Beysenbi, 19 Qarasha 2026
Janalyqtar 102 0 pikir 19 Qarasha, 2026 saghat 16:49

«Kólenkeli» sauda: «Otbasy bank» tazalaudy bastady...

Suret: forbes.kz saytynan alyndy.

Elimizde baspana kezegin týgendeu nauqany qyza týsti. Songhy mәlimetterge sýiensek, memleketten ýy alugha ýmittiler tiziminen 52 535 qazaqstandyq shygharyldy. Búl — bastamasy ghana.

«Otbasy banktin» resmy aqparatyna ýnilsek, qazirgi tanda kezekte 1,1 milliongha juyq adam túr. Alayda bank mamandary búl tizimdegi 200 myngha deyingi azamattyng kezekten týsip qaluy mýmkin ekenin ashyq aityp otyr. Múnday auqymdy «tazalaugha» ne týrtki boldy jәne onyng astarynda qanday әleumettik әdiletsizdikter jatyr? Saralap kóreyik.

Zandaghy «sanylau» qalay jabyldy?

Osy jyldyng 14 qyrkýiegine deyin túrghyn ýy kezeginde túrghan azamattardyng jeke derekterin tekseru onay bolmady. Sebebi eski ereje boyynsha azamat kelisim bermese, bank onyng basynda baspana bar-joghyn teksere almaytyn. Búl norma talay jyl boyy alypsatarlar men baspanasy bar auqatty adamdardyng kezekte «tyghylyp» otyruyna mýmkindik berdi.

Qyrkýiekte kýshine engen zannamalyq týzetuler búl kedergini joydy. Endi bank azamattyng rúqsatynsyz-aq derekter bazasyna ýnile alady. Nәtiyjesi kóp kýttirmedi: alghashqy tekseristing ózinde-aq basynda jeke baspanasy bola túra, memleketting tegin nemese jenildetilgen ýiine dәmeli bolghan 52,5 mynnan astam adam anyqtaldy.

400 pәterde ýlesi bar «múqtaj» azamat

Inventarizasiya barysynda jagha ústatarlyq derekter de әshkerelendi. «Otbasy banktin» Alghashqy baspanamen qamtamasyz etu ortalyghy departamentining diyrektory Azat Áshimovting aituynsha, kezekte túrghan bir azamattyn... 400 pәterde ýlesi bar bolyp shyqqan!

Búghan deyin ózin tekseruge rúqsat bermey kelgen búl «múqtaj» jannyng әreketi zandaghy olqylyqtyng qanshalyqty soraqy bolghanyn kórsetedi.

«Ýlestik menshik» mәselesi: 90-jyldardyng janghyryghy men jana shekteu

Memlekettik túrghyn ýy baghdarlamasynyng basty sharty — songhy 5 jylda azamattyng atynda jeke baspananyng bolmauy. Degenmen, elimizde ózining jeke ýii bolmasa da, ata-anasynyng pәterinde ýlesi (1/3, 1/5 nemese 1/7 bóligi) bar azamattar kóp. Búl — 1990-2000 jyldardaghy jekeshelendiru nauqany men múragerlikten qalghan tәjiriybe.

Osy mәseleni eskergen biylik bastapqyda túrghyn ýidegi ýles mólsheri 50 payyzdan aspauy tiyis degen sheshim qabyldaghan edi. Alayda, pysyqaylar búl talapty da ainalyp ótuding jolyn tapty: bir adam birneshe pәterding teng jartysyna (50%) iyelik etip, bәribir kezekte túra bergen. Sondyqtan talap taghy da qatandatylyp, endi tek bir ghana túrghyn ýidegi ýles 50 payyzdan aspauy kerek degen naqty shekteu qoyyldy.

Týiin: «Otbasy bank» endi múnday tekseristerdi toqsan sayyn túraqty týrde jýrgizip túrmaq. Búl — jyldar boyy pәter jaldap, shyn mәninde baspanagha zәru bolyp jýrgen qarapayym halyqtyng kezegin jyljytugha jasalghan manyzdy qadam. Memlekettik qoldau shyn múqtajdargha ghana búiyruy tiyis.

Abai.kz

0 pikir