QR Últtyq kitaphana ghimaratynda 07 qyrkýiekte syrshyl aqyn Ómirzaq Qojamúratovtyng  «Dalama syr» atty kitabynyng túsaukeseri ótti.

Ó.Qojamúratov - bayyrghy meken Tamdy ólkesinen shyqqan, nebәri 47 jasynda 1983 jyly ómirden ozghan qazaqtyng qara ólenining naghyz ýzdikterining biri.

Óz zamanynda Múqaghalidan bastap barsha myqtylardyng ong baghasyn alyp, solardyng moyyndauyn kórgen, jazghandary syrshyl, óleng joldary sezimshil qalam iyesi.

Aqynnyng 90 jyldyq mereytoyyna oraylastyrylghan shara  Dýniyejýzi qazaqtarynyng qauymdastyghynyng úiytqy boluymen úiymdastyryldy. Keshting negizgi maqsaty – Ómirzaq Qojamúratovtyng shygharmashylyq múrasyn dәriptep, aqynnyng әdebiyettegi ózindik qoltanbasyn keyingi úrpaqqa tanystyru, onyng ómiri men ónegeli jolyn nasihattau.

Kitaptyng túsaukeserine Astana qalasy Jazushylar odaghynyng basshysy Bauyrjan Babajanúly, bir top aqyn-jazushylar, qalamgerding tughan-tuystary, tughan qaryndasy Kýlәnda apay, sonday-aq, jerlesteri men әdebiyet janashyrlary qatysty.

Jiyn barysynda sóz alghan qalamgerler Ómirzaq Qojamúratovtyng shygharmashylyghyna toqtalyp, aqynnyng qazaq әdebiyetine qosqan ýlesi, azamattyq bolmysy men adamdyq qasiyetteri jayynda jyly estelikterimen bólisti. Aqynnyng ólenderi oqylyp, tamdylyq ónerpazdar aqyn sózderine shygharylghan әnderdi shyrqady.

Tughan qaryndasy Kýlәnda apay aghasy turaly estelikterimen bólisip, onyng bala kezinen qalyptasqan aqyndyq bolmysy, tughan jerge degen sýiispenshiligi men elge degen azamattyq ústanymy jayynda syr shertti.

«Dalama syr» – aqynnyng tughan jerge, elge, tabighatqa, adamgha degen jýrekjardy sezimin arqau etken shygharmalaryn toghystyrghan taghylymdy jinaq. Kitaptyng jaryq kórui – aqyn shygharmashylyghyn qayta zerdelep, onyng әdeby múrasyn oqyrman qauymgha keninen tanytu jolyndaghy manyzdy qadam.

Kesh sonynda qatysushylar aqynnyng ónegeli ómiri men shygharmashylyq múrasyn úlyqtau – keyingi buynnyng paryzy ekenin atap ótip, qalamgerding esimi men enbegi el jadynda mәngi saqtalatynyna toqtaldy.

Abai.kz