Jana әleumettik nysandar salu, sharualargha qoljetimdi nesie beru jәne kәsipkerlikti qoldau mәseleleri Taldyqorghan qalasyndaghy Dostyq ýiinde ótken kezdesuding negizgi taqyryptaryna ainaldy.

Memleket basshysynyng «Jana tarihy kezendegi Qazaqstannyng ózekti mindetteri» atty Joldauyn iske asyrugha arnalghan búl jiynda deputattyq korpus pen Ýkimet ókilderi Jetisu oblysynyng júrtshylyghymen kezdesip, josparlanghan sharalardy týsindirip, túrghyndardyng úsynys-pikirlerin tyndady.

Kezdesuge Qazaqstan Respublikasy Qúryltayynyng deputaty Ekaterina Smolyakova, Qazaqstan Halyq Kenesining mýshesi Qayrat Kereev, Auyl sharuashylyghy viyse-ministri Nazgýl Hatepova jәne Qarjy viyse-ministri Dәuren Temirbekov qatysty. Basqosugha ónirdegi etnomәdeny birlestikter men qoghamdyq úiymdardyng ókilderi de jinaldy.

Jiynda Joldauda aiqyndalghan mindetterding is jýzindegi manyzyna, atap aitqanda, infraqúrylymdy damytu, otandyq óndiristi qoldau jәne halyqtyng ómir sýru sapasyn arttyru mәselelerine erekshe nazar audaryldy.

Ekaterina Smolyakova jariyalanghan Jalpyúlttyq qúrylys jyly tek jana ghimarattar salumen shektelmeytinin, infraqúrylymdy janghyrtudy jәne halyqqa qajetti әleumettik nysandardy saludy qamtitynyn atap ótti.

– Ónirlerge jasaghan saparlar barysynda biz búl qajettilikterdi óz kózimizben kórip, túrghyndardyng óz auzynan estip jýrmiz. Keybir jerlerde erekshe qajettigi bar balalargha arnalghan onaltu jәne týzetu ortalyqtary qajet bolsa, endi bir eldi mekenderde balalardyng sportpen shúghyldanuyna jaghday jasalmaghan. Sondyqtan әrbir jana nysannyng artynda naqty maqsat túruy tiyis. Yaghny qajetti kómekting qoljetimdiligin arttyrugha, balalardyng jan-jaqty damuyna mýmkindik jasaugha jәne halyqtyng kýndelikti ómir sýru sapasyn jaqsartugha baghyttalady, – dedi deputat.

Sonday-aq deputat Jetisu oblysyndaghy turistik infraqúrylymdy damytu mәselelerine toqtaldy. Onyng aituynsha, paraplanerizm alanyna aparatyn jolgha qatysty ótinishterden keyin ainalma jol salu turaly sheshim qabyldanghan. Búdan bólek, Alakól manyndaghy Jetisu men Abay oblystaryn baylanystyratyn joldyng problemalyq uchaskesine qatysty tiyisti júmystar jýrgizilude.

Kezdesuding manyzdy bóligi auyl sharuashylyghyn damytugha arnaldy. Auyl sharuashylyghy viyse-ministri Nazgýl Hatepova ótken jyly ósimdik sharuashylyghyn jenildetilgen qarjylandyrugha bir trillion tenge bólingenin jetkizdi. Búl qoldau sharualargha egis jәne egin jinau nauqandaryna dayyndalugha, qajetti materialdar satyp alugha, tehnikany janartugha mýmkindik beredi.

– Endigi mindet – auyl sharuashylyghy tauaryn óndirushilerge investisiyalyq maqsattargha arnalghan úzaq merzimdi qarjylandyrudyng qoljetimdiligi. Búl rette naqty ónirler ýshin erekshe manyzy bar nysandargha basymdyq beriledi, – dedi Nazgýl Hatepova.

Viyse-ministr Jetisudaghy qant qyzylshasyn óndeu mәselesine de toqtaldy. Biyl ónirde 13,5 myng gektar alqapqa qant qyzylshasy egilgen. Ónimdi janghyrtudan ótken Kóksu jәne Aqsu qant zauyttary qabyldauda. Al Aqsu zauytynyng tabighy gazgha qosyluy óndiristik shyghyndardy azaytyp, ónimning ózindik qúnyn tómendetuge yqpal etedi.

Sonymen qatar jýgeri egistigin úlghaytu jәne ony tereng óndeu baghytyndaghy mýmkindikter talqylandy. Jambyl oblysynda qytaylyq investorlarmen birlesip qúrylghan kәsiporyn Jetisu sharualary ýshin qosymsha ótkizu naryghyn qalyptastyrmaq.

Nazgýl Hatepova sýtti mal sharuashylyghyn qoldau sharalaryna da toqtaldy. Onyng mәlimetinshe, jenildetilgen qarjylandyru ayasynda jýzden astam tauarly-sýt fermasyn qúru josparlansa, sonyng 71-i paydalanugha berilgen. Sonday-aq auyl sharuashylyghyn sifrlandyru, subsidiya alu rәsimderin jenildetu jәne qaghazbastylyqty azaytu mәseleleri qozghaldy.

Jiynda Jalpyúlttyq qúrylys jyly jergilikti kәsipkerler ýshin de jana mýmkindikter ashatyny aityldy. Jana nysandardyng qúrylysy qúrylys materialdaryna, jabdyqtar men kólik qyzmetterine súranysty arttyryp, qosymsha júmys oryndaryn qúrugha jәne budjet týsimderin úlghaytugha yqpal etedi. Sonymen birge jobalardyng jýzege asyryluyna qoghamdyq baqylau jýrgizuding manyzdylyghy atap ótildi.

Osylaysha, Dostyq ýiinde ótken kezdesude Preziydent Joldauynda aiqyndalghan mindetter ónirding naqty qajettilikterimen úshtastyra otyryp talqylandy. Búl rette әleumettik qyzmetterding qoljetimdiligin arttyru, kәsipkerlikti qoldau jәne auyl sharuashylyghyn damytu baghytyndaghy naqty nәtiyjeler halyqtyng әl-auqatyn jaqsartudyng manyzdy kórsetkishteri bolmaq.

Abai.kz