Býgin Qazaqstanda «Halyqtyq IPO» baghdarlamasyn týsindiru jәne aqparattandyru kampaniyasy bastaldy. Kampaniya shenberinde elimizding 25 qalasynda 400 prezentasiya men 70 týsindiru leksiyalaryn ótkizu qarastyrylghan. Investisiyalyq kompaniyalardyng brokerleri eki ay boyy «Halyqtyq IPO-da» qalay tabys tabugha bolatyndyghyn aitatyp beretin bolady. Sonday-aq, «QazTrans Oildyn» aldynghy IPO-synyng qorytyndylarymen bólisedi. Alghashqy leksiyalar Qaraghandyda, Aqtauda, Aqtóbede, Astanada jәne Tarazda bolyp ótti. Leksiyalardyng ótu kestesi  «Halyqtyq IPO» saytynda jariyalanghan. Leksiyalargha kez-kelgen adam kele alady.

Sonymen qatar, 30 qarashagha deyin elimizding barlyq ónirlerinde jýretin arnauly aqparattyq avtobustardan qosymsha aqparattardy biluge bolady.

Esterinizge sala keteyik, «Halyqtyq IPO» baghdarlamasy 2012 jyly iske qosylghan bolatyn. IPO-gha birinshi bolyp «QazTrans Oil» kompaniyasy shygharyldy. 34 myng qazaqstandyq «QazTrans Oildyn» 35 million qarapayym aksiyalarynyng iyegerleri atandy. «QazTrans Oil» AQ qarapayym aksiyalar boyynsha bir aksiyagha 2012 jyly 75 tenge, 2013 jyly 109 tenge diviydendter tóledi.

2014 jyly IPO-gha KEGOC energetikalyq kompaniyasynyng aksiyalary shygharylady. Kompaniyanyng 10% minus bir aksiyasyn ornalastyru josparlanuda. Qor naryghyna  2015 jyly «Samrúk-Energo», 2016 jyly «Qazaqstan Temir Joly» jәne «Qazatomprom» últtyq kompaniyalarynyng qaghazdaryn shygharu kýtilude.

Abai.kz