Bilim kýninde Almaty oblysynda «Keleshek mektepteri» últtyq jobasy ayasynda salynghan bes jana mektep esigin aiqara ashty. Búl bilim ordalarynda 4200 oqushy bilim alady.

Sonday-aq tozyghy jetken taghy 10 bilim ordasy kýrdeli jóndeuden ótip, býgin paydalanugha berildi. Biyl ónirde 36 myngha juyq býldirshin alghash ret mektep tabaldyryghyn attady. Osylaysha, jana oqu jylynda oblystaghy 502 jalpy bilim beretin mektepte 384 mynnan astam oqushy tәrbiyelenedi, – dep habarlaydy Almaty oblysy әkimining baspasóz qyzmeti.

Almaty oblysynda ýsh auysymdy oqytudy joyyp, sapaly bilim beru maqsatynda songhy tórt jylda 75 jana mektep ashylyp, 6 qosymsha japsarjay salyndy. Onyng 26-sy «Keleshek mektepteri» últtyq jobasy ayasynda boy kóterdi. Nәtiyjesinde ýsh auysymdy bilim beru úiymdarynyng sany 52-den 23-ke azayyp, shalghay eldi mekenderdegi 6000-gha juyq oqushynyng tasymal mәselesi sheshildi. Sonymen qatar aldaghy uaqytta EPC+F tetigi arqyly nemese memlekettik-jekemenshik seriktestik ayasynda 10 mektepting qúrylysy josparlanyp otyr.

Býgin paydalanugha berilgen mektepter Alatau qalasy, Ile, Qarasay jәne Enbekshiqazaq audandarynda ornalasqan. Múnda zamanauy pәn kabiynetteri, fizika, himiya jәne biologiya zerthanalary, informatika, STEM jәne robototehnika kabiynetteri, kitaphana, oqu zaly, sport zal, ashana, medisinalyq punkt, mәjilis zaly, shygharmashylyq jәne kovorking aimaqtar qarastyrylghan. Búghan qosa, mektepter sifrlyq oqytu tehnologiyalarymen, joghary jyldamdyqty internetpen, beynebaqylau jәne qauipsizdik jýielerimen jabdyqtalghan. Erekshe qajettiligi bar balalar ýshin de barlyq qolayly jaghday jasalghan. Búl oqushylardyng tereng bilim aluyna, shygharmashylyq jәne ziyatkerlik qabiletterin damytuyna jol ashady. Ónirde infraqúrylymdy janartu júmysy múnymen shektelmeydi. Keshendi jospargha sәikes, 2025-2027 jyldar aralyghynda oblystaghy 91 mektepke kýrdeli jóndeu jýrgizu kózdelgen.

Alghashqy qonyrau kýmbiri Ile audany N. Tilendiyev auylyndaghy sujana «Keleshek mektebinde» de estildi. Jalpy aumaghy 10 myng sharshy metrden asatyn nysan 900 oryndy jәne ghimaratta 44 synyp bar. Jobanyng jalpy qúny – 7,5 mlrd tenge. Býgin múnda 100-ge juyq oqushy mektep tabaldyryghyn alghash ret attap, barlyghy 1 230 bala qabyldandy.

Saltanatty sharagha Almaty oblysynyng әkimi Marat Súltanghaziyev qatysyp, oqushylar men ústazdardy, ata-analardy bilim kýnimen qúttyqtady.

«Memleket basshysy Qasym-Jomart Toqaev óz sózinde «Biz Qazaqstandaghy barlyq balalardyng baqytty bolashaghyn qamtamasyz etuimiz kerek» dep atap ótkendey, óskeleng úrpaqqa sapaly bilim berip, olardyng jan-jaqty damuyna jaghday jasau – memleketimizding manyzdy mindetterining biri», – dedi aimaq basshysy. Sonymen qatar bilim salasyn qoldau maqsatynda ónirde atqarylghan auqymdy júmystar men oqushylardyng jetistikterine toqtaldy. Aytuynsha, ótken oqu jylynda oblys oqushylary jaratylystanu-matematikalyq baghyt boyynsha respublikalyq olimpiadada ýzdik ýshtikke endi, auyl mektepteri arasynda komandalyq I oryndy jenip alyp, chempion atandy. Qos birdey jas daryn Últtyq birynghay testileuding eng joghary kórsetkishi – 140 baldy jinap, rekord jasady. Sonymen qatar 1 831 mektep bitirushi «Altyn belgini» enshilese, 1 675 týlek «Ýzdik attestat» aldy. 7 mynnan astam oqushy memlekettik bilim beru grantyn iyelendi.

Jana mektepting ashylu saltanatynda ónir basshysy ýzdik ústazdardy memlekettik nagradalarmen, Alghys hattarmen marapattady. Sonymen qatar ýlken ómirding bosaghasynda túrghan týlektermen jýzdesip, olardyng synyp saghatyna qatysty. Oqushylarmen Ata Zannyng qasiyeti, «Zang men tәrtip», «Taza Qazaqstan» tújyrymdamalarynyng mәni jayly ashyq әngime órbitti.

Auyl túrghyndary da jana nysannyng boy kótergenine dәn riza. Solardyng biri – Qorghasbek Qojahmetolla.

«N. Tilendiyev auylynda jana mektep ashylghanyna óte quanyshtymyz. Sol ýshin Memleket basshysyna, oblys әkimdigine alghys aitamyn. Búl bilim ordasynan el-júrtyna qyzmet etetin, oi-órisi keng azamattar ósip shyghady dep senemin. Endi osy mektepte mening tórt nemerem bilim alady. Mektep kónilimizden shyqty», – dedi túrghyn.

Su jana nysangha ayaq basqan oqushylardyng da quanyshynda shek joq.

«Ózim biologiya pәnin jaqsy kóremin әri bolashaqta dәriger bolghym keledi. Búl armanyma osy mektepte oqu arqyly bir taban jaqyndaymyn degen ýmittemin. Sebebi múnda arnayy synyptarda týrli tәjiriybeler jasap, bilimimdi jetildire alamyn. Jana mektep bizge qatty únady», – deydi 11-synyp oqushysy Kәusar Quanbay.

Abai.kz