اقوردانىڭ Twitter پاراقشاسىندا جازىلعانداي، نازارباەۆ بۇل جايلى استانادا ءوتىپ جاتقان ۇكىمەتتىڭ كەڭەيتىلگەن وتىرىسىندا ايتقان.

نازارباەۆ بۇعان قوسا ۇكىمەتكە "نۇرلى جول" باعدارلاماسىنداعى ينفراقۇرىلىمدىق جوبالاردى جەدەلدەتۋ ءۇشىن 2016 جىلى 76 ميلليارد تەڭگە ءبولۋدى دە تاپسىرعان.

سونىمەن بىرگە مەملەكەت باسشىسى 100 ميلليارد تەڭگەنى "قازاگرو" ۇلتتىق كومپانياسىنا باسىمدىق بەرەتىن جوبالاردى قارجىلاندىرۋ ءۇشىن پايدالانۋدى مىندەتتەدى.

نازارباەۆتىڭ پىكىرىنشە، جۇمسالعان قاراجاتتى ءتيىمدى پايدالانۋ ەكونوميكانىڭ ءبىر پروتسەنتكە دەيىن وسۋىنە مۇمكىندىك بەرەدى.

جىل باسىنان بەرى بىرىڭعاي ۇلتتىق زەينەتاقى قورىنداعى اقشا 5 تريلليون 828 ميلليارد تەڭگەنى (شامامەن 16 ميلليارد اقش دوللارى) قۇراعان.

نازارباەۆ 2015 جىلى قاراشادا جىل سايىنعى حالىققا جولداۋىندا زەينەتاقى قورىنداعى قارجىنى بيزنەستى نەسيەلەندىرۋگە جۇمساۋدى دوعارۋدى تاپسىرعان. پرەزيدەنت ول كەزدە زەينەتاقى قارجىسى بيۋدجەت تاپشىلىعىن تولتىرۋعا عانا پايدالانىلۋى مۇمكىن ەكەنىن ايتقان.

اباي-اقپارات