Astananyng 2026 jylgha naqtylanghan jergilikti budjetining jalpy shyghystary 1 trln 483 mlrd tengeni qúraydy. Búl turaly qalalyq Ekonomika jәne budjettik josparlau basqarmasynyng basshysy Ayjan Týgelbaeva mәslihattyng kezekten tys sessiyasynda mәlim etti. 

Onyng aituynsha, budjetti naqtylau qalanyng óz tabysynyng ósuine baylanysty bolyp otyr. Jalpy kiris jospary 111,4 mlrd tengege deyin ósken, onyng ishinde 86,4 mlrd tenge qosymsha salyq týsimderi esebinen qamtamasyz etiletin bolady.

– Astana qarqyndy týrde damyp keledi. Ekonomikalyq ósimining ortasha qarqyny 10% dengeyinde. Halyq sany orta eseppen 7,5%-gha ósip otyr. Qúrylys júmystarynyng qarqyny 8,2%-gha, kólik jәne logistika salasyndaghy belsendilik 30%-gha artty. Sauda kólemi 3%-gha ósti, - dedi mekeme basshysy.

Onyng aituynsha, jyl basynan beri subsidiyalanatyn qoghamdyq kólik baghyttarynyng sany 110-gha deyin artqan, al jolaushylar aghyny 12%-gha ósken. Jol infraqúrylymy boyynsha 30 shaqyrym jol jóndelip, taghy 7,6 shaqyrym jol salynyp jatyr.

Jylu energetikasy jәne kommunaldyq sharuashylyq salasynda quattylyqty arttyrugha baghyttalghan jobalar jýzege asyrylyp jatyr. Olar jylu energiyasyn óndiru quatyn saghatyna 1000 gigakaloriyagha, al elektr energiyasyn 423 megavolit-amperge deyin úlghaytugha mýmkindik beredi.

– Qala kórkin jaqsartugha qosymsha 18,3 mlrd tenge bólinedi. Búl qarjy aulalardy jóndeuge, kógaldandyrugha, sanitarlyq tazalyqqa jәne LRT stansiyalary men shetki audandardy abattandyrugha júmsalady, - dedi ol.

Ayjan Týgelbaeva atap ótkendey, qosymsha shyghystar qalanyng jedel qajettilikterin, strategiyalyq damu mindetterin, Memleket basshysy men Ýkimetting tapsyrmalaryn, sonday-aq mәslihat deputattary men qoghamdyq kenes mýshelerining úsynystaryn eskere otyryp jasalghan.

Abai.kz