Elordada ýnsiz jýrip, ýlken ózgeris jasap jatqan jobalar bar. Sonyng biri – 2020 jyly qúrylghan LikeKomek әleumettik bastamasy. Alty jyl ishinde búl joba tek qayyrymdylyqpen ghana shektelmey, tútas bir mәdeniyetti – sanaly tútynu men sirkulyarly ekonomikany qalyptastyrugha yqpal etip keledi.

Suret: shara úiymdastyrushylarynan alyndy.

Býginde qala kóshelerinde kózge jii týsetin arnayy jәshikterding artynda ýlken jýie, naqty júmys pen jauapkershilik túr. LikeKomek-ting Astana boyynsha shamamen 170 qabyldau punkti bar. Odan bólek, eki qayyrymdylyq dýkeni túraqty júmys isteydi. Búl – qajetsiz zattardy tastamay, qayta ainalymgha jiberuding naqty joly.
Jobanyng auqymyn sandar sóiletedi: alty jylda 1 million 300 myng kilogramm tekstili jinalghan. Kiyim, ayaq kiyim, oiynshyq – barlyghy da súryptalyp, qaytadan paydaly iske jaratylady. Kýn sayyn 30-dan astam qyzmetker shamamen 3 tonna zatty irikteydi. Búl – eki jýk kóligine teng keletin kólem.
Alayda LikeKomek tek jinaumen ainalyspaydy. Onyng basty missiyasy – kómek. Ay sayyn 20-dan astam kólikke tiyelgen zattar qayyrymdylyq qorlaryna, әleumettik mekemelerge jәne januarlargha arnalghan panajaylargha jóneltiledi. Astana ghana emes, Soltýstik Qazaqstan oblysynyng eldi mekenderi de nazardan tys qalmaydy. Ásirese, januarlargha arnalghan kómekting ózindik baghyty bar – tósenishter men qajetti búiymdar túraqty jetkiziledi.

Suret: shara úiymdastyrushylarynan alyndy.

Jobanyng taghy bir ereksheligi – qayta óndeuge degen jýieli kózqaras. UpCycle baghyty ayasynda jaramsyz tekstili jana ónimge ainalady. Mysaly, eski djins matalary dizaynerlik búiymdargha qayta óndelse, aqauy bar toqylghan kiyimder qolóner sheberlerine beriledi. Olar jipti tarqatyp, qayta iyirip, jana ónim jasaydy. Búl – tek ýnem emes, ekologiyalyq jauapkershilik.

Suret: shara úiymdastyrushylarynan alyndy.

Joba jetekshisi Ásemgýl Kereybaevanyng aituynsha, qayyrymdylyq júmystary da jýieli týrde jýrgiziledi: әr ýsh ay sayyn arnayy aksiyalar úiymdastyrylyp, pansionattar, hospister jәne ana ýileri túraqty qoldau kóredi.
LikeKomek bastamasy memlekettik dengeyde de nazardan tys qalmaghan. Astana qalasynyng Investisiyalar jәne kәsipkerlikti damytu basqarmasy jobany qoldap, әleumettik kәsipkerlikting damuyna jaghday jasap otyr. Al «Taza Qazaqstan» nauqany ayasynda jana seriktestikter men bastamalar kýtilude.

Suret: shara úiymdastyrushylarynan alyndy.

Bir qaraghanda, búl – eski kiyimdi jinau ghana siyaqty kórinui mýmkin. Biraq shyn mәninde LikeKomek – qoghamnyng kózqarasyn ózgertetin qozghalys. Artyq zat – bireu ýshin qajettilik, al jauapkershilik – bәrine ortaq qúndylyq ekenin dәleldeytin joba.
Elordada bastalghan búl bastama býginde ýlken әleumettik ekojýiege ainalyp keledi. Eng bastysy – әrbir qala túrghyny osy ózgeristing bir bóligi bola alady.

Abai.kz