Qasym-Jomart Toqaev birinshi «Ortalyq Aziya – Koreya Respublikasy» sammiytinde asa manyzdy miyneraldar salasyndaghy seriktestikti kýsheytudi úsyndy. Búl turaly Aqordanyng baspasóz qyzmeti habarlady. 

— Qazaqstannyng resurs bazasy aitarlyqtay mol. Siyrek kezdesetin metaldar qory boyynsha әlemdik kóshbasshylardyng qataryna enedi. Koreya strategiyalyq sanatqa jatqyzatyn 10 miyneral týrining bәri de elimizde bar. Qazaqstannyng resurs әleueti men Koreyanyng tehnologiyalyq mýmkindikterin ýilestiru ózara tiyimdi yntymaqtastyq ýshin keng mýmkindikterge jol ashady. Osy sapar ayasynda Almaty qalasynda Koreyanyng tehnologiyalyq yqpaldastyq institutynyng (KIAT) kómegimen Siyrek jәne siyrek kezdesetin metaldardy zertteu ortalyghyn qúru turaly uaghdalastyqqa qol jetkizildi. Men múny qúptaymyn. Biz tolyq óndiris siklyn qalyptastyrudy maqsat etuimiz kerek. Asa manyzdy shiykizatty zertteu men óndiruden bastap, ony tereng óndeu jәne odan qosylghan qúny joghary dayyn ónim shygharugha deyingi tizbek tolyq qamtylugha tiyis. Qarapayym tilmen aitqanda, jartylay ótkizgishter, mikroelektronika, akkumulyator, elektromobili men robotty tehnika bólshekterin óndiruge kóshuimiz kerek. Búl mindetti oryndau ýshin birlesken qazaq-korey kompaniyasyn qúrudy úsynamyz, — dedi Preziydent.

Sonymen qatar Qasym-Jomart Toqaev su qauipsizdigi jәne aimaqtaghy ekologiyalyq tengerimdi saqtau mәselesin kóterdi.

— Qazaqstanda su sharuashylyghy infraqúrylymyn jappay janghyrtu jýrip jatyr. 2030 jylgha deyin 42 jana su qoymasyn salyp, 14,5 myng shaqyrym sulandyru arnalaryn janartudy jәne su ýnemdeu tehnologiyalaryn keninen qoldanudy josparlap otyrmyz. Klimattyng ózgerui, su tapshylyghy jәne tabighy ekojýiening tozuy qazirding ózinde Ortalyq Aziyanyng әleumettik-ekonomikalyq damuyna teris әser etip jatyr. Sondyqtan Qazaqstan Koreyanyng biz ýshin óte manyzdy әri shetin salagha qatysty ozyq tehnologiyasy men jinaghan tәjiriybesin bólisu niyetin joghary baghalaydy. Atap aitqanda, Koreyanyng su ýnemdeuge, sudyng sifrlyq esebin jýrgizuge arnalghan tehnologiyalaryn mengeruge jәne zamanauy su ýnemdeu infraqúrylymyn damytugha baghyttalghan ortaq baghdarlamany iske qosqan dúrys dep sanaymyn, — dedi Qazaqstan Preziydenti.

Abai.kz