Árbir halyq syilyq ataulygha әrtýrli kózqaraspen qaraytyny belgili. Qanday da bir elde jýrip ol elding salt-sanasyna tәn emes syilyqty tandap qatelesuing mýmkin. Býgin biz syilyqtyng әrtýrli halyqtargha qatysty erekshelikterin sóz etpekpiz. 

Europa 

Europa elderinde birqatar syilyqtardy syilaugha «tyiym salynghan». Mәselen, Fransiyada túrmysqa shyqpaghan arugha parfum ónimderin syilaugha bolmaydy, múnday syilyqty tek joldas azamaty ghana syilay alady. Germaniyada kanselyar ónimderin, әsirese, kýndelik tәrizdi manyzy bar nәrselerdi syilaugha bolmaydy, múnday syilyqtardy nemis halqy múqiyatsyzdyqtyn, úqypsyzdyqtyng belgisi retinde tanidy. Europada feministik qozghalys ókilderi ýshin as ýy jabdyqtary men tehnikalaryn syilau «asa jaqsy» emes. 

Sol tәrizdi gýl syilaugha kelgende de synshy bolugha tura keledi. Mәselen, fransuz madamdaryna hrizantema men qalampyr gýlderin syilaugha bolmaydy, al qyzyl raushandy syilau shekten shyqqan qúmarlyqty bildiredi. 

AQSh

AQSh-ta keyingi kezde mynanday ýrdis oryn alghan: syy retinde tartylghan syilyqty chegimen beretin bolghan, eger syilyq «qaharmanyna» únamasa, ol auystyryp nemese ótkizip tastay alady. Qyzyghy sol, Jana Jyl meyramynan keyin dýkenderding aldynda syilyqty auystyru ýshin úzyn-sonar kezek bolady eken. Sondyqtan amerikalyqtar ýshin cheksiz berilgen syilyq naghyz orynsyz «tosyn syi» bolatyny anyq. 

Músylman elderi 

Músylman elderinde alkogoli, ózge de spirt tektes ónimderdi syilyqqa tartugha bolmaydy. Sol tәrizdi shoshqa da islamda haram retinde sanalatyndyqtan shoshqanyng eti men terisinen jasalghan kez kelgen ónimderdi syilaugha bolmaydy. Sonymen qatar, salynghan suretterdi, kartinkalardy da beruge bolmaydy. Syilyqty ong qolmen beru qajet, bereke sanalady. Syilyq otaghasyna ghana syilanady. 

Qytay 

Qytay halqy syilyq alghandy jaqsy kóredi. Biraq múnda da shekteuler bar. Mәselen, erkek adamgha qaru-jaraq tәrizdi kәdesyilardy (qanjar, pyshaq, pistolet) syilaugha bolmaydy, búl dostyqty búzady dep sanalady. Áyel adamgha sary jәne aq týsti gýlderdi syilaugha bolmaydy, búl qayghy-qasiretting belgisi tanylady. Tipti, aq qaghazdan jasalghan jana jyldyq oiynshyqtar da qytay halqynyng ashuyn tudyrady. Óitkeni aq týs hrizantema gýlining belgisi, al hrizantema gýli ólimning belgisi sanalady. 

Japoniya 

Japoniyada da syilyq syilau әdepti qajet etedi. Syilyqty esh sebepsiz beruge bolmaydy. Qanday da bir mәn boluy tiyis. Jana jyl meyramy japondyqtar ýshin asa manyzdy mereke bolmaghandyqtan, qymbat syilyq beruding qajeti joq. Balalargha konfet pen oiynshyq syilau dәstýrge ainalghan. Alayda eshqashan tórt ne toghyz zat syilaugha bolmaydy: «tórt» sózining dybystaluy «ólim» sózining dybystaluyna baylanysty, al «toghyz» sózi «auyru» sózine jaqyn bolghandyqtan japondyqtardyng qorqynyshyn tughyzady. Syilyqty eki qoldap, iyilip syilau qajet. 

Koreya 

Qyzyl týs Koreyada qanmen, ólimmen baylanysty bolghandyqtan qyzyl týske oralghan syilyqty syilaushy bolmanyz. Ghashyqtar bir-birine ayaq kiyim syilaugha bolmaydy, ghashyqtardyng arasy suyp ketedi dep joramaldanady. 

Afrika 

Afrikanyng kóptegen halyqtary tek jerleu saltanatynda ghana qoldanatyndyqtan gýldi syilyq retinde beru jaqsylyqtyng belgisi emes. Fotoapparatty da syilaugha bolmaydy: afrika halyqtarynda kóbi fotoapparatqa týsiru adam janyn alumen ten.

Abai.kz

Derekkter - massaget.kz saytynan alyndy