Anabir jyly bir aghamyz keldi. Qasynda mektep bitirip jatqan qyzy bar.
— Myna qaryndasyng jurnalist bolghysy keledi. Aqyl-kenesindi ait, — dedi aghamyz ózimsine sóilep. 
Sóilesip kórsem, bala jurnalistikanyng auylynan tipti alys eken. Tipti Qazaqstanda shyghatyn gazet-jurnaldardy da aita almay mýdirdi. Jazghandaryn alyp qaradym. Basqasyn bylay qoyghanda, jalghau, júrnaq degenderiniz aldyndaghy sózge jabysa qalatyn shoghaynagha ainalypty.
Aldymen qaryndasymyzgha, keyin әkesine aityp em, ekeui de shorshyp týsti. «Ózindi bir dúrys jigit sanaushy em...» — dedi aghamyz syzdanyp, — sen de osylay redaktor bop tumaghan shygharsyn. Jas bala ghoy, ýirenedi, ózi talantty, óleng shygharady...». Basqa oqudy bitirip te jurnalist bolugha bolatynyn aityp týsindirmek bolghan әreketimnen týk shyqpady.
Keyin әlgi qyzdyng jurfaktyng aqyly bólimine oqugha týskenin estidim. Ákesi Almatydan pәter jaldady. Osy kýni oquyn bitirip shyqqan qaryndasymyz mýlde basqa salada jýr eken. Qayran, bosqa shashylghan aqsha...
Osynday jaghdaylar jyl sayyn qaytalanady. Ertay agham ekeumiz biraz adamgha aqyl aittyq. Áy, biraq tyndamaydy-au, tyndamaydy. 
Jaqynda taghy bir qyz keldi. «Armanym — jurnalist bolu!» — deydi. Áli maqala jazyp kórmepti. Biraq tv-daghy әdemi apaylaryn kórip, qatty qyzyghady eken. Grammatikasy tәp-tәuir. «Aynalayyn, sen filfakqa barshy, ony bitirip te jurnalist bola alasyn. Al eger jurfakty bitirip, jurnalist bola almasan, diplomyng eshtenege jaramaydy». «Jo-joq, aghay, jurfakta oqyghym keledi!» — deydi qaryndasymyz tabandy týrde. Ári-beri aityp em, bolar emes. Sosyn:
— Aynalayyn, jurfakta kimder oqitynyn bilesing be? — dedim týsimdi suytyp.
— Kimder, aghay? 
— Filfakqa týse almaytyndar oqidy. 
Qaryndasymyz kýlip jiberdi. Sosyn qoshtasyp, esikke bettedi. Biraq әueli jurfakqa tapsyratynyna kýmәnim joq... 
Syrttay qaraghanda, op-onay bop kóringenimen jurnalist bolyp isteu óte qiyn. Ásirese, әiel adamgha. Arqyraghan bayy, etegine jabysqan bala-shaghasymen alysa jýrip, keremet dýniyeler tudyryp jýrgen kelinshekterge myng alghys. Tausylmaytyn issaparlar da otbasynyng berekesin ketirip jýrgen jayttardy kórip jýrmiz. Biraq jurnalistika — erikkenning ermegi emes. Keyde әupirimdep oqu bitirip, birdene ghyp júmysqa iligip, sosyn ómir boyy redaktorynyng «qanyn ishetin» keybir qaryndastarymyzdyng basqa salagha keremettey iykemi bar ekenin kóresin...
Balamyzdy, әsirese qyz balany jurfakqa jibererde sәl oilanayyqshy. Jurnalistika degenimiz televiydeniyede jarqyrap kórinetin súlu qyzdar ghana emes qoy. Olardyng da kóbining «syrty býtin, ishi týtin» ekenin úmytpayyq.