Juyrda ghana Astana tórindegi «Dәulet» sport kesheninde kýres týrlerinen Aziya elderi arasyndaghy Rio Olimpiadasynyng joldamalary sarapqa salynghanda, grek-rim kýresi boyynsha Qytay qúramasyn әlemge tanymal baluan Álnúr Tórgeúly bastap keldi. Milliard halyqtyng ishinen suyrylyp shyghyp, últtyq qúramanyng agha bapkerine ainalghan qandasymyzdy jurnalister qauymy jyly qarsy alyp, birneshe súhbat alyp ýlgerdi. Biz danqty baluannyng ómir jolyna hronologiyalyq tәrtippen ýnile otyryp, halyqaralyq dengeydegi sport sheberining jetistikteri men әttegen-aygha toly estelikterimen túzdyqtap otyrudy qúp kórdik.

Bizding anyqtama

Álnúr Tórgeúly – Qytayda túratyn qandasymyz, әlemge tanymal baluan, halyqaralyq sport sheberi, sport salasy boyynsha Qytayda «Enbek ozaty», ýlgili qyzmetker degen birtalay marapattaulargha ie bolghan. Grek-rim kýresi boyynsha Qytay últtyq qúramasynyng agha jattyqtyrushysy. Aziya, Álem chempionattarynyng jýldegeri. Qytaydyng birinshilikterinde birneshe mәrte birinshi oryn alghan jenimpaz. 4 jylda bir ótetin Qytay spartakiadasynyng ýsh kýres týri boyynsha chempiony, grek-rim kýresi boyynsha da Qytay spartakiadasynda top jarghan qazaq. 2004 jyly kýres týrleri boyynsha Qytay atynan Afiny olimpiadasyna qatysqan túnghysh qazaq. Jary Shynar Shәpiqyzy Shynjang telearnasynyng rejisseri, Ýkilәy atty qyzy, Ýmbet atty úly bar.

Úshqan úyanyng qadiri

Álnúr Tórgeúly 1977 jyly Qytaydyng Ile aimaghy Kýnes audany Araltóbe auylynda dýniyege kelgen. 1990 jyly Kýnes audandyq balalar arasyndaghy jarysqa qatysyp, sol jyly aimaqtyq jastar qúramasyna qabyldanady. 12 jasynda әkesi Tórgeden aiyrylghan bozbala ýiding ýlkeni edi. Nebary 33 jasynda jarynan aiyrylyp, 6 balany bir ózi mәpelep ósirgen Kýlsara Toqtybaqqyzy bolashaq baluannyng betinen qaqpay, sportpen shúghyldanuyna bar mýmkindik jasaydy. «Eger anam qarsy bolsa, ózi qinalyp jýrgenine qaramastan, meni oqytugha qarjy tappasa, qoldamasa, býgingi jetistigimning biri de bolmas edi», – deydi baluannyng ózi.

Kýresten bir kórinis

– 1990 jyldyng jazy bolatyn. Oghan deyin mekteptegi synyptastarymdy alyp ta, shalyp ta jyghyp ýirengen meni júrtshylyq: «Ákesine tartypty» desetin. Ákem marqúm da jauyryny jerge tiymegen, qazaghy basym Kýnes kóleminde keudesin eshkimge bastyrmaghan azamat eken. Sony menzegenderi bolsa kerek, meni ýnemi әkeng sekildi qaysarlyghyng bar deytin. Qara shandaq joldarda alysyp-júlysyp jýretin qúrdastarymnyng talayyn borpyldaq topyraqqa kómip ketushi em. Olar da menimen ústasudy, kýresudi qoymaytyn. Mening sportqa beyimdiligimdi el birden birge jetkizse kerek, bizden alys auylda túratyn Kәden degen kisi izdep kelip, audandyq balalar arasyndaghy sport jarysyna qatysyp kóruimdi súrady. Sheshem: «Baghyndy syna, batamdy berdim» dep, shygharyp saldy. Kishi әkem Qargha meni ertti de, audan ortalyghyna attandyq. Biz keshigip qalyptyq. Sosyn Rahym degen bapkerge jolyghyp, mening mәn-jayymdy aityp edi, «kýresip kórsin» dedi. Sol irikteude birinshi, ekinshi oryn alghan әr salmaqtaghy eki balamen kýrestim, olardy «qolgha algham joq». Rahym bapker quanyp, meni 15 kýndik jattyghugha alyp qaldy. Mening sporttaghy tarihym osylay bastalyp edi…

  «Kishkentay Qajymúqannyn» Qazaqstangha kelui

Audandyq irikteuden irkilmey ótken ol Ile aimaghy kóleminde jastar arasyndaghy jarysqa qatysyp, 1-oryn iyelengen song birden aimaqtyq denetәrbie mektebine qabyldanady. Súrapaldy, Rahym sekildi bilikti bapkerler kýresting týrli tәsilderine jattyqtyra jýrip, qazaqtan shyqqan danqty baluandardyng esimderin jattatudy úmytpaghan eken. Bala Álnúr Baluan Sholaq, Qajymúqan, Ayhanov, Ýshkempirov, Túrlyhanovtardyng esimin sonda estipti. Ásirese, Qajymúqannyng anyzgha toly erlik jolyna erekshe yntyqqan onyng ishki armany sol atalarynday biyikti baghyndyru edi… 1991 jyly jaz kezinde Shynjang jasóspirimderi arasynda jarys ótip, býkilólkelik jarysta top jarghan balalargha Shynjang sport komiytetining úigharymy boyynsha Qazaqstanda oqu búiyrady. Álnúr, Erlan sekildi 30 shaqty әr últ ókilining jasóspirim sayypqyrandary sol jyly kýzde Almatydaghy Qajymúqan atyndaghy sport internatyna oqugha attanady. «Men ýshin bala kezdegi eng quanyshty sәtim sol jetkinshekterding qatarynda bolu edi», – dep eske alady ózi.

Danqty baluan Álnúr Tórgeúly

– Bәrimiz bala edik. «Almatygha oqugha barasyndar» degende, quanghanymnan jarys maydanyn ainalyp jýgirippin. «Qazaq radiosynan» kýnde tyndaytyn «Almatydan sóilep túrmyz» degen diktordyng dausy qúlaghymda janghyryp, shat-shadyman kýy keshtim. Ásem Almatyny kóru Jerúiyghyn tabumen birdey sezilgeni bar. 30 bala Almatygha keldik. Qazaqstan Tәuelsizdigin endi alyp, abyr-sabyr kýy keship jatqan kez. Men búryn erkin kýreste jattyghyp jýr edim. Múnda kelgen song grek-rim kýresine auystym. Jaqsylyq Ýshkempirov, Dәulet Túrlyhanov sekildi aghalarym osy kýres týrinen әlemdi moyyndatqanyn biletinmin. Ózimning qalauym sol boldy.

Internatta orys gruppasynda oqugha tura keldi. Sabaq tek oryssha jýretin. Nataliya Alekseeva esimdi apayymyz oqytty. Óte kishipeyil, janashyr jan edi. Basynda orysshadan qinalghanymyzben, kóp ótpey ýirenip kettik. Búl jyldar mening kýlli jetistigimning negizi boldy desem, artyq aitqandyghym emes. Kýn-týn demey jattyqtym. Bapkerlerimning aitqan aqylyn búljytpay oryndadym. Qazaqstannyng sport mektebi erekshe damyghanyn aitu paryz. Sportshylardy zoryqtyrmaydy, uaqtyly demalugha, psihologiyalyq salmaq týsirmeuge qatty mәn beredi.

Aytpaqshy, sol jyldary menen jasy ýlken Erlan Qazaqstan boyynsha jastar arasyndaghy jarysta erkin kýresten 1-oryn, men 2-oryn aldym. «Osynda qalyndar, bizge ózderindey talantty balalar kerek» dep iltipat tanytqan bauyrmal bapkerler de boldy. Kelisim boyynsha 5 jyl oquymyz kerek bolatyn. 1995 jyly Qytaygha qaytyp, Shynjang ólkelik jarysqa qatystyq. Erlan ekeumiz de 1-oryn alghan son, «Senderding jetistiktering bar eken. Endi ózimizde oqyp, jarysqa qatysasyndar» dep alyp qaldy. Arada eki jyl ótken song internattyng «oqu bitirdi» degen diplomyn berip jiberipti…

«Sheteldik» atanghan qazaq balasy

1995-1996 jyldary Qytay birinshiliginde eki jyl qatarynan 1-oryn alghan ony birden Últtyq qúramagha qabyldaydy. Onyng osy jyldardan bastap jarqyn jetistikteri tarih betine jazyldy desek bolady. Milliard halyq arasynan shyqqan jastyng ómir jolyndaghy eng shuaqty kýnder de, eng auyr sәtter de osy jyldardyng enshisinde edi… Ol búdan song 1996 jyly Polishada ótken jastar arasyndaghy әlem chempionatynda 5-oryn, 1999 jyly Rumyniyada 8-oryn, 2001 jyly 4 jylda bir ótetin Qytay spartakiadasynda tandau kezinde 1-oryn, sheshushi jarysta 3-oryn, 2001 jyly Úlanbatyrda ótken Aziya chempionatynda 2-oryn, 2002 jyly Kanadada ótken әlem chempionatynda 4-oryn, taghy basqa elishilik jәne әlemdik joldastyq kezdesulerde jenisti oryndardan kórinip, 2003-2004 jyldary eki ret Qytay birinshiliginde biyik túghyrgha kóteriledi. «Osy jyldar, – deydi Álnúr Tórgeúly, – mening jeniske de, jeniliske de, tipti ayaqtan shalu men kórealmaushylyqqa da tap bolghan kezenderim. Múndayda orynsyz minez kórsetip, ózindi dәleldeu qiyn. Ibalylyq, sabyrlylyq, tózimdilik kerek. Ár sportshygha, әr adamgha…».

Afiny olimpiadasy kezinde

Baluannyng aitqanyn emes, aitpaqshy bolghanynyng astaryn arydan anghardyq. Sport salasyndaghy «barmaq basty, kóz qysty» әrdayym bolatynyn bilsek te, qatarynan birneshe jyl boyy tóreshiler men bapkerlerding qysymyna tap bolyp, sportty birjola tastap ketuge bekingender tarihta az emes. Álnúrdyng da basynan sonday jayttar ótkenin syrttay estigenimizben, ol taqyrypty qaytalay súrap jatpadyq. Qatarynan 3-4 jyl boyy jarystan shettetu, jýldeli oryndargha jibermeu, halyqaralyq jarystargha qatystyrmaudyng týrli sharghysyn qúrghan keybir bapker, tóreshiler býginderi Álnúrdy kórse, ózderining qiyanattary ýshin qyzarary dausyz… Onday sәtterde baluan sypayy ghana amandasyp, olardy ynghaysyz jaghdaygha qaldyrmaugha tyrysatyn kórinedi.

– Qytaydyng últtyq qúramasyna qabyldanghan song maghan bapkerler jii aitatyn bir súraq boldy: «Seni Qazaqstannan qanshagha satyp aldy?!» Olardyng búlay kýmәndanatyn jónderi bar edi.

Birinshiden, mening kýresu mәnerim qytaylyq jastargha úqsamaytyn. Europa men Aziyanyng kýresu tәsili mýldem bólek. Europa baluandary jaqynnan qúshaqtasyp kýresudi qalasa, aziyalyqtar, әsirese, qytay, japon, korey, tayland sekildi elderding baluandary alystan, ústaspay kýresudi qúp kóredi. Men Qazaqstannan ýirengenimdi kәdege jarattym. Tipti 1995-1996 jyldary ótken Qytay jastar arasyndaghy birinshilikte qarsylastaryma 1 úpay da bergem joq. Múnyng ózi olardy tanghaldyrdy.

Ekinshiden, birden auyldan attanyp, bir jyl ótpesten Qazaqstangha keldim. Múnda oryssha oqydym. Auylda jýrgende atymnan basqa sózdi qytaysha aita almaytyn edim. Jazu mýldem joq. Qytay tilin últtyq qúramagha qabyldanghan song ýirenuge tura keldi. Olardyng myndaghan iyeroglifterin jattap, jazyp, sóilep ýirengenimshe biraz uaqyt ketti. Sonda últtyq qúramanyng jigitteri: «Áy, sheteldik, bizding tildi ýirenip jatsyng ba?» – dep әzil-shyny aralas qaghytpalaryn jii aitatyn.

Mening barlyq maqsatym – ózimdi ózim dәleldeu, ózgelerding aldynda úyalmaytynday júmys jasau. Osy prinsipten taygham joq. Qytay tilin jatpay-túrmay ýirene jýrip, jattyghudan bir kýn de qalmadym. Olar meni, qazaq balasyn moyyndauy kerek degen oiymdy jýzege asyru ýshin bar kýshimdi saldym.

Qúramadaghy jalghyz músylman

Álnúr Tórgeúly – qatarynan onshaqty jyl kýres boyynsha Shynjang komandasyn órge sýirep, Qytay qúramasyna ólsheusiz ýles qosqan jalghyz qazaq. Onymen birge kýreske qatysqan qazaq baluandarynyng kóbi týrli sebeptermen kýresti tastap, jolortadan qaytyp ketkenin, ishki Qytayda últtyq qúramada «jalghyz músylman» bolghanyn bireu biler, bireu bilmes. «Nebir talantty qazaq baluandary boldy, biraq Qytaydyng últtyq qúramasyna iline almady. Kóbi jattyghudan, túrmystyq qiynshylyqtardan, endi keybiri bapkerler men tóreshilerding qateliginen basqa salagha auysyp ketken de shyghar. Jarysta jeniske jetseng de, útylsang de, eshkimge renjuge bolmaydy eken… Ózindi moyyndatu qashanda qiyn. Ádiletsizdik barlyq jerde bar ghoy», – deydi ol.

Ózining maqsat-múraty jolynda jalyqpay enbektengen baluannyng Qytay úttyq qúramasyndaghy jyldarynyng ózindik qiynshylyqtary da kóp bolypty. Ásirese, tamaqtanu jaghynan kóp qinalghanyn әli úmytpaydy.

– Últtyq qúrama sapynda ailap, jyldap mashyqtyq. Bala kezimnen jattyghugha bar kýshimdi salghan men ýshin ol qiyndyq tudyrmady. Eng qiyn tiygeni – tamaqtanu boldy. Dәrumendi tamaqtardy ýiip-tógedi. Biraq jey almaysyn… Auylda et pen airan-sýt ishtik. Almatyda eng dәmdi tamaqty jedik. Al ishki Qytayda… Olardyng tamaghyn jeu mýmkin emes edi. Óitkeni, men músylmanmyn ghoy, jalghyz músylmanmyn. Monghol, zanzu sekildi biren-saran ózge últ bolghanymen, olardyng dini bir. Ne berse, sony jey beredi. Qatarynan 3-4 ay boyy tek qana lapsha jeumen kýnim ótti. 57 keli salmaqta jarysqa týsetin mening kýiim kete bastady. Namysqa tyrysyp, jattyghudan birde-bir qalghan joqpyn. Qúrsýlderim qap, auylgha qaytyp ketsem be eken dep te oilaytynmyn. Oghan namys jibermedi. Tórgening úly eshtene bitirmey qaytyp kelipti degen sózdi estigim kelmedi. Men ýshin tiyn-tebenin jinap, auyzdaghysyn jyryp jýrip aqsha tólegen, ýlken ýmit kýtip otyrghan anamnyng jýzine qalay qaraymyn dep uayymdadym. Sóittim de, ózimdi ózim qamshyladym. Bir joly salmaq ólsheude 54 keli tartyppyn. Bapkerim «saghan ne boldy» degen kisishe maghan bajyraya qarady. Sonda amalsyz shynymdy aittym. «Myna tamaqtardy ishe almay jýrmin. Mening dinim bólek, jep ósken tamaghym da basqa edi» dedim. Ol shaqta әli jaspyz. Bapkerge úsynys aitu, talap qoi óte qiyn. Bapkerim de eki sózge kelgen joq, qúrama basshylarymen sóilesip, maghan arnayy aspaz bekitti. Keyin aspazben dostasyp, ózimning jegim kelgen tamaghymdy tapsyryspen jasatatyn boldym. Basqany úmytsam da, lapsha jep kýneltken kýnderimdi eshqashan úmyta almaymyn…

Afiny olimpiadasynyng búralang joly

2004 jyly Qytay atynan eki qazaq Afiny olimpiadasyna joldama aldy. Onyng biri – búl kýnderi әlemge tanymal boksshy, 2008 jyly Beyjinde ótken olimpiadanyng qola jýldegeri Qanat Islam bolsa,  ekinshisi – kýres boyynsha Qytay atynan Olimp shynyn baghyndyrugha niyetti Álnúr Tórgeúly bolatyn. Sol әlemdik dodada Álnúr 13-oryngha túraqtady. «Ár soldat general boludy armandaydy» demekshi, Olimp shynyn baghyndyru barlyq sportshynyng ómirlik maqsaty ekeni anyq. Sol jylghy Qytay reytingi boyynsha óz salmaghynda 1-orynda túrghanymen, joldamany Álnúrgha beru onay bolmapty. Bar-joghy 20 kýn qalghanda «sen barasyn» degen sheshimdi estigen baluan qysqa uaqyt ishinde jolgha әzirlenip te, jattyghyp ta, ózining búrynghy qalpyna kelip te ýlgermegenin moyyndaydy.

Jaqsylyq Ýshkempirovpen birge

– Sportshy ýshin psihologiyalyq qysymnan auyr salmaq joq. Tútas ghúmyrynnyng eng eleuli, jalyndy mezetin bir salagha arnaghan adam sonyng úshar biyigine shyghugha mýmkindik tughanda ol oraydy qoldan jiberging kelmeydi. Eger әdiletti sheshim der kezinde qabyldansa, kemi 2-3 ay búryn jarysqa tastýiin әzirlener edim. Jarysqa kimning baratyny aitylmady. Liysenziya emes, joldama bolghandyqtan, últtyq qúrama kimdi jiberem dese de erki edi. Menen ózge birneshe ýmitker boldy. Menimen birge jattyghyp jýrgen dostarym: «Álnúr, sen jattyqpay-aq qoy. Búl jarysqa sening baruyng mýmkin emes…» dep, onsyzda pәs kónildi odan arman týsirip jiberdi. Sonda da ishtey Allagha syiynyp, jattyqqanday bolyp jýrdik. Biraq «mýmkin» men «mýmkin emestin» arasyndaghy hal jýikeni jýndey týtti… Jarysqa dәl 20 kýn qalghanda Qytay olimpiada komiytetining arnayy jiyny ótti. Búl kýnderi ýmitim ýzilgen. Qanday sheshim shygharar eken dep, jiyngha qatystyq. Mening atym atalghanda senerimdi de, senbesimdi de bilmedim. Ishti quanysh pen kýiikting oty órtep barady. Menimen bәsekeles qytay baluanynyng biri moynyna sumkasyn asty da, auylyna tartyp túrdy. Óni búzylyp ketipti…

Sonymen, shamaly kýnning ishinde qújat rәsimdeu, jolgha dayyndalu, jattyghu, bapkerlermen aqyldasu, ózindi ózing jaratu isine kirisip kettim. Armanym Qazaqstangha kelip, jattyghu bolghanymen, uaqyt tym tapshy edi. Múnyng salmaghy tipti abyrjytty. Jóndi úiqy da joq. Aqyry, Allanyng búiryghymen Afinygha bardyq. Bireuler ýshin Olimpiadagha qatysudyng ózi ýlken jetistik bolar, men búl jetistikten biyikke qol sozyp em… Tóreshilerding de baqastyghy boldy degender de kezikti. Taza jenis emes, tәsildik qatelikke boy aldyrdym. Qarsylasym orys baluanynyng iyghyna mening mandayym birneshe ret tiyip ketti. 3:2 esebimen jenildim. Sausaqtarymnyng qysqalyghy ony ústaugha kesirin tiygizdi, mening mandayymnyng onyng iyghyna tiyetini sondyqtan, jәne ol menen góri úzyndau boldy. Ol menen qasha jýrip kýresti. Odan ailamdy asyryp, aldyna shyqqanymmen, tóreshiler qarsylasyma eskertu bermedi. Onyng da myqty baluan ekenin moyyndaymyn. Sol joly ol qola medali enshiledi. Sportta jenilgen son, aqtalugha bolmaydy. Sportshynyng ómiri – jenis pen jenilisting joly ekenin esten shygharmaghan abzal…

«Men jetpegen biyikti shәkirtterim baghyndyrady»

Afiny olimpiadasynan keyin 2006 jylgha deyin últtyq qúrama sapynda bolghan ol, 2005 jyly Qytay memlekettik chempionatynda 2-oryn, 3 týrli kýres týrinen altyn túghyrgha kóterildi, odan keyin bapkerlik salagha auysyp, Shynjang komandasyn jattyqtyrady. 2008 jyly Beyjinde ótken olimpiadanyng alauyn ústaghan az últ ókilining biri de osy Álnúr baluan.

Qazir ol grek-rim kýresi boyynsha Qytay últtyq qúramasynyng agha jattyqtyrushysy. 5 jyl boyy Qytay qúramasyn halyqaralyq jarystargha aparyp jýr. Osy joly Astanada ótken olimpiada joldamasynan grek-rim kýresi boyynsha 3 joldama alyp qaytty. Álnúrdyng aituynsha, Qytay últtyq qúramasynda 5 qazaq jigiti bar eken. Onyng ýsheuining jeke bapkeri de ózi.

– Men olimpiada shynyn baghyndyrmasam da, shәkirtterim sol biyikke kóterilerine senemin. Songhy jyldary Qytay sporty kýrt damyp ketti. Memlekettik qamqorlyq ta jeterlik. Taghy bir aitarym, Qytay sport basshylarynyng qazaqtargha kózi týzu. Tek Shynjanda ghana emes, basqa ólkelerding komandalar qúramynda jýrgen qazaq sportshylary barshylyq. Múnyng birneshe sebebi bar: ol bizding últtyng tózimdi, qaysar minezi, sodan keyin ibaly, kishipeyildigimiz.

Qazir jastardyng kóbi imandylyq jolyn ústanady. Qytay bapkerleri: «Búlar jattyghudan qalmaydy eken, oinap-kýlip, orynsyz qanghymaydy eken. Tәrtipke baghynyp, ýlkenmen de, kishimen de sypayy sóilesedi. Múnday әibat balalar bizge kerek» dep otyrady.

Últtyq qúramada Múrat (120 keli), Álmúrat, Shattyq (96 keli), Uәlihan, Saltanat (60 keli) degen 5 qazaq bar. Bәri de jaqsy nәtiyjelerge jetip jýr. Beseui de saydyng tasynday. Mashyghy da, tәrtibi de óte jaqsy. Qúrama jetekshilerining de olargha niyeti on. Aldaghy Rio olimpiadasyna baru mýmkindikteri joghary. Bir-ekeui sol jarysqa qatysyp, jýldege ilinse, mening ómirlik armanym oryndalady. Mongholiya men Týrkiyada ótetin olimpiada joldamasyn saraptaytyn jarystargha birnesheui qatysuy mýmkin. Joldama alar degen ýmitim zor. Solardyng jeniske jetui ýshin bar bilgenimdi ayamaymyn!..

Aghayyndylardyng jetistikteri

Álnúr Tórgeúlynyng eki inisi – Dәuitnúr Tórgeúly men Tileunúr Tórgeúly da Qytaygha tanymal sportshylar. Dәuitnúr Qytay últtyq qúramasyna qabyldanyp, Aziya men Álem chempionattaryna, halyqaralyq jarystargha, elishilik birinshilikter men Qytay spartakiadasynda jetistikterge jetken.

Dәuitnúr Tórgeúly qazir Shynjang komandasynyng beldi bapkeri bolsa, Tileunúr Tórgeúly – Ile aimaqtyq sport komandasynyng jattyqtyrushysy. Ekeuining jetistikteri turaly aitar bolsaq ta, taghy da úzaq әngime órbituge bolady. Ýsh aghayyndy – aimaqtyq, ólkelik, memlekettik qúramalarda jemisti enbek etip jýrgenin eskersek, bolashaqta Qytay qazaqtary arasynan әlemdik dengeydegi myqty baluandar shygharyna ýlken senim bar.

– Eki inim mening jolymdy qudy. Kenjemiz Tileunúrdyng qoly shyghyp, oinamaly bolyp qalghandyqtan, sporttyq karierasyn erte ayaqtady. Alayda birshama biyik belesterdi baghyndyrdy. Dәuitnúr últtyq qúramanyng jastar jәne eresekter sapynda óner kórsetti. Onyng alghan jýldelerining ózi kónil kónshiterliktey. Shynjang komandasynyng beldi bapkeri bolyp qyzmet atqaryp jýr. Bizdi búl biyikke jetkizgen – namys. Ákem qaytys bolghanda Tileunúr besiktegi bala edi. Biz eshkimning qolyna qaramau ýshin tyrystyq.

P.S. Bizding Álnúr Tórgeúlymen jolyghyp, az-kem әngimemizding úzyn-yrghasy osylay órbidi. «Men jetpegen biyikti shәkirtterim baghyndyrady» degen armanynyng tezirek oryndaluyn ishtey tiledik. Sol kýnge bәrimiz birge jeteyik!..

T. TANJARYQ.

Abai.kz