Býgin Qazaqstanda alghash ret Qazaq tazysy men tóbeti kýni atalyp ótip jatyr. Búl – jay ghana atauly kýn emes, ghasyrlar boyy últpen birge jasasqan tól múramyzdy qayta janghyrtyp, әlemge tanytudyng manyzdy qadamy.

Qazaq ýshin tazy – anshylyq qúraly ghana emes. Ol – jeti qazynanyng biri, kóshpeli mәdeniyetting ajyramas bóligi. Al tóbet – qazaq dalasynyng tabighy bolmysymen bite qaynasqan tekti it túqymy. Osy arqyly ata-babamyzdyng túrmysyn, dýniyetanymyn jәne tabighatpen ýilesimdi ómir sýru dәstýrin tanugha bolady.

Songhy jyldary qazaqy it túqymdaryn saqtaugha memlekettik dengeyde mәn berilip keledi. Qazaqy it túqymdaryn saqtau jәne ósimin molaytu turaly zang kýshine endi. Qazaqstan Halyqaralyq kinologiya federasiyasynyng mýsheligine qabyldanyp, 2024 jyly qazaq tazysy halyqaralyq dengeyde aldyn ala moyyndaldy. Onyng shyqqan jeri retinde Qazaqstan resmy týrde bekitildi.

Býginde qazaq tazylary halyqaralyq kórmelerde jýlde alyp, elding atyn әlemdik kinologiya arenasynda tanytyp jýr. Búl – últtyq múrany saqtaudyng ghana emes, Qazaqstannyng mәdeny imidjin qalyptastyrudyng da bir joly.

Últtyq qúndylyqty úlyqtau – ótkenge qarap qalu emes. Kerisinshe, ony zamanauy formatta tanytyp, keler úrpaqqa jetkizu. Óz mәdeniyetin әlemge kórsete alghan elding ghana ózindik bolmysy aiqyn kórinedi. Sondyqtan tazy men tóbetti dәripteu – bir kýndik nauqan emes, últtyq múrany saqtap, ony әlemge tanytatyn úzaq merzimdi júmystyng bir bóligi boluy tiyis.

Abai.kz