәne qorytyndy súhbat.

Ministr atap ótkendey, jalpy alghanda Qazaqstannyn kóshi-qon sayasaty ekonomika damuyna ýles qosugha dayyn kәsiby mamandar men investorlar ýshin ashyq kýiinde qalady. Memleket últtyq mýddelerdi, enbek naryghynyng qajettilikterin jәne úzaq merzimdi demografiyalyq mindetterdi eskeretin tengerimdi әri pragmatikalyq tәsildi jýieli týrde qalyptastyryp keledi.

Abai.kz