Tayau Shyghysta ahual ushyqqan kezde Qazaqstan azamattaryn evakuasiyalaugha júmsalghan shyghyndardyng jalpy somasyn anyqtau mýmkin emes. Búl turaly Mәjilis deputattaryna Premier-ministr Oljas Bektenovting jauabynda aitylghan. 

— Memleket basshysynyng tapsyrmasymen Qazaqstan Respublikasynyng Ýkimeti tarapynan Tayau Shyghys elderinen Qazaqstan Respublikasynyng azamattaryn auqymdy evakuasiyalau júmystary jýrgizildi. Eskalasiya bastalghan sәtten bastap uәkiletti organdardyng jәrdemimen qaqtyghys oryndarynan elimizge 66 reys úiymdastyryldy, onyng ishinde 27 reysting shyghyny respublikalyq budjet qarajaty esebinen tólenetin bolady. Qalghan 39 kommersiyalyq reyske biyletterdi azamattar ózderi satyp aldy. Kommersiyalyq reysterdi basqa elderding de әue kompaniyalary oryndaghanyn eskersek, evakuasiyagha júmsalghan shyghyndardyng jalpy somasyn anyqtau mýmkin emes, — dedi Ýkimet basshysy jauabynda.

Onyng atap ótuinshe, jalpy daghdarys jaghdaylaryna jedel әreket etu maqsatynda Qazaqstan Respublikasynyng azamattaryn evakuasiyalau is-sharalaryn úiymdastyrugha Qazaqstan Respublikasynyng Syrtqy ister ministrligining «Qazaqstan Respublikasy azamattarynyng sheteldegi qúqyqtary men mýddelerin qorghau jónindegi is-sharalardy qamtamasyz etu» budjettik baghdarlamasy boyynsha qarajat qarastyrylghan.

«Turistik Qamqor» qory Qazaqstan Respublikasy azamattarynyng shyghu turizmi salasyndaghy qúqyqtaryn kepildendiru jýiesining әkimshisi sanalady.

— Úiymdastyrylghan turister — búl Kepildendiru jýiesine qatysushy turoperatorlardan tur satyp alghan, turistik kod beriletin túlghalar. Turistik kod turisting Kepildendiru jýiesi ayasynda qorghalatynyn rastaydy. Tayau Shyghys aumaghyndaghy jaghday ushyqqan kezde onda turistik kody bar Qazaqstan Respublikasynyng 4 000-ge juyq úiymdastyrylghan turiysi bolghan. Jýie әkimshisi turoperatorlarmen birlesip shamamen 3 000 (ýsh myn) úiymdastyrylghan turisti ornalastyru oryndarymen qamtamasyz etip, tamaqtandyrdy. Sonymen qatar olardy keyin evakuasiyalyq jәne repatriasiyalyq reystermen jóneltu ýshin әuejaylargha jetkizu mәselesi ýilestirildi, — dedi ol.

Ayta keteyik, Mәjilis deputaty Serik Erubaev Premier-ministr Oljas Bektenovten Irandaghy әskery operasiyalar kezinde Tayau Shyghysta qalyp qoyghan qazaqstandyq turisterdi elge әkelu budjetke qansha shyghyn әkelgenin súrap, saual joldaghan edi.

Abai.kz