Keshe Parlament mәjilisining deputattary әdettegiden ózgeshe – kóterinki kónil-kýide jýrdi. «Tóbesi kórinip» túrghan kanikul kýnderining әseri me, joq basqaday bir sebebi bar ma – әiteuir olar keshe biraz sharuany tyndyryp-aq tastady. Aynaldyrghan birneshe saghat ishinde mýgedekterge milliard dollar tauyp berdi. Elimizding shet eldikter aldyndaghy bedelin bildiretin imidj-kampaniya degendi oilap tapty. Tipti olar ózderining jeke ómirlerining de birqatar belesterin «audaryp-tónkerip» tastady. Ras, halyq qalaulylarynyng qarbalasqa toly dep aita qoigha kelmeytin kýndelikti tirlikterine onsha-múnsha qyzyghushylyq tanyta qoymaytyn BAQ ókilderi әngime osy bir «jeke ómir» jayyna kelgende «ayaq astynan tirilip» sala berdi. Elding kóz aldynda jýrgen zingittey de zingittey... qalauly da qalauly adamdardyng jeke ómirleri әlbette, kez-kelgen adamdy qyzyqtyryp túratyny aitpasa da týsinikti nәrse. Degenmen, jeke ómir mәselesine kelgende Aughan soghysynyng batyry, general-deputat Baqytjan ERTAEV әriptes-keristes adamdardyng barlyghyn da jolda qaldyrdy, óitkeni keyingi kezderi batyr adamnyng «bolmaytyn birdenege bola» basy shatylyp jýr – qyp-qyzyl әngimege qalyp.

ÁLQISSA: bәrimiz bilemiz, osydan birneshe kýn búryn bankir Jomart ERTAEV degen elge belgili qarjyger-biznesmenning basynyng daugha qalyp, ózining tiyisti organdar tarapynan izdeuge úshyraghanyn. Qazir qashyp jýr, qysqasynan qayyratyn bolsaq.  Sol-aq eken, baspasóz beti men tele-inter-әleumettik jeli degenderinizdi «bankir Ertaev general Ertaevtyng úly eken» degen әngime aralady da ketti. Ras-ótirigin eshkim bilmeydi. Al endi general men bankirding suretterin salystyrghandar, o toba, ekeuining bir-birine qatty úqsaytynyn demde bayqaghan. «Ayqay әngime» general-deputattyng da qúlaghyna jetken bolsa kerek, keshe dәl osy súraqqa ol kisi de « tezirek qútylayynshy» degendey, qysqa da núsqa jauap qaytaryp, qolyn bir siltedi. Sondaghy aitqan aiday shyndyghy mynau: «...osy әngime shyqqaly men úiqydan aiyryldym. Qaydaghy bireuler telefondaydy týnning bir uaghynda. Telefondaydy da, «bankir Ertaev sizding úlynyz ba?» dep súray beredi... súray beredi. Qazir men әngimening ashyghyn aityp,  nýktesin qoyyp tastayyn, al sodan keyin meni búl mәsele boyynsha mazalamanyzdar. Qysqasy, bankir Jomart Ertaevty men tanimyn, biraq bizder tuysqan adamdar emespiz. Men tipti onyng anasyn tanymaymyn da. Onyng anasymen eshqashanda poyyzdyng bir kupesinde jol jýrgen emespin de.  Bitti. Búdan basqa aitarym joq...»

Ómirining kóp bóligi әsker qyzmetinde bolghandyqtan ýirenip ketken әdet bolsa kerek, general-deputat úzaq sóilep, eshkimning basyn qatyrmady – osylay da osylay dep ýlkendi-kishili Ertaevqa qatysty búrq-búrq ete qalghan úzynqúlaqtyng nýktesin nyghyzdap túryp osylaysha qoyyp tastady. Qoyyp tastady da, qolyn bir siltep – ketti de qaldy. An-tang bop biz qaldyq. Jәne jәy qalghan joqpyz, birdene-shirdeneni týsinbey, jyndy bop qaldyq. Ol týsinbegenimiz – ýlken Ertaevtyng «kishi Ertaevtyng sheshesimen bir kupede bolghan joqpyn» degen bir auyz sózi. Anyryp qaldyq – «kupesi nesi?» dep. Oirany shyqqan oiymyzda «general Ertaev kupede ne býldirgen?» degen jauaby tabylmaghan súraq jәne qaldy. Bilmeymiz ghoy, әskeriylerdi týsinuden әbden qalghan siyaqtymyz, tәrizi..!

Marat MADALIMOV.

Abai.kz