Senbi, 21 Qırküyek 2019
Bizdiñ şeneunik 3148 0 pikir 6 Säuir, 2016 sağat 13:59

JURNALIST-DEPUTATTARDAN NE KÜTEMİZ? JAP-JAÑA MÄJİLİSTİÑ ALĞAŞQI JWMIS KÜNİ BASTALDI

  Bügin eski äm jaña mäjilistiñ öz jwmıstarın bastağanına twp-tura 10 kün boldı.


 Keşe ğana öz erkimen tarap, keyin qayta saylanğan eski de jaña parlament tolıq jwmısqa kiristi degenimizben, äzirge auız toltırıp aytar jañalıq joq. Qos palatanıñ birlesken otırısına  prezident Nwrswltan Nazarbaevtıñ özi qatısıp, sessiyanı aşıp berdi. Keudelerine deputat tösbelgisin taqqandar Elbası aldına şığıp, «qoydan qoñır boluğa» ant berdi. Atıraudıñ eks-äkimi  Baqtıqoja İzmwhambetovti spiker etip saylap, Mäsimov Ükimetine senim bildirgen Mäjilis turalı BAQ az jazıp jürgen joq.

Endigi mäsele mınaday. Qaysı şaqırılım bolmasın, Mäjilistegi deputattar sapında jurnalister boldı. Biıl da bwl dästür bwzıla qoyğan joq. Artur Platonov, Sauıtbek Äbdrahmanov, Gülnär Iksanova, Fahriddin Karataev, Irina Unjakova, Baqıtgül Hamenova, Mihail Çirikov deytin eks-jurnalister endi deputat boldı. Bir kezderi siz ben biz sekildi BAQ-ta qızmet etip, Joğarğı bilikti ötkir sınğa alıp, reti kelse, qamşılap alatın joğarıdağı mırzalar men hanımdardıñ är sözi endigi rette bizdiñ jiti baqılauımızda bolatını sözsiz.

Elimiz tolıq demokratiyalı memleket emes ekendigin Elbasınıñ özi birneşe märte qaytaladı. Halıqaralıq söz bostandığın qorğau wyımdarı bizdiñ elimizdi söz bostandığın şekteu faktileri basım elder sapına jatqızıp, ayıptağan kezder de joq emes.

Joğarıdağı jurnalist-deputattar biıl enşi bwyırıp, Parlamentke attandı. Endigi swraq: Mäjiliske attanğan BAQ ökilderi Qazaqstandağı söz bostandığı äm BAQ-tıñ cenzuralıq sayasatın säl de bolsa jibituge ıqpal ete ala ma?  

Bayqap qarasaq, Paralamenttegi jurnalistterdiñ deni orıs tildi azamattar eken. El senimin jüktegen bwl qalaulılar wlttıq müdde mäselesende ün şığara ala ma? Mısalı, kezinde Parlament qabırğasında deputat bolğan Şerhan Mwrtaza aqsaqal da jurnalist-deputat bolğan edi. Qazaq jurnalistikası tarihında sonı iz qaldırıp, talay örimdey jastıñ bağın aşqan Şerağañ deputat bolıp jürgende qazaq jurnalistikasınıñ damuına aytarlıqtay üles qostı. Mäjilisite bwl künde kündey kürkiregen Şerhan Mwrtaza bolmasa da, "Egemenniñ" eki tizgin bir şılbırın qolına wzaq wstağan Sauıtbek Abdırahmanov bar. Al Sauıtbek Şerhanday bola ala ma, ol uaqıttıñ enşisinde.

Ayta keteyik, 4-5 şaqırılımdarda deputat bolğan jurnalisterdiñ eşbiri bas köterip, ün şığarğan emes. Jwmğan auzı jwmulı küyinde kelip, sol küyinde ketken edi.  

Biz Parlmenttiñ tömengi palatasınıñ altınşı şaqırılımdağı jaña deputattarınıñ alğaşqı sessiyasınıñ jwmısın bilmek bolıp, Mäjilistiñ baspasözine habarlastıq. Ökinişke oray, resmi anıqtamada körsetilgen üş birdey telefonnan jauap bolmadı. Alğaşqı jwmıs küni. Biliuimizşe, Palata ökilettikterin iske asırudıñ birinşi sessiyağa arnalğan negizgi is-şaralar josparın qabıldaptı. Osığan oray Mäjilis Spikeri Baqtıqoja İzmwhambetov jalpı otırısta Elbası jüktegen mindetterdi alğa tarta kelip, osı şaqırılım deputattarına Wlt josparın odan äri zañnamalıq twrğıdan  qamtamasız etu jauapkerşiligi jüktelip otırğanın ayttı.

Bügin birinşi kün sessiyağa kelgen deputattar eki birdey Zañ jobasın qarastırğan. Biri – Halıqaralıq Qayta Qwru jäne Damu Bankimen Qazaqstanda ofister qwru jäne olardıñ jwmıs isteui turalı, sonımen qatar, Makedoniyamen investiciyalardı kötermeleu jäne özara qorğau turalı ükimetaralıq kelisimderdi ratifikaciyalau.

Ayta ketetin tağı bir mäsele, qazir qoğamdıq orta men BAQ-ta qızu talqığa tüsip otırğan mäsele – qazaq jerin aukcion arqılı satılımğa şığaru turalı Zañ jobası.

Osığan oray Paralemnttiñ tömengi palatası jer qoynauı men jer qoynauın paydalanu kodeksin qabıldaydı eken.  Ükimettiñ 2016 jılğı josparına säykes, bwl zañ jobaları Mäjilistiñ qarauına küzde kelui tiis. Odan basqa qazir Mäjilis qorjınında 20 zañ jobası bar eken.  

Nwrgeldi Äbdiğaniwlı

Abai.kz

 

0 pikir