Särsenbi, 17 Şilde 2019
Abay.tv 3671 0 pikir 21 Mamır, 2014 sağat 12:25

Jer dauı: KEMERTOĞANDAĞI KIKİLJİÑ

Almatı oblısında jer dauı tağı da uşığıp twr. Bwl jolı . Olar auıldarın Almatımen jalğaytın joldıñ tüsuine baylanıstı, üyimiz sürilip kete me dep, üreyli küyde otır. Narazı top, qala men auıldı jaqındastırğalı jatqan jolğa jerlerin bosatıp berse, ükimet ötemaqı da tölemeydi dep, aşınıp otır.

Bwl kisilerdiñ basım böligi telimdi bir kisiden satıp alğan. Biraq bir qızığı -  şarua qojalığı maqsatındağı telimniñ är segiz jüzdigin 11 500 dollarğa bağalap, satqan Säule Swltanova esimdi azamatşa, jer qwjatın sıylıq retinde räsimdegen. YAğni, notarius kuälandırğan senim hatta telim saudası körsetilmegen. Jäne üş jüzdey otbasın jermen qamtamasız etken qojayın-hanım, jerdiñ maqsatı özgeretinin aytqan. Jäne ol kisiniñ twrğın üy saluğa boladı degen sözin, audandağı halıqqa qızmet körsetu ortalığınıñ ökilderi de rastağan körinedi.

RAYKÜL TOLĞANBAEVA, Kemertoğan auılınıñ twrğını:

CON-ğa ertip bardı ğoy satqan adam, dokument jasaymız dep, CON jasap berdi ana dokumentterdi. Solar ayttı, dokumentteriñizdi jasata beriñizder, eki jıldan keyin IJS-ke ötedi dedi. Bwl qalağa kiretin jer dedi.

Rasında da auıl tübegeyli qalağa kirip ketpese de, telimderiniñ üstinen qaladan keletin Rısqwlov dañğılı ötetin bolğan. Biraq alıp dañğıldıñ qay üydiñ aulasınan, esiginiñ aldınan nemese üyiniñ üstinen ötetini äzirge belgisiz.  Belgilisi - twrğındar twtastay üyimizdi sürmekşi dep üreylenip jür.

QARAQAS ZÄUİRBEKOVA, Kemertoğan auılınıñ twrğını:

Aqşa jinap, svetimizdi jarığımızdı kirgizip aldıq. Öz jağdaymızdı jasap aldıq. Bizge tek tiispesin!

BAUIRJAN BOŞAEV, Kemertoğan auılınıñ twrğını:

 Äkimdik bölmese, biz almaymız ğoy. Äşeyinnen äşeyin kelip, qazaq üy salıp alğan joqpız.

LENA TOQSANBAEVA, Kemertoğan auılınıñ twrğını:

Balalarımızdıñ auzınan jırıp, qara nandı qaq jarıp, qara sumenen şay işip, saldıq.

Alayda, jergilikti bilik ökilderi, "trassa tüsse, telim ieleriniñ ötemaqıdan qağıluı mümkin emes deydi. Halıq bekerge daurığıp jür" - deydi  äkim mırza. Biraq nege ekenin, äkim mırza, nesie alıp, eki auız üydi äupirimdep äreñ salıp, endi şıqpa janım, şıqpamen otırğan elge basu aytudıñ basqa jolın tappadı ma,  jomart jandardıñ äreketin mısal qıldı.

MAQSWT JAPAROV, İrgeli auılınıñ äkimi:

Mısalı, İrgeli auıldıq okruginen 112 uçastok ötip otır. Sonıñ 24 adam öz jerlerinen bas tartıp otır. Kerek emes, eşteñesi de, bolaşaqta jol ötsin dep berip otır.

IRINA SOVETJANQIZI, tilşi:

Alayda, aşınğan el ölispey-berispeymiz dep otır. Telimdi tegin alğan joqpız! Eger memleketke jol qajet bolsa, halıq nege qajet emes dep, qapalı el. Eger olar talabımız orındalmasa, aştıq jariyalaymız, deydi.

Irina Sovetjanqızı, Daniyar Jüsipov.

derekköz: 31 kanal

 

0 pikir