Qaraghandy oblysynda biyl da topan su basu qaupi joghary. Óitkeni aimaqtaghy qar qalypty dengeyden 2 ese kóp. Múnday aqparatty oblys aumaghyn tikúshaqpen aralap shyqqan Ishki ister ministrining orynbasary Vladimir Bojko aitty. Ol kóktemdegi su tasqynyna әr sheneunik basymen jauap beretinin eskertti, - dep habarlaydy "Astana" arnasy.

Vladimir Bojko, emtihan qabyldaghan múghalimdey, qaramaghyndaghylardy qyspaqqa aldy. Eldi mekenderdegi tótenshe jaghdaylar bólimderining key bastyqtary men audan әkimderining oqu-jattyghu júmystarymen shektelgeni Ishki ister ministrining orynbasaryna únamaghany anyq. Onyng ýstine biyl oblysta qar qalypty mólsherden eki ese kóp jaughan. Erte kóktem bastalsa, selge tótep beru qiyn ekenin aitty. Sondyqtan Bojko su tasqynyna әr sheneunikting basymen jauap beretinin eskertti.

"Qardyng biyl kóp ekenin bayqadym. Birde-bir qara jer joq, ainala appaq. Sondyqtan túrghyndar aulasyn tazalasyn. Kóshege shygharylghan qardy tazalau - biylikting sharuasy. Uchaskelik poliyseyler әkimdikke túraqty esep bersin. Mindetin dúrys atqarmaghandar qyzmettik jauapkershilikke tartylady", - deydi Ishki ister ministrining orynbasary Vladimir Bojko.

Ministr orynbasary, әsirese Qarqaraly, Abay, Osakarovka audandarynyng sheneunikterine naqty tapsyrmalar jýktedi.

Byltyr búl eldi mekenderdegi ondaghan auyldy topan su basqan bolatyn. Býgingi kýni atalghan auyldar әli kýnge eskertu dabyldary men aua rayyn boljaytyn gidrometeorologiyalyq stansalarmen jabdyqtalmaghan. Tipti qardyng mólsherin ólsheytin arnayy qondyrghy da alynbaghan. Bir ghana Qarqaraly audanyndaghy oblystyq, respublikalyq tas joldardyng boyynda, jinalghan sudy aghyzatyn 2 qúbyr ghana bar. Ol azdyq etedi, al janasyn ornatugha qarajat qolbaylau bolghan. Astanalyq sheneunik, búl joldar selge bóget bolyp jatsa, búzylatynyn aitty. Al, audan әkimdigi әzirge qauipting joq ekenin jetkizdi.

Eske salsaq, byltyr kóktemde oblysqa qarasty 9 audanyndaghy 50 shaqty eldi mekendi topan su basqan bolatyn. Osynyng saldarynan jýzdegen ýy qirap, halyqtyng dýniye-mýlki men maly sugha ketti. Aldynghy jyly kóktemde Kókpekti auylynda toghan jarylyp, 5 adam qaza tapty. Eki birdey apattan sabaq alghan Vladimir Bojko sheneunikterdi birlesip, jýieli týrde júmys isteuge shaqyrdy. Al tasqynnyng aldyn alugha baghyttalghan júmystardyng barysymen Ishki ister ministrligin jergilikti poliyseyler tanystyryp túratyn bolyp uaghdalasty.

Abay-aqparat