«Qosylghan qos ózen sekildenip...». Jayyqtyng qos jigiti atqa mindi... Ekeui de qatardaghy kóldeneng kók atty emes; oiy kem, moyyny bos, onay shaghylar janghaq ta emes...

Birinshisi - alashtyng aduyndy hәm oraldyng oraq tildi aitys­ker aqyny, әri óz inim Bauyrjan HALIOLLA. Aytysta aldyna teksiz túyaq týsirmegen kóptegen halyqaralyq, respublikalyq aitystardyng jenim­paz-jýldegeri, «Júmbaq qyzdyng janary» («Jazushy» baspasy, 2001), «Nәzik búlt kóship barady» (Oral, 2005), «Júldyz jaughan jaryq týn» (2012 jyl, Oral) atty jyr jinaqtarynyng avtory Bauyrjan Batys Qazaqstan oblysy, Syrym audanynyng Qosoba auylynda 1979 jyly dýniyege keldi.

«...Minezim ýshin óte kóp tayaq jedim. Biraq kózben kórip túrghan nәrseni qalay búrmalap jetkizesin? Jaghympazdyq qanyma jat...» – deytin Ál-Faraby atyndaghy Qazaq últtyq uniyversiyteti jurnalistika fakulitetining týlegining júmyr basyna ne zaual soqpady dersin?!.

Aldymen, halyqaralyq aitystyng bas jýldesin iyelenip, Batys Qazaq­stan oblysynyng sol kezdegi әkimi Núr­ghaly ÁShIMOVten pәter alghan Bau­yrjan Qaliolla eki jyl ótken­de ayaq astynan memlekettik baghdarlama boyynsha zansyz pәter alghan 72 sheneunikting qara tizimine ilinip, «jemqor sheneunikke» ainalyp shygha keldi. Ákimning uәdeli ýsh bólmesining tabanda eki bólmege qys­qaryp ketkenine kónili kýpti bolyp jýrgen aqyn «Adamnyng ar-ojdanyna tiyetin mәsele»-ge qatty qapalandy. Sol tústaghy Mәjilis deputaty Bekbolat TILEUHAN: «Bauyrjan Qaliolla siyaqty aqyn siyrek. Aqyndy syilaumen biz ózimizding ruhany dengeyimizdi kórsetemiz. Aqyn qashanda halyqtyng sózin aityp kele jatqan túlgha» – dep arasha týsti. Bauyrjannyng ózi: «Pәterimdi tartyp alsa da, ónerimdi tastamaymyn» dep, tastýiin sheshimge kelgende, oblystyng jana әkimi Baqtyqoja IZMÚHAMBETOV daugha әupirimdep nýkte qoydy...

Qashanda bir shenberding ayasyna syimay oiyn erkin jetkizip, kóbine júmyssyz jýretin Bauyrjan Qaliollanyn: «Ákemnen segiz jasqa tolar-tolmas shaghymda jetim qaldym. Sodan keyingi kórgen sheshemning beyneti kóz aldymda. Endi qyzyq kórem be degende, mәngilik úiqygha kete bardy. Eger menen «ókinishiniz ne?» dep súrar bolsa, «Anamdy baqytty ete almaghanym» der edim. Alladan keyingi adamzattyng asyly analar – sender aman bolyndarshy. Biz sizderdi ayalau ýshin jaralghanbyz» – degen jan syry milliondaghan adamdardyng jýregin jylytyp, jandaryn múngha kómdi...

...Kenet, osydan ýsh jyl búrynghy mamyrdyng bir mamyrajay týninde betperde kiygen belgisiz bireuler aqyngha óz ýiining aldynda qaruly shabuyl jasap, travmatikalyq qarudan oq atyp, ýsh jerinen pyshaqtady. Dese de, auruhanagha barudan bas tartyp, ýy jaghdayynda emdelgen Bauyrjan: «Aynalyp kelgende, Alladan basqa dos tappaysyn. Jalghannyng jalghandyghyn kóre túryp, óz-ózindi aldaudan asqan qiyanat joq shyghar. Boyymdy tiktep, keler kýnge degen ýmitimdi ýkileytin nәrse — Qúdaydyng bar ekenine senip, Qúrannyng shyndyghyna kózimdi jetkizip, Payghambarymyzdy moyyndau sekildi islamy senimder...» – dep, eshkimge shaghym aitpady...

Sóz joq, «Aytysqa quaryp kelip, quanyp qaytamyn» degen Haliolla bәribir elining taghdyryna elendemey jýre almady, kózboyau jasalghan jalghan sharua­lardy; topas-toghysharlardyng mysyqtileuligin júmsartyp aityp, janamalap jetkizdi. Aqyrynda: «Qyrymbek Kósherbaev ketkeli bizdegi mәdeny saladan mәn ketti. Mәdeniyetimiz mýgedek, әdebiyetimizding jaghdayy әljuaz kýige týsti» degen tújyrymmen toqtap, dem basty...

Aqynnyng kónili men bolmysy alabóten ghoy, arakidik Bauyrjan: «Qazir ómir sýru amaldaryn mengergim kelip jantalasamyn, jaghynamyn, jalpaqtaymyn. Onymnan týk shyghatyn emes. Basymdy taugha da, tasqa da soghamyn...» – dep te qaldy...

IYә, aqynnyng alasapyran ishki-әlemi Jayyqtyng tolqyndarynday tynym tappay, talay shayqalyp, shyryn tolghamdar aitty:

1. «Mening barlyq taghdyrym kóne shaHar Oralmen, kәri ózen Aq jayyqpen tyghyz baylanysty...»

2. «Kónilim dalany ansaydy da túrady. Tas qalanyng tas bauyr tirshiligi adamdy bauyrmaldyqtan, meyirimnen, odan qalsa, tabighy shynayy sezimnen alshaqtatyp jiberedi...»

3. «Men, negizi, Qúday mandayyma nesibesin mol jazghan adammyn.»

...Ras eken. Bir búrylys-búlqy­nysta: «Mening alandaytynym, aitys ónerinde Batys ónirinde ósip kele jatqan órimdey jastar kóp. Átten, mandayynan sipaytyn adam joq. Oiyma alghan josparym jeterlik, qaysysyna ýlgerip, ne úqsatarymdy uaqyt kórseter…» - degen Bauyrjan Haliolla bauyrymnyng nesibesi nәsip bolyp, oblystyq Jastar shygharmashylyq ortalyghynyng diyrektory oryntaghyna otyrdy.

«Ay-kýnim tuady onymnan,

Ómirim tepse de ózekke.

Qasiret, bylay ket jolymnan,

Qashanghy túramyn kezekte.

Mún-qayghy janymdy kemirme,

Azapty sýier dep aqyndar.

Bar-joghy bayansyz ómirde,

Baqytty bolugha qaqym bar!» (Bauyrjan Haliolla)

...Dau joq, Bauyrjannyng qúqy tolyq, sózi tura. Bayandy bolsyn!

...Atqa qonghan Aq Jayyqtyng taghy bir arda úly, ekinshi bir inim – Artur NYGhMETOV.

Artur – publisist, sayasattanushy. 2007 jyly Batys Qazaqstan memlekettik uniyversiytetining Tarih fakulitetin tәmamdady. Mәskeu sayasy zertteuler mektebining týlegi. Shvesiyadaghy SIPU International (Stokgolim, 2008) memleket jәne jergilikti basqaru instituty men Konrad Adenauer Qorynda (Berliyn, 2012) taghylym-synaqtarynan ótken. 2008-2012 jyldar aralyghynda birqatar qazaq­standyq jәne sheteldik BAQ-­tar­da jurnalist jәne redaktor qyz­metterin atqarghan. «Nazarbaev Ortalyghynda» bas sarapshy da boldy.

Sonymen qatar, IWPR Britan Instituty basylymynda Soghys jәne beybitshilik taqyryptarynda, Reseylik ekstremal jurnalistika baghytyndaghy «Oaziys» Internet-jurnalynda, «Novaya gazeta – Kazahstan» gazetinde, «Astana» jurnalynda maqalalary jaryq kórdi.

Qazaqtyng mún-mýddesin tura aityp, baghytynan janylmaghan Artur inimiz 2012 jyly «Halyq qalaulysy» syilyghynyng «Ýzdik publisist» nominasiyasy boyynsha laureat atandy. 2014 jyldan beri «Smart Advice» kommunikasiyalyq tobynyng basqarushy seriktesi bolyp, jyl sonynda «Núr Otan» partiyasynyng Qoghamdyq Sayasat Instituty diyrektorynyng shtattan tys kenesshisi qyzmetine kiristi. Múnda Nyghmetovke instituttyng jobalau isteri boyynsha tәuelsiz kenester beru mindetteri jýkteldi.

Mineki, órkeny zamannyng tyng tetikterin tolyq mengerip, әlemning birneshe elderining tәjiriybelerin boyyna tereng sinirgenArtur Nyghmetov Almaty qalasynyng talaby zor, tәlimi mol su jana әkimi Bauyrjan BAYBEK-ting baspasóz qyzmeti jetekshiligine taghayyndalady.

Men biletin Artur – iygilikting joqtaushysy, izgilikting adamy. Atamyz qazaq: «Qúlasang – nardan qúla» deydi. Alynghan abzal qamal – inimning shyqqan biyigining sony bolmaghay!

Qajymúqan GhABDOLLA

Abai.kz