Senbi, 21 Qırküyek 2019
Asqanğa - tosqan 3467 0 pikir 28 Säuir, 2016 sağat 13:24

JILITU JÜYESİ: JILITPAYDI - JILATADI

Elimizdegi kommunaldıq qızmetter – türli kemşilikterge tolı sala. Pısıqay kommunal'şikter halqımızdı su, elektroquatpen, jılıtumen qamtamasız etudiñ ornına, bükil qoğamımızğa ortaq şikizat türlerin saudağa saladı.  Sonau toqsanınşı jıldardıñ birinşi jartısında, jılpos Qajıgeldin, Maşkeviç, Şodiev pen Ibragimov bel'giyalıq «Traktebel'» kompaniyasına Almatınıñ energetika jüyesin satıp jiberdi.

Keñ baytaq, asa jomart qazaq jeri köptegen wlttar men taypalardıñ qarqındı damuına barınşa jağdaydı jasap bağuda ğoy qazir. Alayda, kimge bolsa da  «Şañıraqqa qara!» dep aytudı wmıtpau kerek şığar. Almatıdağı qwrılıs-kommunaldıq şaruaşılıqtıñ jetekşileriniñ deni – özge jwrttıñ ökilderi. Mısalı, «Almatı jılu jelileri» JŞS-niñ bastıqtarı köbinese qazaq emes: onıñ kommerciyalıq direktorı – Marina Hohlova, jılu energiyası satu basqarmasınıñ bastığı – Oksana Galilova, monitoring böliminiñ bastığı – YUliya Davıdova, esep qwraldarın baqılaytın qızmetiniñ bastığı – Dmitriy Fedyukov jäne Namangan köşesi, 39a, mekenjayında ornalasqan energetikalıq jüyeniñ meñgeruşisi – Ol'ga Lepilina. Sondıqtan da olardıñ resmi saytı www.alts.kz tolığımen Reseydiñ memlekettik tilinde jürgiziledi. Siz orıs tilin bilmeseñiz, Reseyde tipti sıpıruşı retinde jwmısqa ornalasa almaysız. Al, asa qonaqjay Qazaqstanda onıñ memlekettik tilin bilmeytin bireuler tabıstı äri ıqpaldı lauazımdardı ielenude.

Aytpaqşı, soltüstiktegi körşilerimizdiñ äñgimelerine den qoyayıq. Biıl, tatar jurnalisi men blogeri Irek Murtazin öziniñ irek-murtazin.livejournal.com/1654216.html maqalasınıñ astında mınaday tüsinikteme qaldırdı: «YA uje let desyat' govoryu o neobhodimosti audita cenoobrazovaniya uslug JKH. U menya est' sil'nıe podozreniya, çto oni bezbojno zavışenı....» Onıñ oqırmanı, Peterburg blogeri colobus1.livejournal.com bılay jauap qaytardı: «Vaşi podozreniya soverşenno opravdanı. Inaçe kak ob'yasnit' stoimost' direktorstva v upravlyayuşey kompanii v million dollarov». Qazan qalasında ömir süretin bauırımız soltüstik Pal'miranıñ twrğısınan swradı: «Otkuda cifra?» Piterlik bloger ayttı: «Mne, kak stroitelyu, let pyat' nazad predlagali». Kördiñiz be, qwrılıs-kommunaldıq şaruaşılıqtıñ salasındağı lauazım ieleriniñ paraqorlıq qwnı öte qımbat! Aqşa aynalımı jağınan Almatı Peterburgpen şamamen teñ tüsedi, sondıqtan oñtüstik astanamızdıñ da paraqor preyskurantı piterlik bağalardan artıq bolmasa, kem tüspeydi. Osı salanıñ asa isker bir  adamı bwrınğı Eñbek jäne äleumettik qorğau ministri N. Korjovanıñ küyeui A.Korjov edi. Bwl Korjovtıñ para alıp sottalğanı turalı 1997 jıldıñ 18 säuirinde, «Karavan» gazetinde «Koe-çto o muje ministra Korjovoy» attı şağın maqala jarıq körgen de bolatın.

 

A. I. Korjovtıñ tuğan inisi Mihail de qarjı mäseleleriniñ jilik mayın işken «qayratker». Ädette, qılmıs jasap ayıptalğan kisilerdiñ tuğan-tuısqandarın jauaptı qızmetterge tağayındamaydı. Soğan qaramastan, Mişa atışulı «Almatıjer» memlekettik kommunaldıq käsiporını direktorınıñ birinşi orınbasarı bop istedi. Netken darındı kisi! Bälkim, bwnday jauaptı lauazımğa ornalasuı üşin ol geodeziya, kartografiya men säulet öneriniñ igergen şığar? Kim bilsin?  

Taqırıbımızğa oralayıq. Bizdegi  jırındı kommunal'şikter neşe türli ädister oylap tabuda. Mısalı, ıstıq pen salqın sudıñ sanauıştarın bes jıl sayın özgertui nemese aqılı tekseristen ötkizui – bwqara halıqtı qanauğa arnalğan kezekti ayla. Kezinde, su sanauıştar  qanşama twtınuşılarımızdıñ qarjı-qarajatın ünemdedi! «Sudıñ da swrauı bar» demekşi, mwqiyattı türde eseptelgen sudı paydalanu otbasılıq byudjetke säl jeñildik äkeldi. Al, tap sol kezde tabısı azayğan pısıqay kommunal'şikter üşin qiın kezeñ bastaldı. Degenmen,  olar tağı da iskerlik tanıttı. Jaraydı, twtınuşılar su sanauıştarı arqılı uaqıtşa qarjı-qarajatın ünemdey bersin. Biraq, olardı är bes jıl sayın älgi sanauıştardı   özgertuge resmi türde mäjbürleu kerek! – dep şeşti olar. Oğan qosa, twtınuşılardıñ jeke ömirine bas swğatın baqılauşılardı da är üyge jii jibere bastadı.  Osı arada şeteldik täjiribege jügineyik. Mäselen, Germaniyada su sanauıştarı sınğanşa paydalanıladı. Sebebi, tehnikalıq qwral-jabdıqtardıñ qızmet merzimin qalay boljay alasıñ? Mümkin, ol bir jıl işinde sınadı älde jiırma jıldan soñ isten şığadı. Sonımen qatar, pedant nemister de twtınuşılardıñ jeke ömirin sıylap, jıl sayın bir-aq ret qana su sanauıştarın körsetkişterin tekseruge keledi.

Oñay oljağa masattanğan bizdiñ obır kommunal'şikter  osı küni jaña talap qoydı: Almatıda jiırma segiz mıñ päter ıstıq sudan ajıratıladı, eger olardıñ ieleri «qazaq» jer-suınıñ qojayındarına qosımşa tölem jasamasa. Jemqor kommunal'şikterdiñ qaharına ilingen päter ieleriniñ biri – zeynetker Tolqınay Maqaşeva. Onıñ bolmaşı zeynetaqısınıñ mölşeri – otız segiz mıñ teñge. Soğan qaramastan, bwl kisi wqıptı türde päteraqısın töleydi. Tipti, jılıtu üşin on tört mıñ teñgeni artıq töledi. Onıñ derbes şotınıñ nömiri: 003922553. Tolqınay hanım ünemi  su sanauıştarınıñ körsetkişteri boyınşa tiisti tölemderin jasaydı. Biraq, ğalımsımaq kommunal'şikterdiñ payımdauınşa T. Makaşevanıñ su sanauıştarı bayağıdan beri isten şıqtı, sebebi älgi bes jıldıq merziminen soñ olar auıstırılmadı. Mümkin, T. Maqaşeva öziniñ kip-kişkentay päterinde monşa aşıp alğan şığar (äzil) Älde, onıñ şağın üyinde su şikizatına zäru öndiristik ceh ornalasqan ba eken (äzil)? Qalay desek te, qwrığı wzın qatıgez kommunal'şikter älgi wqıptı zeynetkerdi de borışkerler qatarına qosıp, oğan birneşe ret «sotqa beremiz!» qaraqağaz jiberdi. 

Ärine, älgi «qaraqağazdağı»  «qarızdardıñ» eleuli böligi T. Maqaşevanıñ jalğan borışı tärizdes ötirik mindettemeler bolıp tabıladı. 

Sayıp kelgende, QR bas prokurorı retinde jañadan tağayındalğan Jaqıp Asanovqa qwlaqqağıs! Qwrılıs-kommunaldıq şaruaşılıqta orın alatın zañsızdıqtardı qatañ türde jazalau qajet. Siz 1997 jıldan 2001 jılğa deyin Qazaqstan Respublikası Bas prokuraturasında Bas Prokurordıñ ağa kömekşisi – Äleumettik-ekonomikalıq saladağı zañdılıqtı qadağalau basqarması bastığınıñ orınbasarı, keyin osı basqarmanıñ bastığı retinde qızmet ettiñiz. 2006 jılı «Qazaqstan kommunaldıq jüyeleri» AQ-nıñ direktorlar keñesiniñ törağası retinde jwmıs istediñiz. Sondıqtan, osı salanı büge-şigesine deyin bilesiz. Kezinde, şığınğa batqan «Qazatomönerkäsip»-ti halıqaralıq därejedegi kompaniyağa aynaldırğan, mıñdağan jaña jwmıs orındarın wyımdastırğan Mwhtar Jäkişev on tört jılğa bas bostandığınan ayırılğan. Mwhañ naqaqtan küygen qazekeñ ğoy... Al, milliardtağan teñgeni qımqırğan kommunal'şikterdi on tört jıl tügil, on bes täulikke eşkim otırğızbaydı. Sonımen qatar, parlament tarapınan osı saladağı tärtipsizdikterdiñ qadağalanğanı jön.  Eñ dwrısı, qwrılıs-kommunaldıq şaruaşılıqtı memlekettik nemese qoğamdıq menşikke ötkizu kerek. Sebebi, bükil halqımız üşin ortaq baylıq – qwrılıs-kommunaldıq şaruaşılıq – bäzbireulerdiñ offşor zonalarındağı esep-şottarınıñ közi bolmauğa tiis! 

Daniyar NAURIZ

Abai.kz  

 

 

 

0 pikir