Seysenbi, 31 Naurız 2020
Käsip-tübi näsip 2123 0 pikir 25 Şilde, 2016 sağat 15:10

OQO-DA ŞARUALAR ÜŞİN ARZANDATILĞAN JANAR-JAĞARMAY MÖLŞERİ JETKİLİKTİ

Bwl turalı bügin OQO äkiminiñ orınbasarı S.Twyaqbaev OQO Aymaqtıq  kommunikaciyalar qızmetinde ötken brifingte habarladı. Bwl turalı «OQO äkiminiñ baspasöz qızmeti» jazadı.

Aytuınşa, bügingi tañda oblısta şilde ayına bölingen 13 mıñ tonna janar-jağarmaydıñ 3,2 mıñ tonnası tolıq taratılıp berilse, qalğan 8,3 mıñ tonnasına qarajat tölenip, swyıq otın barlıq audandardıñ auıldarındağı qoymalarğa jetkizilgen. Al janarmay alğısı kelgen kez kelgen şarua, aldımen, öz audanındağı äkimdikke barıp, talon alıp, jeriniñ kölemine säykes, qajet otındı ala aladı.  

«Qazirgi tañda bwrınğı jüye jañarıp, şarualar jañadan qalıptasqan jüye boyınşa janar-jağarmay aluda. Bizde bwl jwmıstarğa qosımşa, oblıstıq käsipkerlik basqarmasımen birlesu arqılı, oblıstıq janar-jağarmay qauımdastığımen jäne oblıstıq käsipkerlik palatasımen arnayı monitoring jürgizilip jatır. Eger qanday da bir olqılıq orın alğan jağdayda arnayı qwrılğan jwmısşı tobımen tiisti şaralar qabıldaytın bolamız», - dedi S.Twyaqbaev.

Eske salayıq, biıl auıl şaruaşılı salasınıñ oraq oru nauqanın jürgizu üşin Ükimetten 39 mıñ tonna janar-jağarmay bölingen bolatın. Onıñ 13 mıñ tonnası şilde ayına bölinse, 12 mıñ tonnası tamız ayı üşin qaralğan. Al 14 mıñ tonna swyıq otındı qırküyek ayında taratu josparlanğan.

Baspasöz mäslihatında oblıs äkiminiñ orınbasarı bwl salada öñir boyınşa 17 operatordıñ bar ekenin habarladı. Är audanda bir operatordan bolsa, Maqtaral men Sarıağaş audandarında eki operatordan bar eken. Arzandatılğan janar-jağarmaylar oblıstağı 56 janarmay beketi boyınşa taratıluda. Eger de, şarua swyıq otındı qoymadan alatın bolsa 83 teñgeden, al janarmay beketinen alsa 85 teñge ala aladı. Al jalpı arzandatılğan otınnıñ narıqtağı bağası 99 teñge.

Abay aqparat

0 pikir