QAZAQ JURNALISTERI, QAShANGhY BÚLAY JÝRE BEREMIZ...
Qazaq jurnalisteri, qashanghy búlay jýre beremiz... audarmashy bolyp?! Alty jyl ómirimizdi osy shertiygen sheneunikterding oryssha ottaubaylaryn audaru ýshin qiyp pa edik?! (Kәsiby audarmashylargha qatysty aram oiym joq, búl mýlde basqa audarma).
Qay jinalysqa barsaq ta, qanday sharagha qatyssaq ta, barlyghy "resmi" tilde búlbúlday sayraydy. Osy aitqandarynyzdy memlekettik tilde aityp berinizshi, dep jalynghanday bolyp, súrap alamyz. Onyng ózin jarytpaydy. Ynyranyp-yrsyldap, odan qalsa qorsyldap, birding basyn, ekining ayaghyn shatidy. Bәribir odan eshtene shyghara almaymyz. Aynalyp kelgende, bayaghy sol oryssha ottaubaylaryn audarugha tura keledi.
Ou, aghayyn, sonda memlekettik tapsyrys degen nәrse qazaq tildi jurnalisterding ghana bas qatyruy tiyis mәsele me?! Memlekettik sayasatty memlekettik tilde týsindiru memlekettik qyzmetshilerding tikeley mindeti emes pe?! Mindeti ghana emes, mýddesi boluy tiyis qoy! Endeshe biz nege esek siyaqty olardyng aitqanyna kónip, aidaghanyna jýre beruimiz kerek? Bayaghyda bir Ýkimet otyrysy qazaqsha ótkende, orys tildi jurnalister óre týregeldi emes pe? Olar dym týsinbey qalghandyqtan emes, eshkimge esesin jibermeytindikten solay istedi. Al biz bolsaq, sheneunikting shala-púla bir-eki auyz qazaqsha shýldirlegin jazyp alghangha mәz bolyp jýre beremiz...
Jaraydy, jaghdaydy týzeu ýshin ne isteu kerek? Aytu - onay, әriyne. Myna jaqta óz bastyghyng bar joghary jaqqa jaltaqtaghan. Ol jaqta taghy bireu bar ózining ýstindegige lәbbaylaghan. Osylaysha kete beredi...
Biz de olargha jaltaqtap qashanghy jýremiz?! Qyryq kýn bura bolghansha, bir kýn atan bolayyq ta! Biz de eshkimge esemizdi jibermeyik!!! Osydan bylay sheneunikterding qazaqsha aitqandaryn ghana nasihattap, oryssha aitqandaryn orystildi әriptesterimizge qaldyrayyq (Olar da solay isteydi). Sol kezde memlekettik tapsyrystyng memlekettik tildegi núsqasy aqsay bastaydy. Sol kezde olar qazaq tildi jurnalisterding qadirin týsine bastaydy. Sol kezde olar "qysylghanda qymyz shyghadynyn" kebin kiyedi. Tek sol kezde ghana memlekettik tildi mensinbey jýrgender jyly oryndarynan aiyrylyp qalmau ýshin til syndyra bastaydy. Áytpese, óz ana tilin ýirenuge miy jetpeytin "bashkavityi" sheneunikterge memlekettik tildi ýiretetin basqa jol qalmady.
Ábu-Asqar Mekeshúly
Ádebiyet portaly
