Saud Arabiya Korolidigine (SAK) resmy saparmen barghan Qazaqstan músylmandary diny basqarmasy Qajylyq Missiyasynyng tóraghasy, naib mýfty Serikbay qajy Oraz Er-Riyad qalasynda «Nas» holding basshysy Ahmet Súltan myrzamen kezdesti. Basqosugha Qazaqstan Elshiligining jauapty qyzmetkerleri de qatysty.

Resmy kezdesude QMDB delegasiyasy men SAK halyqaralyq әue holdingi ókilderi 2015 qajylyq mausymy kezinde Qazaqstan qajylaryn tasymaldau mәselesin talqylady. Ekijaqty kelissózder nәtiyjesinde delegasiya jetekshisi Serikbay Oraz ben «Nas» holding basshysy Ahmet Súltan ortaq kelisimge qol qoydy.

Kelisim qújatynda kórsetilgendey, biyl Flaynas halyqaralyq әuekompaniyasy qazaqstandyq qajylardy tikeley reyspen qasiyetti Mekke qalasyna tasityn boldy. Otandastarymyz syiymdylyghy 375 adamdy qúraytyn Airbus 330, 300 jolaushygha arnalghan Boeing 767 jәne Boeing 757 (210 adam) markaly úshaqtarmen úshady. Al Qazaqstan tarapynan belgilengen SSAT әuekompaniyasynyng qajylardy tasymaldaugha qatysa almauyna baylanysty Flaynas әuekompaniyasy elimizding qajylaryna tolyqtay qyzmet kórsetedi. Qazaqstan azamattaryn Jidda baghyty boyynsha úshyru kestesi tek Almaty qalasynan jýzege asatyn boldy. Almaty-Jidda baghyty boyynsha úshatyn 4 әuekemesi kýn sayyn 3 reys oryndaydy. Búl turaly QMBD baspasóz qyzmeti habarlady.

«Búl sheshim – jerlesterimiz ýshin ýlken mýmkindik. Endi Qazaqstan qajylary tikeley Mekke manyndaghy Jidda qalasyna úshatyn bolady. Búghan deyin bizding azamattar orta jolda Ankara, Shardja, t.b. qalalarda ayaldap, әuejaylarda óz reysterin birneshe saghat boyy kýtip, sodan keyin Jidda qalasyna jetetin. Áuejayda 18 saghatqa deyin kýtip qalghan jaghdaylar kezdesti. Jerlesterimiz búghan deyin Jiddagha jetu ýshin 12-15 saghatyn jolgha shyghyndasa, endi, Alla qalasa, 6 saghattyng kóleminde Jiddagha jetedi. Qajylarymyz uaqytyn ýnemdeydi әri qarjylyq shyghyndaryn da azaytady. Búl – ekijaqty kelisimnin, ortaq mәmilening jemisi. Biz múnday jetistikke túnghysh ret qol jetkizip otyrmyz. Ayta ketetin jaghday, Flaynas әlemdegi iri әri bedeldi holding. Ol kýnine 130-dan astam ishki jәne halyqaralyq reyster boyynsha jolaushylar tasymaldaydy», – dep mәlimdedi delegasiya jetekshisi Serikbay qajy Satybaldyúly.

Býginde Flaynas halyqaralyq әuekompaniyasy әlemning kóptegen elderinen qajylar tasymaldaydy. Atap aitqanda, Indoneziya, Malayziya, Ýndistan, Baltyq jaghalauy elderi, Afrika, Orta Aziyadan Tәjikistan, Qyrghyzstan, Qazaqstan qajylaryna qyzmet kórsetedi.

Biylghy qajylyq mausymy qyrkýiek aiynyng 11-inen bastalyp, qazan aiynyng 7-inde ayaqtalady. Qazaqstan azamattary óz tandaulary boyynsha 17 nemese 21 kýn ishinde qajylyq paryzyn óteydi.

Materialdyq mýmkindikterine oray, olargha әrtýrli dengeydegi standart paketter úsynylghan. Qajylyq firmalardyng úsynghan standart pakettegi bir adamgha júmsalatyn shyghyn 3200-3900 dollardy qúraydy.

Abay-aqparat