Senbi, 19 Mausym 2021
Qogham 3573 0 pikir 21 Sәuir, 2014 saghat 10:03

BANKTERDING KELGENI BASYNA PÁLE TÓNGENI

««Osnovy geopolitikiy» degen sandyraq kitap jazghan Dugiyn, ashyq kýnde janjal tilep, Resey Dumasynyng otyrysyna әskery kiyim kiyip kelip jýrgen Jirinovskiy, aqyl-esi kem jazushysymaq Limonov, Hakasiyadaghy Shtygashev siyaqtylardyng aiqayy búl jaqqa da aqyryndap jetip jatqan sekildi. «Saqtansan, saqtaymyn» degen bar.

...Ótken senbi, sәuirding on ekisi kýni Pavlodarda slavyan últty ýsh jasóspirimning ústalghanynan habardar boldyq» (ult.kz).

«Aghymdaghy aidyng 12 kýni Almatyda «Jas euraziyashyldar» degen atpen qúrylghan (óz basym birinshi ret estip túrghan) jastar úiymy avtosheru ótkizdi. Aralarynda bir qazaghy joq jastar qazaq topyraghynda túnghysh ret Euraziyalyq odaq («Euraziyalyq ekonomikalyq odaq» emes) tuyn jelbiretti. Sodan, «búlar taghy qaydan shyqty?» dep әlgilerding ghalamtor saytyna kirip kórdik. Sóitsek, maqsattary «qayta týlegen euraziyashyldyq» (vozrojdennoe evraziystvo) ústanymy negizindegi Euraziyalyq odaqty qúru eken. Toqtay túrynyz… «Qayta týlegen» degen ne maghyna beredi sonda? Búryn qanday euraziyalyq odaghymyz bolyp edi? Týsiniksiz…» (Altyalash.kz).

Osynyng aldyndaghy maqalamda: «Resey Qazaqstandy qayta otarlaudy bank jýiesi arqyly bastady» dep jazsam, endi búl maqalamdy: «Resey Qazaqstandy qayta otarlaudy sayasy jýie jaghynan da bastap ketti» degeli otyrmyn. Búl sózime jogharyda keltirip otyrghan eki ýzindi tolyq dәlel bola alady.

Pavlodardaghy slavyan últty ýsh jasóspirimning Resey sayasatyn ashyq nasihattay bastauy jәne bas qalamyz Almatyda 12 sәuirde әli ómirge kelmegen «Euraziyalyq odaq» tuyn jelbiretip, aralarynda birde-bir qazaq, tipti, Belarus últynyng ókili joq reseylikterding alshandap jýrui, qazirgi Resey ústanymyn, V.Putinning basqynshylyq «erligin» nasihattap, Ukrainany jamandauy – Qazaq Eline «bizge óz erikterinmen baghynbasandar, erteng Qyrymnyng kebin kiyesinder» dep ashyq týrde ses kórsetu emey nemene?

Reseylikter: Duginnin, Jirinovskiydin, Limonovtyn, Shtygashevtyng Qazaq jerin bólshekteu turaly pikirleri – «Euraziyalyq odaqtyn» aqyry nege aparyp soghatynynan ashyq habar berude ekenin myna bizdin  biylik ókilderi kórmey, bilmey otyr degenge kim senedi?   Olar biz siyaqty «baran» (qoy) qazaqtardan úyalmay-aq, qysylmay-aq qoysyn, búlardyng búl dәrmensizdikterin kórip, bilip otyrghan әlemdik sayasatkerlerding betine qalay qaraydy?

Kýn ótken sayyn Resey ana Jirinovskiy siyaqtylardyng auzymen Qazaq jerin ózderine kýshtep qosyp alatynyn, yaghni, Qyrymnan keyin Qazaqstandy otarlaytynyn ashyq aituda. Myna bizdin   biyliktegilerimiz bolsa, olardyng búl   әreketterin bayqamaghan synay tanytuda. Jirinovskiylerdi esirtip otyrghan Resey biyligi ekeni aiday aqiqat.

Qazir Qazaqstannyng bas qalasy Almatynyng kez kelgen búryshynan qaptaghan reseylik bankterdi kóruge bolady. Osy bankter Qazaqstan halqynyng aqshasy arqyly paydagha belshesinen batuda. Bizding biylik bolsa, eldegi ózimizding ekinshi dengeydegi bankterdi japqysy keledi. Analar birazdan keyin nesiyelerin bizge rublimen beretin bolady. Sóitip, olar Qazaqstannyng últtyq tengesin ainalymnan shygharyp, óz ýstemdikterin ashyq týrde jýrgize bastaytyn kýn de alys emes siyaqty. Qysqasy, Resey bankterining kelgeni basyna pәle tóngeni bolyp jýrmesin.

Búl birinshiden bolsa, endi olar 12-sәuirdegi Almatydaghy sheruleri siyaqty «Euraziyalyq odaq» degendi jeleu etip, bizdegi orystargha dem berip, Resey sayasatyn zorlap endirui de ghajap emes.Sodan keyin olar odaq mýshelerine ortaq tariyh, ortaq parlament, ortaq valuta, ortaq sayasat jýrgizudi talap ete bastaydy. Ol әriyne, Resey sayasaty bolyp shyghady.

Júmash Kókbóri

Abai.kz 

0 pikir