Jetisudaghy Alakól jaghalauynda jazghy mausym bastalghany beri shaghyn kólemdi kemelerdi paydalanu erejesi talaptaryn búzghan azamattargha qatysty 109 әkimshilik jaza qoldanyldy. Búl qabyldanghan sharalar demalushylardyng qauipsizdigin qamtamasyz etuge baghyttalghan, - dep habarlaydy Jetisu oblysy әkimining baspasóz qyzmeti.

-  Biylghy jyldyng 15 mamyrynan beri TJD qyzmetkerleri basqa da jauapty organdarmen birlesip 90 kýndizgi jәne 62 týngi reyd úiymdastyryldy. Su kólikterin tekseru ókilettigi berilgen sәtten bastap shaghyn kemelerdi paydalanu talaptaryn búzu faktisi qatysty 109 hattama toltyrylyp, 1 mln 654 myng tengeden astam aiyppúl salyndy. Atap aitqanda, kemening bort nómirlerining bolmauy, belgilengen shamadan tys artyq jolaushy alyp jýru, ózining qújaty joq nemese keme biyleti joq bolghan jaghdaylar, navigasiyalyq belgiler talaptaryn saqtamau, qútqaru jiyletining bolmauy siyaqty zanbúzushylyqtargha shara qoldanyldy. Shaghyn kólemdi kemelerdi paydalanu qaghidalary men qauipsizdik talaptaryn búzghan túlghalargha zannamagha sәikes qatang әkimshilik yqpal etu sharalary qoldanylady, - dedi Jetisu oblysynyng Tótenshe jaghdaylar departamentining bastyghy Qanat Altynbekov.

Sonymen qatar polisiya qyzmetkerleri tarapynan jaghalauda jýrgizilgen qúqyqtyq tәrtipting saqtaluyn qamtamasyz etu maqsatyndaghy reydtik sharalary barysynda 1755 әkimshilik qúqyq búzushylyq anyqtalyp, әkimshilik hattamalar toltyryldy, 3,5 myng tengege juyq әkimshilik aiyppúl salyndy. Sonyng ishinde úsaq búzaqylyq, tynyshtyqty búzu, alkogolidik ishimdikterdi ishu nemese qoghamdyq oryndargha masang kýide kelu, abattandyru qaghidalaryn búzu, jolda jýru erejelerin búzu faktileri bar.

Búl rette Alakól kólinde demalushylardyng qauipsizdigin qamtamasyz etu maqsatynda jaghalau aumaghynda tәulik boyy kezekshilik úiymdastyrylghan. Búl júmystargha 14 qútqarushy, 11 motorly qayyq júmyldyrylghan. Oghan qosa qosymsha oblystyq TJD mamandary aldyn alu sharalaryna túraqty týrde tartyluda. Sonymen qatar biylghy shomylu mausymynda qoghamdyq tәrtipti qamtamasyz etu ýshin 50 polisiya qyzmetkeri, 16 qyzmettik avtokólik jәne 5 úshqyshsyz dron tartylghan. Sonday-aq, su kólikterine arnalghan aiyp túraghy bar.

Sonymen qatar jaghalau boyynda 40 qútqaru múnarasy ornatylyp, 13 shaqyrymgha buy syzyqtary tartylghan. Qauipsizdikti qamtamasyz etu maqsatynda jergilikti poliyanyng Jedel basqaru jýiesine qosylghan 39 beynebaqylau kamerasy júmys isteydi.

Eske salsaq, ótken jyly Alakóldegi shaghyn jýzu qúraldarynyng qozghalysyn retteu maqsatynda Jetisu oblysynda ortaq su paydalanu jәne su aidyndaryndaghy qauipsizdik qaghidalary bekitildi. Atalghan qaghidalarda su aidyndaryndaghy qauipsizdik talaptary jan-jaqty týsindirildi, olardy saqtamaghany ýshin jauapkershilik belgilendi.

Jýrgizilip jatqan profilaktikalyq jәne baqylau-qadaghalau júmystary azamattardyng su aidyndaryndaghy qauipsizdik dengeyin arttyrugha, qúqyq búzushylyqtardyng aldyn alugha, sonday-aq shomylu mausymy kezeninde tótenshe jaghdaylardyng tuyndau qaupin tómendetuge baghyttalghan.

Abai.kz