NAZARBAEV ZEYNETAQY QORYN BIZNESKE SALUDY TAPSYRDY
Qazaqstan preziydenti Núrsúltan Nazarbaev zeynetaqy qoryndaghy 1 trillion 450 milliard tengeni (shamamen 4,02 milliard AQSh dollary) birqatar jobagha investisiya retinde saludy tapsyrdy.
Aqordanyng Twitter paraqshasynda jazylghanday, Nazarbaev búl jayly Astanada ótip jatqan ýkimetting keneytilgen otyrysynda aitqan.
Nazarbaev búghan qosa ýkimetke "Núrly jol" baghdarlamasyndaghy infraqúrylymdyq jobalardy jedeldetu ýshin 2016 jyly 76 milliard tenge bóludi de tapsyrghan.
Sonymen birge memleket basshysy 100 milliard tengeni "QazAgro" últtyq kompaniyasyna basymdyq beretin jobalardy qarjylandyru ýshin paydalanudy mindettedi.
Nazarbaevtyng pikirinshe, júmsalghan qarajatty tiyimdi paydalanu ekonomikanyng bir prosentke deyin ósuine mýmkindik beredi.
Jyl basynan beri Biringhay últtyq zeynetaqy qoryndaghy aqsha 5 trillion 828 milliard tengeni (shamamen 16 milliard AQSh dollary) qúraghan.
Nazarbaev 2015 jyly qarashada jyl sayynghy halyqqa joldauynda zeynetaqy qoryndaghy qarjyny biznesti nesiyelendiruge júmsaudy dogharudy tapsyrghan. Preziydent ol kezde zeynetaqy qarjysy budjet tapshylyghyn toltyrugha ghana paydalanyluy mýmkin ekenin aitqan.
Abay-aqparat
