Qayran Ámirhandy basy - qasynda jýrgender  tiri kezinde qadirley almady. Ólgen son, әriyne, úlarday shuyldadyq. Anau búrnghy  júmystan shygharyp jibergen "Dostarynyn" kókirekteri jastan shirip kete jazdady. Áy, kiriptar kýndestik -ay! Áy, kiriptar pendeshilik -ay desenizshi! Men keyde osy adamdar ýshin úyalamyn. Osy adamdar ýshin ókinemin,  osy adamdardyng atynan Ámirhannan keshirim súraymyn! Shynyn aitqanda, men Ámirhandy kórgen emespin, biraq shygharmalarynan shynyraudy kórgem.

Alty Alashtyng azghanday úrpaqtary óz ishimizdegi alyptardy tanimyz. Biraq, qadirley almaymyz.

Mýmkin, az halyqtyng ishindegi tau túlghany kýnde kórip jýrgen song biyiktigine shek keltiretin shygharmyz.

Mýmkin, qamshynyng sabynday qysqa ghúmyrdyng jalghandyghyn bile túryp, tәkapparlyghymyz ústap qala ma?   Azghantay qazaqtyng sanauly túlghalaryn nege qúrmettey almay jýrmiz, aghayyn?  Al ólgen song nesine bozdap jylaymyz?

«Zaman solay», «pendeshilik», «rushyldyq», «teksizdik», «namyssyzdyq», «dinsizdik», «qúldyq» atty sansyzdaghan syltau men sebepti kóldeneng tartyp, ózindi-ózing aldamaqsyng ba? Barlyq kýnәndi bireuge jappaqsyng ba? «70 jyl otarlady» dep orysqa jala artpaqsyng ba?  Búl aqyldylyq emes. Búl әri aqmaqtyq, әri satqyndyq ghoy!  «Baqyt, qayda barasyn? – degende, - berekege» - depti. Sonda biz berekege qay betimizben jetemiz? Arzan aqyl, bos uәde, eki jýzdi – qúrghaq isimizben be? 

Atam qazaqta: «әkeng ólse de әkendi kóre qalghan ólmesin» - degen ataly sóz bar. Qanday dәnishpandyq tәrbiye. Ákendi kórgen adamdardy da qadirle dep túrghan joq pa!?  Endeshe, Ámirhandy kóre qalghandar aramyzda tolyp jýr. Solardy da qadirlep, silaytyn kez jetti.

Men sol ýshin Ámirhan aghamnan jylap túryp keshirim súraymyn. Úyat pen ar-namysty, obal men sauapty joghaltpaugha aruaq aldynda sert beremin. Ári sizderden de sony kýtemin. Sol kezde bizdi de Alty Alashtyng Qabanbay, Bógenbay, Er Jәnibek syndy batyrlary, Tóle, Áyteke, Qazybek syndy biyleri, Abay, Álihan, Ospan, Zuha syndy ardaqtylarynyng aruaghy qoldaydy. Qatelikterimizdi keshiredi. Sonda ghana  Alla jolymyzdy ongharady.

Taghy da qaytalap aitayyn, әli de kesh emes. Bir myqty qazaqty tirisinde qadirley alugha jarasan, Ámirhan da sizderdi keshiredi. Mening biletinim sol. Alla taghala solay uәde bergen.

Marqúmnyng imany joldas bolsyn!

Abai.kz