Särsenbi, 27 Mamır 2020
COVID-19 QAZAQSTANDA. Jwqtırğandar — 9304. Jazılğandar — 4669. Qaytıs bolğandar — 37
Qoğam 4743 0 pikir 3 Mausım, 2014 sağat 12:06

«PRIHVATIZACIYA»

1990 jıldardıñ basındağı jappay jekeşelendiru el auzında «prihvatizaciya», yağni «basıp qalu», «zañsız alu» degen mağınada qoldanılğan bolatın. Öytkeni oğan deyin   memlekettik menşikke basıbaylı baylaulı bolğan bwqara halıq azdağan jıldardıñ auanında barınan ayrılıp qaldı. Kedeylendi. Dünie-mülikti bwrınğı partiya biligindegi ayğır jaldı top ielenip ketti.  Qısqası, şaruaşılıq sektorların liberaldandıru sayasatı  bastalısımen öndiris orındarı men wjımşarlar, keñşarlar, ğimarattar, t.b. jekelegen qojayındardıñ menşigi bolıp şığa keldi. Endi mine, jekeşelendirudiñ soñğı nauqanı ayaqtalmaq. Bwl jekeşelendiru Ükimet basşısı Kärim Mäsimovtiñ 2014 jılğı 30 säuirdegi «Qazaqstan Respublikası Ükimetiniñ 2014 jılğı 31 naurızdağı №280 qaulısına tolıqtırulır men özgertulerge baylanıstı 2014-2016 jılğı keşendi jekeşelendirudi bekitu» dep atalatın şeşimine (qaulısına) oray jasalıp jatır.

Qazaqstanda osığan deyin jekşelendirudiñ eki kezeñi bolıp ötti.

Birinşi kezeñ, 1991-1992 jıldarı ötti. Bwl  kezeñdegi jekeşelendiru käsiporındardı eñbek wjımdarınıñ wjımdıq nemese akcionerlik menşigine berumen, sauda jäne qızmet körsetu ob'ektilerin, onıñ işinde twrğın üy kupondarı üşin satumen ayaqtaldı.

Ekinşi kezeñ, 1993-1995 jıldar aralığın qamtıdı. Bwl kezdegi jekeşelendirudiñ maqsatı – Memlekettiñ halıqqa wlttıq mülikti tegin jäne aqılı negizde öndiristik ob'ektiler men memleketke tiesili basqa da materialdıq jäne materialdıq emes aktivterdi qaytaru procesinde menşik qwqığın derbestendiru boldı.

Endi, mine, üşinşi äm soñğı kezeñ. Bwl jekeşelendiruge baylanıstı äzirge Ükimet naqtı bir tüsinik berip otırğan joq. Soñğı jekeşelendiru qalay ötedi, jekeşelendiriletin nısandar aşıq aukcionğa tüse me, joq pa, ol jağı belgisiz. Közimiz şalğanı – juırda Şäken Aymanov atındağı «Qazaqfil'm» akcionerlik qoğamı äldebir qojayınnıñ menşigine ötpek. Qazaq wlttıq enciklopediyası otırğan qazirgi ğimarattı da (Almatı qalası, 8 ıqşam audanı, 19 A üy) bir kisi ielenbek. «Qazaq gazetteri» men «Jas Örken» JŞS-i de jaña qojayınnıñ qoltığında jürmekşi. Äygili veloşabandoz Vinokurov atındağı velosipedşiler klubı da jekeniñ menşigine ötpek. Jekeşelenu sonday-aq, barlıq oblıstarda jalğasadı. Onıñ bärin mına siltemeden köre alasızdar:

http://adilet.zan.kz/rus/docs/P1400000429    

Abai.kz

0 pikir