ÁYGILI KOMPOZITOR, ÁNShI TÚRSYNGhAZY RAHIMOV DÝNIE SALDY
Qazaq óneri men mәdeniyeti orny tolmas auyr qazagha dushar boldy. Áygili kompozitor, әnshi, ústaz Túrsynghazy Rahimov 65 jasqa qaraghan shaghynda dýnie saldy.
Túrsynghazy Rahimov - qazaq aspanyn әnmen biyiktetken tau túlgha. Ár qazaq balasynyng jýreginde oinap túratyn bir әn bolsa, ol - Túrsynghazy Rahimov әnderi. Onyng әnderi ómirding әr kezenining tereng filosofiyasy, qat-qabat bolmysyn nәzik iyirimdermen ashqan әr jýrektegi әn sandyq. Ólmeytin óner tudyru әrkimning mandayyna jazylyp, baghyna búiyrmaghan desek, Túrsynghazy Rahimov sol ólmeytin óner iyesi. Ómir esigin әnmen ashyp, az kýn jalghanda bar qazaqty әn besiginde terbep, sol әnmen, ayauly jýregi әn salghan boyda mәngilikke ketti. Aspan men jerding arasynda әuelegen әn qaldy. Jetim qalghan joq. Barsha qazaqtyng kýmbirlegen keudesining tórinde túr. Ánge ainalghan Túrsynghazy Rahimov mәngilik jasay bermek.
Alashtyng ayauly túlghasynyng qazasyna oray, otbasyna, tughan-tuysyna, dos-jaranyna, ónerdegi shәkirtteri men agha-bauyrlaryna jәne milliondaghan tyndarmandaryna qayghyryp, kónil aitamyz.
Alla iman baylyghyn berip, peyishte núry shalqysyn!
Baqúl bolynyz, Túrsynghazy agha!
Abai.kz
Úlyqbek Esdәulet
Qosh
«Qazaghym-ay!..» degende
kókiregin
qars airylyp, qabarjyp ot renin,
qúlyn dausyng Qúdaygha jetkenmenen
qaydan úgham - sanyrau, soqyr edim?!.
Áning kókte
túp-túnyq, taza, syrly,
(ayyrbastay almaydy jez asyldy...)
Qayran bozdaq, qazandy estigende,
qúlaghy estip, elinning kózi ashyldy!..
«Qazaghym-ay!..» -
aryzyng baqúldasqan,
arman ketti-au ishinde oqylmastan...
«jerdegiler úqpasa maghan kel» dep,
bәlkim, seni ózine shaqyrdy aspan?
aspandaghy aqqudan әn ýirenip,
úshyp ketting qaytadan «sәby bolyp»...
qolyndaghy qazaqtyng qyrany edin,
qoldan shyghyp ketken song zar iyledik...
Túrsynghazy Rahimov 1951 jyly 15 qazanda dýniyege kelgen. Almatydaghy estradalyq-sirk kolledjin bitirdi. 1994 jyly «Sәby bolghym keledi» degen atpen әnder jinaghy shyqty. «Darigha, dombyramdy bershi maghan», «Otyzdan asyp baramyn», «Men seni saghynghanda», «Sanauly kýn, sanauly ai, sanauly jyl», «Sәby bolghym keledi» sekildi әnderdi jazghan kompozitordyng barlyghy jýzge tarta әni bar. M.Maqataev atyndaghy syilyqtyng iyegeri. Respublikalyq dengeydegi birtalay óner bayqaularynyng laureaty.
