SAYLAUDAN SON, MÚGhALIM NEGE JYLADY?
Keshegi Mәjilis pen mәslihat saylauyn biylik ókilderi qansha jerden әdil jәne zanbúzushylyqsyz ótti degenimen, bir adamnyng birneshe ret dauys berui, jәshikke bulleteniderdi toptastyryp salu syndy zansyzdyqtar az oryn alghan joq. Múnday jayttardy qarapayym túrghyndar beynekameragha týsirip, internetke jýktep jatty, dep habarlaydy SN.kz.
Al, Shymkentte de dәl osy saylau kýni №935 saylau uchaskesinde qazaq tilin kemsitu sekildi zansyzdyq oryn aldy deydi jergilikti múghalimderding biri. Onyng aituynsha, dauys beruge kelgen әiel qazaq múghalimderin orys tilin bilmegeni ýshin әbden balaghattap, N.Nazarbaevtyng «orysqa oryssha jauap ber» degen sózin esterine týsiripti.
«Dauys beruge kelip jatqanda kelensiz oqighagha tap boldym. Anyghyn aitqanda, orys últynyng azamaty bizding múghalimderge «sender oryssha bilmeysinder, oryssha sóiley almaysyndar. Júmystaryndy bosatyndar. Nege otyrsyndar, Nazarbaev senderge ne aitty?» degen siyaqty óktem-óktem sózder aityp, bizding namysymyzdy jerge kirgizerdey boldy… «Sen kimsin, seni júmystan shygharu kerek. Sen oryssha sóiley almaysyng da, bilmeysing de» degen siyaqty әngimeler aitty. Saylaugha kelip, osynday namysym taptalghanynan men qorlanyp bara jatyrmyn… Búl qalay endi? Men oghan eshqanday artyq sóz aitpasam, bilgenimizshe aityp jatyrmyz. Endi biz qazaq mektebinde qazaq últyn tәrbiyelep otyryp, men ne ýshin anaghan da, mynaghan da oryssha sóileuim kerek?» deydi ashynghan múghalim kózine jas alyp.
«El el bola almay jatqan kezde, qazaq qazaq bola almya jatqan kezde men ne ýshin tilimdi búrmalap oryssha aituym kerek?! Onyng pikirinshe, myna jerde otyrghan múghalimderding bәri múghalimdikke layyq emes ekenbiz, óitkeni oryssha bilmeymiz. Sonda bizding óz últymyzdyng balalaryn qazaqsha tәrbiyeleuge qúqymyz joq pa? Qatty namysyma tiydi. Biz endi búl mәseleni aityp kimge shaghymdana alamyz? El aghalary bar, «Núr Otan» bar, búl mәseleni sheshui kerek. Eger osylay әrkimnen teperish kóre bersek onda qazaq tilining ólgeni búl» deydi qazaq múghalimi.
Esterinizge salayyq, jyl basynda Almatygha is-saparmen barghan Memleket basshysy Núrsúltan Nazarbaev Bas prokuraturagha orysshagha qazaqsha jauap bergen memlekettik qyzmetkerlerding bәrin júmystan quu kerek degen tapsyrma bergen bolatyn. Elbasynyng búl sózine qazaqtildi qogham әleumetik jeliler arqyly jappay narazylyq bildirgennen keyin Aqordanyng baspasóz hatshysy Dәuren Abaev Nazarbaevtyng aitqanyn basqasha tәpsirlep berdi.
Kesheli beri әleumettik jelilerde tómendegi Ontýstik Qazaqstan oblysynda týsirilgen viydeo-jazba talqygha týsip, týrli pikirlerding aityluyna sebepker bolyp jatyr. Ústaz adamnyng janayqayy jogharghy jaqtaghylardyng qúlaghyna jetsin degen niyetpen atalghan viydeony nazarlarynyzgha úsynyp otyrmyz.
